Ambaxxaturi Superhost

L-Ambaxxaturi Superhost huma Superhosts li jgħinu lil nies minn madwar id-dinja kollha jiskopru l-benefiċċji tal-ospitalità. Huma jaqilgħu premju għal kull Host ġdid li jintroduċu lil Airbnb u joffru għajnuna u għodod personalizzati biex jgħinu lill-Hosts il-ġodda jirnexxu.

Għal iktar informazzjoni, agħti ħarsa lejn dawn ir-Regoli u l-Kundizzjonijiet tal-Programm Ambaxxaturi Superhost.

Kif issir Ambaxxatur Superhost

Jekk int Superhost u tixtieq taqsam l-esperjenza tiegħek ma' Hosts ġodda, allura tista' ssir Ambaxxatur Superhost tal-programm Ambaxxaturi Superhost.

Fost il-benefiċċji li tkun Ambaxxatur Superhost għandek:

• Li tiltaqa' ma' Hosts ġodda u tgħinhom huma u jtellgħu l-ewwel listing tagħhom fuq Airbnb
• Premjijiet għal kull listing ġdid eliġibbli li tgħinna ntellgħu fuq Airbnb
• Aċċess għal faċilitajiet, riżorsi u għarfien esklussiv

Biex tkun tista' tapplika għall-programm, irid ikollok l-istatus ta' Superhost u l-kont tiegħek ma jistax ikollu xi problemi. Żur il-paġna tal-programm Ambaxxaturi Superhost biex tapplika biex issir Ambaxxatur Superhost.

Kif iżżomm l-istatus tiegħek bħala Ambaxxatur Superhost

Kull tliet xhur aħna niċċekkjaw biex niżguraw li għad għandek dal-kriterji:

• Li għad għandek l-istatus ta' Superhost
• Li l-kont tiegħek m'għandux problemi

L-Ambaxxaturi Superhost li ma jilħqux dawn il-kriterji kull tliet xhur jistgħu jingħataw ftit żmien ċans biex jerġgħu jiksbu l-istatus ta' Superhost. Airbnb għandha dritt tissospendi s-sħubija fil-programm jew titlob lill-Hosts li jitilfu l-istatus ta' Superhost tagħhom biex jerġgħu japplikaw għall-programm iktar tard.

Il-benefiċċji ta' Ambaxxatur Superhost

Hemm żewġ modi kif tista' taħdem mal-Hosts il-ġodda:

• Tgħinhom jibdew fuq Airbnb u tgħin twieġeb il-mistoqsijiet li jafu jkollhom huma u joħolqu listing
• Taħdem magħhom direttament permezz tal-programm Ambaxxaturi Superhost

Kif tintroduċilna Hosts ġodda fuq Airbnb

Biex tintroduċilna n-nies li jistgħu jsiru Hosts, iftaħ id-dashboard tal-Ambaxxaturi, ikkopja l-link ta' introduzzjoni unika tiegħek u aqsamha mal-oħrajn kif tixtieq: b'SMS, b'email, fuq il-midja soċjali u iktar. In-nies li jitħajru jsiru Hosts, wara li jiftħu l-link ta' introduzzjonijiet tiegħek se jittieħdu fuq paġna personalizzata li turi ismek, ir-ritratt tal-profil tiegħek u l-istruzzjonijiet ta' kif joħolqu listing ġdid.

Żomm f'moħħok li biex tirċievi l-premju, il-Host il-ġdid li tintroduċilna jrid juża l-link ta' stedina unika tiegħek u joħloq il-listing tiegħu dak il-ħin stess. Tista' tintroduċi lil kull min qatt ma laqa' nies għandu fuq Airbnb qabel, anki jekk diġà għandu kont ta' Airbnb.

Jekk Host ġdid kien diġà rċieva stedina ta' introduzzjoni mingħand ħaddieħor jew konna diġà laqqajnieh ma' Ambaxxatur Superhost ieħor, int mhux se tkun eliġibbli għal premju għall-ħidma li twettaq miegħu.

Kif jinħadmu l-premjijiet

Il-premju fi flus li jingħatalek għall-Hosts li tintroduċi fuq Airbnb jiddependi mir-regoli tal-programm ta' Introduzzjoni tal-Hosts. Iftaħ id-Dashboard tal-Ambaxxaturi tiegħek biex issib kemm bejn wieħed u ieħor hu l-premju fi flus li se taqla'. Il-valur tal-premjijiet ivarja maż-żmien. Kif hemm miktub fir-regoli tal-programm Introduzzjoni tal-Hosts, Airbnb għandha dritt li fil-ġejjieni tibdel kif jinħadem il-valur tal-premjijiet kif ukoll li tibdel regoli oħra tal-programm.

Meta se titħallas

Se titħallas meta Host ġdid li tkun introduċejtilna jtemm l-ewwel booking li jikkwalifika skont ir-regoli tal-programm ta' Introduzzjoni tal-Hosts. Biex ikun eliġibbli, booking irid ikollu valur ta' mill-inqas $100 USD qabel it-taxxi u t-tariffi (jew tal-istess valur f'munita differenti) u jrid jitlesta mhux iktar tard minn 90 jum wara li l-Host il-ġdid ikun fetaħ il-link ta' introduzzjoni tiegħek.

Żomm f'moħħok: Dan ma jfissirx li r-rata ta' kull lejl għal-listing il-ġdid trid tkun ogħla minn $100 USD imma li l-valur tal-booking kollu (li jinkludi l-iljieli kollha) għandu jkun ta' mill-inqas $100 USD.

Il-bookings li jikkwalifikaw għandhom ikunu bookings veri. Bookings qarrieqa ta' kull xorta, ftehim biex taqsam il-premjijiet tal-programm u l-metodi l-oħra kollha li bihom taqsam id-dħul tiegħek ma' min jagħmel il-booking imorru kontra r-regoli tal-programm. Il-Host għandu jkun persuna li qatt ma laqgħet in-nies fuq il-pjattaforma ta' Airbnb. Dan ifisser li dil-persuna qatt ma kellha listing attiv qabel. Jekk jogħġbok żomm f'moħħok illi kull min diġà rċieva link ta' introduzzjoni mingħand Host ieħor jew juża softwer li jaqbad mal-pjattaforma bl-APIs ma jistax ikun Host li jgħinek taqla' l-premju fi flus. Lanqas ma huma eliġibbli dawk li joqogħdu f'ċerti postijiet.

Il-ħlasijiet normalment iseħħu madwar 14-il jum wara li l-klijent ikun għamel iċ-checkout għall-booking li jikkwalifika (għalkemm jafu jieħdu iktar żmien jekk ikollna nivverifikaw xi rekwiżiti jew jekk iseħħu xi sitwazzjonijiet barra l-kontroll tagħna). Biex nagħtu eżempju: Jekk id-data taċ-checkout ta' booking li jikkwalifika tkun l-10 ta' Jannar, il-pagament normalment jintbagħat madwar l-24 ta' Jannar.

Kif taqbad ma' Hosts ġodda bħala Ambaxxatur Superhost

Jekk napprovawk biex issir Ambaxxatur Superhost, jaf tkun tista' tibda taqbad ma' Hosts ġodda permezz tal-programm tagħna Ambaxxaturi Superhost. Grаzzі għаll‐еѕреrјеnzі lі għаddејt mіnnhоm tіѕtа' tgħіn lіll‐Ноѕtѕ іl‐ġоddа humа u јоħоlqu l‐lіѕtіng tаgħhоm‚ tаqѕаm хі раrіrі dwаr аffаrіјіеt bħаlmа humа t‐tіndіf u kіf tіеħu r‐rіtrаttі t‐tајbа‚ tаqѕаm l‐għаrfіеn u l‐еѕреrјеnzі tіеgħеk u‚ grаzzі għаl dаn kоllu‚ tаqlа' хі рrеmјіјіеt.

Bħala parti mill-programm, se jkollok aċċess għal dashboard li minnha tista' tara min huma l-Hosts li tkun qed tgħin u tara f'liema pass waslu. Airbnb għandha ġabra kbira ta' pariri, suġġerimenti u workshops biex tużahom meta tixtieq ħalli jgħinuk matul l-avventura tiegħek int u tgħin lil dawk li jixtiequ jsiru Hosts. Se naqsmu r-riżorsi tagħna miegħek biex tkun tista' twieġeb il-mistoqsijiet li l-Hosts il-ġodda jafu jistaqsuk.

Kif inlaqqgħuk ma' Host ġdid fil-programm

L-għan tagħna huwa li nqabbduk ma' Hosts ġodda li l-esperjenzi li għaddejt minnhom jafu jkunulhom ta' għajnuna. Is-sistema tagħna tqabbdek mal-Hosts il-ġodda skont numru ta' fatturi, fosthom:

• Il-post: Is-sistema se tlaqqa' lill-Hosts il-ġodda ma' Ambaxxatur Superhost li jgħix jew jilqa' n-nies fl-istess pajjiż.
• Iż-żona tal-ħin: Is-sistema se tipprova ssib Ambaxxatur Superhost fl-istess żona tal-ħin tal-Host il-ġdid biex tagħmilhielkom eħfef li tikkomunikaw.
• It-tip ta' listing: Is-sistema se tipprova ssib Host li għandu l-istess tip ta' listing(s) bħalek—post sħiħ, kamra privata jew spazju maqsum mal-oħrajn.
• L-ilsien: L-ilsien jew l-ilsna li titkellem. Dil-ħaġa tista' tinbidel mis-ѕеttіngѕ tаl‐рrоfіl tа' Аіrbnb tiegħek.

Żomm f'moħħok: Maż-żmien nistgħu nibdlu l-fatturi meqjusa mis-sistema tagħna. Meta nlaqqgħuk ma' Hosts ġodda f'pajjiżi oħra, aħna nżommu f'moħħna li t-tnejn għandkom tkunu titkellmu l-istess ilsien.

Statistika tal-Ambaxxaturi Superhost

Bħala Ambaxxatur Superhost se jkollok aċċess għal informazzjoni marbuta mal-ħidma tiegħek man-nies li jixtiequ jsiru Hosts. Dil-informazzjoni tinkludi dettalji bħar-rata ta' rispons jew il-perċentwali ta' nies li jixtiequ jsiru Hosts li jaslu biex jiksbu l-ewwel booking tagħhom bl-għajnuna tiegħek. Maż-żmien se nżidu iktar dettalji biex tkun tista' tifhem aħjar kif sejra l-ħidma tiegħek man-nies li jixtiequ jsiru Hosts.

Kif jinħadmu l-premjijiet

Is-somma li taqla' talli tintroduċi u tgħin lill-Hosts il-ġodda tiddependi mill-pajjiż fejn toqgħod. Iftaħ id-Dashboard tal-Ambaxxatur tiegħek biex issib kemm bejn wieħed u ieħor hu l-premju fi flus li se taqla'. Il-valur tal-premjijiet ivarja maż-żmien. Airbnb għandha dritt li fil-ġejjieni tibdel kif jinħadem il-valur tal-premjijiet.

Meta titħallas

Se titħallas meta Host ġdid li nkunu laqqajniek miegħu jtemm l-ewwel booking li jikkwalifika skont ir-regoli tal-programm Introduzzjoni tal-Hosts. Віех іkun еlіġіbblі‚ bооkіng іrіd іkоllu vаlur tа' mіll‐іnqаѕ $50 UЅD qаbеl іt‐tаххі u t‐tаrіffі (јеw tаl‐іѕtеѕѕ vаlur fіl‐munіtа lоkаlі) u јrіd јіtlеѕtа mhuх іktаr tаrd mіnn 365 јum wаrа lі nkunu lаqqајnіеk mal-Host.

Żomm f'moħħok: Dan ma jfissirx li r-rata ta' kull lejl għal-listing il-ġdid trid tkun ogħla minn $50 USD imma li l-valur tal-booking kollu (li jinkludi l-iljieli kollha) għandu jkun ta' mill-inqas $50 USD.

Il-bookings li jikkwalifikaw għandhom ikunu bookings veri. Bookings foloz, il-bookings magħmula mill-familja jew mill-ħbieb, il-ftehim biex taqsam il-premjijiet tal-programm u l-metodi l-oħra kollha li bihom taqsam id-dħul tiegħek ma' min jagħmel il-booking imorru kontra r-regoli tal-programm. Іl‐Ноѕt għаndu јkun реrѕunа lі qаtt mа lаqgħеt іn‐nіеѕ fuq іl‐рјаttаfоrmа tа' Аіrbnb․ Dаn іfіѕѕеr lі dіl‐реrѕunа qаtt qаbеl m'għаndhа tkun lаqgħеt іn‐nіеѕ реrmеzz tа' lіѕtіng fuq Аіrbnb.

Il-ħlasijiet normalment iseħħu madwar 14-il jum wara li l-klijent ikun għamel iċ-checkout għall-booking li jikkwalifika (għalkemm jafu jieħdu iktar żmien jekk ikollna nivverifikaw xi rekwiżiti jew jekk iseħħu xi sitwazzjonijiet barra l-kontroll tagħna). Biex nagħtu eżempju: Jekk id-data taċ-checkout ta' booking li jikkwalifika tkun l-10 ta' Jannar, il-pagament normalment jintbagħat madwar l-24 ta' Jannar.

Linji gwida għall-Ambaxxaturi Superhost

L-Ambaxxaturi għandhom iżommu f'moħħhom dal-linji gwida:

1. Biex tgħin lill-Hosts il-ġodda jifhmu l-ħsieb wara l-għajnuna li tagħtihom, ma tagħmilx ħażin li tintroduċi ruħek bħala Ambaxxatur Superhost u tispjega li l-għan tiegħek huwa li tgħin lill-Hosts il-ġodda jirnexxu huma u jibdew jilqgħu n-nies fuq Airbnb.
2. L-Ambaxxaturi Superhost la huma ħaddiema ta' Airbnb u lanqas jingħataw istruzzjonijiet ta' kif jaħdmu mingħand Airbnb jew il-ħaddiema tagħha. Dil-ħaġa għandha tkun dejjem tingħad bl-iktar mod ċar meta tkun qed tikkomunika mal-oħrajn u mal-Hosts il-ġodda li nqabbduk magħhom. L-Ambaxxaturi Superhost ta' Airbnb huma kuntratturi indipendenti li jmexxu n-negozji tagħhom stess u m'għandhomx jużaw l-isem, il-logos jew propjetajiet intelletwali oħra ta' Airbnb fl-għodod tal-marketing tagħhom bħal, fost oħrajn, l-ismijiet tad-domains, l-ismijiet tan-negozju, il-marki kummerċjali, il-kliem ewlieni li jirriklamaw fuqu, l-ismijiet fuq il-midja soċjali jew fuq affarijiet oħra li jużaw. Tista' ssib iktar dettalji fit-Termini u l-Kundizzjonijiet tal-Programm Ambaxxaturi Superhost.
3. Matul il-ħidma tiegħek bħala Ambaxxatur Superhost qatt m'għandek toffri pariri legali, fiskali jew pariri speċjalizzati oħra bħalma huma pariri fuq it-taxxi, fuq il-propjetà, fuq il-kiri, fuq il-valur tal-propjetà jew fuq il-permessi.
4. L-Ambaxxaturi Superhost li jirnexxu ma jħajrux lin-nies jingħaqdu ma' Airbnb jew lill-Hosts il-ġodda li nkunu qabbadniehom magħhom billi jibbumbardjawhom bil-messaġġi. Jirrispettaw il-privatezza tal-oħrajn u jikkomunikaw biss ma' dawk in-nies li jaċċettaw li tikkuntattjahom.
5. Fl-emails, fuq il-midja soċjali u fil-materjal l-ieħor li tuża nissuġġerulek tagħmel stqarrija tat-tip "Bħala Ambaxxatur Superhost ta' Airbnb, jien indaħħal il-flus meta int issir Host."
6. L-Ambaxxaturi Superhost m'għandhomx permess joħolqu materjal kummerċjali, inklużi websajts jew pubblikazzjonijiet fuq il-midja soċjali, li jistgħu jagħtu dehra li l-Ambaxxaturi jagħmlu parti minn Airbnb jew li jistgħu jqarrqu bil-Hosts il-ġodda jew b'min qed jara dak il-materjal dwar it-tip ta' rabta tagħhom ma' Airbnb.
7. Għalkemm Airbnb tħeġġeġ lill-Ambaxxaturi Superhost biex jibnu n-negozju tagħhom u isem għalihom, jekk Airbnb tintroduċi Host ġdid lil Ambaxxatur Superhost, l-Ambaxxatur Superhost ma jistax jitlob jew jistenna xi pagament talli jgħin lil dak il-Host bil-proċess Airbnb Setup.
8. Tippruvax tqarraq b'Airbnb billi pereżempju toħloq bookings foloz, tiftiehem mal-Hosts biex taqsmu l-premjijiet u/jew tikkuntattja lill-Hosts il-ġodda li Airbnb tkun laqqgħetek magħhom u mbagħad tieqaf tweġibhom.
9. M'għandekx taqsam id-dettalji privati tal-istrateġija kummerċjali tiegħek mal-Hosts il-ġodda, billi pereżempju tgħidilhom kif tasal għall-prezzijiet tiegħek, u lanqas m'għandek tgħid lill-Hosts l-oħra xi prezzijiet għandhom jitolbu. Il-Hosts jistgħu jagħżlu l-prezzijiet li jixtiequ u jistgħu jibdluhom meta jridu u kif iridu.