Reviews onesti u ta' min joqgħod fuqhom

Il-Politika dwar ir-Reviews ta' Airbnb

Ir-reviews dwar id-djar, is-servizzi u l-esperjenzi jgħinu lill-komunità tagħna tieħu deċiżjonijiet infurmati dwar il-bookings u l-ospitalità u jipprovdu feedback utli lill-klijenti u lill-hosts. Għalhekk ir-reviews għandhom ikunu utli, ġenwini, ta' min jafdahom u jimxu mal-Politika tal-Kontenut tagħna.

X'ma nħallux fir-reviews

Hemm xi sitwazzjonijiet fejn ir-reviews ma jgħinux jew ma jistgħux jitqiesu ta' min joqgħod fuqhom u jekk jiksru l-politika tagħna, jistgħu jitneħħew. Jekk sid il-post jew mistieden jemmnu li review tikser il-politika tagħna, jistgħu jressqu tilwima dwar ir-review biex titqies għat-tneħħija.

Reviews li mhux rilevanti

• Ir-reviews għandhom ikunu dwar dak li qed jiġi rivedut. Pereżempju, jekk review dwar dar tkun dwar servizz jew esperjenza separata pprovduta mill-istess sid u mhux dwar id-dar, din mhux se tkun utli għall-klijenti futuri li jkunu qed jiddeċiedu jibbukkjawx id-dar.
• Ir-reviews mhumiex rilevanti jekk ma jipprovdux l-esperjenza diretta tal-parteċipanti dwar il-booking.
• Jekk mistieden qatt ma wasal għall-booking tiegħu jew għażel li jikkanċella minħabba ċirkostanzi mhux relatati mal-offerta li bbukkja, ir-review tiegħu titqies bħala irrilevanti għax mhux ibbażata fuq esperjenza diretta tal-offerta.
  

Reviews foloz

Ir-reviews ikunu foloz jekk ma jkunux ibbażati fuq booking ta' vera. Ir-reviews għandhom jintbagħtu minn jew f'isem xi ħadd li ħa sehem fil-booking.

Reviews li jinvolvu preġudizzju, qerq, rikatt, inċentiv jew pressjoni

• Ir-reviews ma jistgħux jintużaw biex iqarrqu b'Airbnb jew b'xi persuna oħra.
• Il-Hosts u l-mistednin ma jistgħux jikkoordinaw ma', jimmanipulaw, jirtabu, jinċentivaw jew jagħmlu pressjoni fuq persuna oħra biex tinfluwenza review jew tisfrutta s-sistema tar-reviews.
• Il-Hosts u l-klijenti ma jistgħux jheddu b'review negattiva biex jiksbu kumpens, ħlas lura jew inċentiv ieħor mhux iġġustifikat.
• Ir-reviews ma jistgħux jingħataw jew jinżammu lura bi skambju għal xi ħaġa ta' valur—bħal skont, ħlas lura jew review pożittiva reċiproka—jew wegħda li ma tittieħed l-ebda azzjoni negattiva kontra min jikteb ir-review.

Reviews li jintużaw biex jikkawżaw ħsara lill-kompetizzjoni

Il-Hosts u l-klijenti ma jistgħux jiktbu reviews dwar listings li huma direttament affiljati magħhom jew li jikkompetu magħhom direttament.

Reviews li jkunu qed jirritaljaw lil xi ħadd

• L-utenti ta' Airbnb ma jistgħux jiktbu reviews biex jirritaljaw kontra utent ieħor talli jkun infurza politika ta' Airbnb.
• Review se titqies bħala ritaljazzjoni biss jekk min kitibha kien qed jikser xi waħda mill-politiki tagħna, ġie avżat dwar dak il-ksur u mbagħad kitibed review preġudikata għax xi ħadd irrapporta l-ksur li wettaq. Review li titkellem dwar il-fatti jew il-validità ta' talba li ssir permezz taċ-Ċentru tar-Riżoluzzjonijiet jew ta' AirCover mhix awtomatikament meqjusa bħala vendetta.

Reviews li jiksru l-Politika tal-Kontenut tagħna

Ir-reviews għandhom jimxu mal-Politika tal-Kontenut tagħna. Pereżempju, ir-reviews ma jistgħux ikollhom kontenut espliċitu, diskriminatorju, ta' ħsara jew illegali.

Kif ninfurzaw dil-politika

Jekk review tikser dil-politika, nistgħu nneħħu dak ir-review, inklużi r-ratings u l-kontenut l-ieħor marbut miegħu. Skont it-tip ta' ksur, nistgħu wkoll nillimitaw, nissospendu jew inneħħu l-listing jew il-kont ta' Airbnb marbut mal-każ.

Dil-politika tista' tinbidel skont il-post biex timxi ma' dak li titlob il-liġi tal-post.

X'ma jikkwalifikax għat-tneħħija

Il-politika ta' Airbnb hija msejsa fuq il-liġijiet tal-konsumatur li jgħoddu għar-reviews onlajn. Ir-reviews jistgħu jitneħħew mill-pjattaforma tagħna f'ċirkostanzi limitati biss.

Eżempji komuni li ma jikkwalifikawx għat-tneħħija jinkludu:

• Nuqqas ta' qbil dwar rating bl-istilel: Review mhux se titneħħa sempliċement minħabba nuqqas ta' qbil jew nuqqas ta' sodisfazzjon dwar ir-rating bl-istilel—pereżempju, review tgħid “Dar sabiħa u żjara mill-aqwa” imma l-klijent ħalla rating ta' 3 stilel.
• Review li ssemmi fatturi li l-organizzatur ma jistax jikkontrollahom: Review li ssemmi fatturi li l-organizzatur ma jistax jikkontrollahom mhux bilfors tikser il-politika tagħna għax l-informazzjoni tista' tkun utli għall-mistednin futuri (eż.: il-viċinat huwa storbjuż) u aħna nqisu r-rilevanza tar-review kollha.
• Opinjonijiet suġġettivi f'reviews bil-miktub: Ħafna reviews fihom opinjonijiet suġġettivi dwar il-booking (eż.: "Il-kċina kienet żgħira u mgħaqqda"). Filwaqt li l-host jista' jemmen li l-kċina hija spazjuża, il-perspettiva tal-klijent tista' tipprovdi informazzjoni utli għal klijenti futuri.

Irrapporta review

Jekk taħseb li xi artiklu qed jikser dil-politika, tista' tressaq talba biex jitneħħa u t-tim tagħna jirrevedih.

Tista' wkoll tikkuntattjana u membru tat-tim tagħna se jirrevedi t-talba tiegħek.

Wieġeb għal review

Għalkemm nistennew li l-membri tal-komunità kollha jiktbu reviews ġenwini, normalment ma nintervjenux f'tilwim dwar il-preċiżjoni tar-reviews. Minflok, l-utenti jistgħu jiktbu tweġibiet għar-reviews li jkunu skont dil-politika.

Neħħi review li ktibt

Tista' tneħħi review li ktibt sa 30 jum mid-data li fiha ġiet ippubblikata.