Kif tikkanċella booking bħala host mingħajr konsegwenzi

Jekk Host ikollu jikkanċella booking għax għandu raġuni tajba li minħabba fiha ma jistax jilqa' l-klijenti—bħal pereżempju jekk ikun marid jew ikun hemm xi ħsara serja fil-propjetà—mhux se nitolbu t-tariffi ta' kanċellazzjoni jew konsegwenzi oħra.

Politiki ta' kanċellazzjoni importanti li l-hosts għandhom jaqraw

Jekk Host ta' listing, servizz jew esperjenza jkollu jikkanċella booking, jaf ikollu jħallas xi tariffi jew iġarrab xi konsegwenzi oħra skont il- Politika ta' Kanċellazzjoni għall-Hosts għal-listing u l- Politika ta' Kanċellazzjoni għall-Hosts għas-servizzi u l-esperjenzi.

Importanti li tkun taf li l-Hosts qatt m'għandhom jikkanċellaw għal xi raġuni li tikser il-politiki tagħna, inklużi l- Politika ta' Nondiskriminazzjoni u l- Politika tal-Aċċessibbiltà tagħna.

Raġunijiet tajbin għall-kanċellazzjoni għall-Hosts tad-djar, tas-servizzi jew tal-Esperjenzi

Għall-Hosts tad-djar

Fost ir-raġunijiet tajbin għall-kanċellazzjoni hemm:

• Sitwazzjonijiet li l-Host ma jistax jikkontrolla, bħal ħsara serja lil-listing jew tiswijiet ta' emerġenza (bħal ħruġ tal-gass jew pajp li jfaqqa')
• Mard personali serju li ma jħallix li tilqa' n-nies
• Prova li klijent beħsiebu jikser waħda mir-regoli tad-dar imsemmija fid-dettalji tal-listing, li beħsiebu jorganizza party mingħajr permess jew li beħsiebu jikser il- Politika dwar il-Parties u l-Avvenimenti tagħna
• Avveniment serju li jfixkel, bħal emerġenzi tas-saħħa pubblika jew restrizzjonijiet fuq il-vjaġġi tal-gvern

Għall-organizzaturi tas-servizzi jew tal-Esperjenzi

Fost ir-raġunijiet tajbin għall-kanċellazzjoni hemm:

• Problemi mhux mistennija bis-saħħa tal-organizzatur jew bil-kundizzjonijiet tal-post li ma jistgħux jiġu kkontrollati mill-organizzatur u li jfixklu s-servizz jew l-esperjenza milli jseħħu
• Tfixkil ikkawżat mill-klijenti li jżomm lill-host milli jilqa' n-nies jew ilesti servizz jew esperjenza, bħal li ma jimxix mal-istruzzjonijiet iddikjarati
• Jekk servizz jew esperjenza jseħħu f'dar ta' Airbnb u d-dar għandha problema li ma tħallikx tilqa' n-nies
• Jekk il-host u l-klijent jaqblu ma' data u/jew ħin alternattivi biex iżommu s-servizz jew l-esperjenza u l-host jikkanċella sabiex il-klijent ikun jista' jibbukkja mill-ġdid

Kif jaħdmu l-kanċellazzjonijiet għall-Hosts tad-djar li jużaw il-Booking Immedjat

Jekk host tad-dar juża l-Booking Immedjat, jista' jikkanċella għal raġunijiet validi oħra mingħajr konsegwenzi f' ċerti ċirkostanzi. Xi eżempji jinkludu:

• Il-klijent jagħmilha ċara li x' aktarx se jikser waħda mir-regoli tad-dar tal-host, bħal li jġib annimal domestiku jew ipejjep
• Il-klijent għandu numru ta' reviews ħżiena jew m'għandux biżżejjed informazzjoni fil-profil tiegħu u dil-ħaġa qed tħassbek lill-Host

Fil-biċċa l-kbira tal-każijiet, il-Hosts għandhom ikunu jistgħu jikkanċellaw il-bookings li saru bil-Booking Immedjat minn fuq l-internet għal dawn ir-raġunijiet, imma kultant jafu jkollhom jikkuntattjawna biex jikkanċellaw mingħajr konsegwenzi. Inkella se nżommulek it-tariffi u l-konsegwenzi. Jekk host jikkanċella numru kbir ta' bookings bil-Booking Immedjat, jista' jkun meħtieġ li jitfi l-Booking Immedjat.

Il-Hosts jafu jintalbu jibagħtu xi dokumenti jekk jikkanċellaw 

Biex jikkanċella mingħajr konsegwenzi, jew biex il-konsegwenzi ma jiġux applikati f'waħda minn das-sitwazzjonijiet, il-Host jista' jintalab jibgħat provi tad-dokumenti, qabel jew wara l-kanċellazzjoni. Pereżempju, jistgħu jintalbu jibagħtu ritratti, filmati u dokumenti oħra f'każ ta' tiswijiet ta' emerġenza, filwaqt li marda personali serja tista' teħtieġ ittra mingħand tabib.

L-Organizzaturi għandhom jikkanċellaw fil-ħin biex jevitaw konsegwenzi li jistgħu jinqalgħu

Jekk Host ma jkunx jista' jilqa' booking—tkun xi tkun ir-raġuni—ir-responsabbiltà tiegħu hija li jikkanċella bil-ħin biex il-klijent ikun jista' jibdel il-pjanijiet tiegħu. Jekk il-ħin taċ-checkin ikun fi żmien 24 siegħa, l-għażla li tikkanċella onlajn mhux se tkun disponibbli—il-host se jkollu jikkuntattjana.

Problemi bil-kanċellazzjonijiet meta tuża fornitur tas-softwer tal-API

Jekk tinqala' problema minn fornitur tas-softwer tal-API u l-host ikollu jikkanċella booking b' riżultat ta' dan, il-host għandu jipprovdi prova tal-qtugħ jew inċident tal-fornitur tas-softwer tal-API biex jiġi kkunsidrat meta jitlob rinunzja għat-tariffi u l-konsegwenzi.

Ikkuntattjana jekk għandek xi mistoqsijiet dwar il-kanċellazzjonijiet

Jekk m'intix ċert/a jekk is-sitwazzjoni tiegħek tistax tiġi aċċettata, ikkuntattjana qabel tikkanċella. Sir af iktar dwar it-tariffi ta' kanċellazzjoni għall-Hosts tad-djar jew it-tariffi ta' kanċellazzjoni għall-Organizzaturi tas-servizzi jew tal-Esperjenzi.