Mur 'il quddiem biex taċċessa r-riżultati suġġeriti

    Il-Politika tar-Reviews ta' Airbnb

    Biex nibnu pjattaforma ta' fiduċja, aħna nitolbu lill-komunità tagħna biex tgħinna niżguraw li r-reviews fuq Airbnb ikunu utli, informattivi u li ma jqiegħdux lill-komunità fil-periklu. Għalhekk nistennew li r-reviews kollha jimxu ma' dan li ġej:

    1. Ir-reviews m'għandhomx jiksru l-politika tal-kontenut tagħna

    Ċertu tip ta' kontenut qatt mhu aċċettat fuq Airbnb. Biex issir taf iktar tista' taqra l-Politika tal-Kontenut ta' Airbnb.

    2. Ir-reviews m'għandhomx ikunu preġudikati

    L-iktar reviews utli huma dawk li jagħtu informazzjoni objettiva u mhux preġudikata. Għalhekk ma nħallux persuni jew entitajiet li jmexxu jew għandhom x'jaqsmu ma' listing jew esperjenza li jiktbu reviews dwarhom stess. Lanqas ma nħallu persuni li aħna ċerti li l-listings jew l-esperjenzi tagħhom jikkompetu direttament ma' listing jew esperjenza li jiktbu reviews għal tali listings jew esperjenzi.

    Ma tistax toffri inċentivi għal reviews pożittivi, ma tistax thedded b'reviews negattivi biex tieħu dak li trid u lanqas ma tista' tinfluwenza r-review ta' ħaddieħor dwarek billi twiegħed xi kumpens.

    Barra minn hekk, la tista' taċċetta bookings foloz biex jgħinuk tikseb reviews pożittivi u lanqas ma tista' tuża kont ieħor jew tifthiem ma' xi sħab kummerċjali biex tikseb reviews pożittivi dwarek jew dwar il-listings tiegħek.

    Ir-reviews dwar żjarat fejn ikun seħħ ksur serju tal-Politika tal-Parties u l-Avvenimenti jistgħu jitneħħew mill-pjattaforma tagħna. Nagħmlu hekk biex il-Hosts iħossuhom iktar komdi jindaħlu, mingħajr il-biża' li jiksbu review preġudikata minħabba f'hekk, meta jseħħ xi party li jagħti fastidju.

    3. Ir-reviews għandhom ikunu utli

    Ir-reviews tiegħek għandhom ikunu utli biex jiddeskrivu ż-żjara jew l-esperjenza tiegħek fuq Airbnb għax il-klijenti li jaqraw ir-reviews tiegħek iridu jkunu jafu dwar il-Host u l-listing tiegħu. Ir-reviews li jitkellmu fuq affarijiet oħra jistgħu jfixklu lin-nies u ma jgħinux lill-klijenti jagħmlu deċiżjonijiet tal-bookings għaqlija. Għal dir-raġuni, ir-reviews għandhom jitkellmu dwar l-interazzjonijiet tiegħek mal-membri l-oħra tal-komunità u dwar iż-żjara jew l-esperjenza tiegħek.

    Biex ir-reviews tiegħek ikunu utli, nissuġġerulek tevita dawn l-affarijiet li ġejjin:

    • Li tikteb dwar l-istat soċjali u t-twemmin politiku jew reliġjuż ta' persuna
    • Kliem oxxen, tgħajjir u li tassumi xi ħaġa dwar il-karattru jew il-personalità ta' persuna
    • Kontenut li jirreferi għal sitwazzjonijiet kompletament barra l-kontroll ta' persuna oħra
    • Kontenut dwar servizzi li m'għandhomx x'jaqsmu ma' Airbnb (bħal pereżempju linja tal-ajru, servizz tat-trasport, ristorant, eċċ...)
    • Li tikteb dwar bookings ta' qabel jew Hosts jew klijenti ta' Airbnb li fil-passat stajt iltqajt magħhom fuq Airbnb jew dwar prodotti ta' Airbnb li m'għandhomx x'jaqsmu mal-listing, mal-Host jew mal-klijent li tkun qed tagħtihom rating

    Meta nirċievu rapport dwar review li tikser dil-politika, aħna nistgħu nneħħu r-review mill-pjattaforma tagħna. F'każijiet ta' ksur ripetut, nistgħu nissospendu jew inneħħu għal kollox il-kont(ijiet) li jiktbu tali reviews.

    Kif tirrapporta review li tikser il-politika tagħna

    Ikkuntattjana jekk tixtieq tirrapporta review li tikser il-politika tar-reviews ta' Airbnb.

    Jekk temmen li r-review mhix vera

    Filwaqt li nħeġġu u nistennew li l-membri tal-komunità kollha jiktbu biss reviews b'informazzjoni objettiva u eżatta, Airbnb ma tindaħalx f'tilwim li għandu x'jaqsam mal-verità tar-reviews. Aħna nistennew li l-kittieb tar-review jkun responsabbli għar-review li jikteb. Skopri x'għandek tagħmel biex twieġeb għal review.

    Għal iktar informazzjoni dwar kif ninvestigaw u nimmoderaw it-tilwim dwar ir-reviews, aqra dwar Il-Moderazzjoni tat-Tilwim rigward ir-Reviews ta' Airbnb.

    Ingħatajt l-għajnuna li kellek bżonn?