Il-Politika dwar l-Attivitajiet li Jseħħu Barra mill-Pjattaforma u t-Trasparenza tat-Tariffi

Meta tilqa' n-nies fuq Airbnb taqbel li timxi mar-regoli u l-politiki tagħna fosthom ir- Regoli tas-Servizz tagħna, li għandna l-jedd li nwettqu meta u kif jidhrilna aħna. Jekk ikun hemm xi ksur imtenni jew ksur serju tar-regoli, nafu nissospendu jew niddiżattivaw għalkollox il-listings jew il-kont tal-utent. Biex inħarsu l-komunità tagħna, ma naċċettawx dal-imġibiet li ġejjin li jinsabu hawn taħt.

Kif tmexxi l-bookings li għandek bħalissa, li ġejjin jew li qed jiġġeddu barra Airbnb

Fosthom: 

• Li titlob jew tħeġġeġ lill-utenti jmexxu l-booking ta' bħalissa, il-bookings tal-ġejjieni jew il-bookings imtennija (anki t-titwil tal-bookings) barra l-pjattaforma ta' Airbnb
• Li fil-listings jew fil-messaġġi tiegħek tqiegħed links biex in-nies jibbukkjaw barra l-pjattaforma ta' Airbnb
• Li tagħti jew tilqa' t-talba għal prezz irħas jekk in-nies jibbukkjaw barra l-pjattaforma ta' Airbnb
• Li tikkanċella parti mill-booking jew il-booking kollu biex imbagħad il-klijenti jerġgħu jibbukkjawh barra l-pjattaforma ta' Airbnb

Ma jgħarrafx lill-klijenti dwar it-tariffi tal-booking meta jibbukkjaw

Fosthom:

• Li ma żżidx it-tariffi obbligatorji fit-taqsimiet tal-prezz mogħtija minn Airbnb jew b' xi mod ieħor twassal biex il-prezz totali li għandek tħallas ma jkunx preċiż
  • It-tariffi obbligatorji huma spejjeż li l-klijenti għandhom iħallsu minħabba n-numru ta' ljieli bbukkjati, l-għadd tal-klijenti u l-għadd tal-pets. Fost l-eżempji tat-tariffi obbligatorji hemm it-tariffi tas-servizzi bħad-dawl, l-ilma u l-gass, it-tariffi għal kull klijent ieħor li jingħaqad mal-bookings, it-tariffi tal-pets, it-tariffi tar-resort, it-tariffi tat-tmexxija, it-tariffi tad-destinazzjoni, it-tariffi tal-għaqda tas-sidien tad-djar (HOA) u t-taxxi (aqra l-eċċezzjoni t' hawn taħt).
  • Kull tariffa obbligatorja għandha tissemma fit- taqsima tat-tariffa apposta għaliha jew tiżdied mal-prezz ta' kull lejl jekk m' hemmx taqsima apposta għat-tariffa.
• Li ma tużax l-għodda "Ibdel il-booking" ta' Airbnb biex tiġbor il-pagamenti għall-bidliet fl-għadd tal-iljieli, tal-klijenti jew tal-pets
• Li ma tgħarrafx lill-klijenti li hemm depożitu tas-sigurtà. Il-biċċa l-kbira tal-hosts ma jistgħux jitolbu depożitu tas-sigurtà. F' dawk il-ftit każijiet fejn il-hosts jistgħu jitolbu depożitu tas-sigurtà, dan għandu jissemma fit-taqsima apposta tat-tariffa.
• Li fil-proċeduri standard tal-lukanda ma tgħarrafx lill-klijenti bid-depożiti meħtieġa għall-aċċidenti. Is-somma tad-depożitu għandha tissemma fid-deskrizzjoni tal-listing.

Eċċezzjoni

F' postijiet fejn Airbnb ma tiġborx it-taxxi jew fejn il-hosts, bil-liġi, għandhom id-dmir li jiġbruhom direttament mingħand il-klijenti, il-hosts għandhom isemmu dat-taxxi fid-deskrizzjoni tal-listing tagħhom.

Pagament għal kwalunkwe tariffa tal-booking barra Airbnb

Ma tistax titlob, tibgħat jew tiġbor il-pagamenti barra l-pjattaforma ta' Airbnb. Dan ifisser ukoll is-somma tal-booking u l-pagamenti tat-tariffi marbuta mal-bookings (eż.: it-tariffa mhux obbligatorja għat-tisħin tal-pixxina).

Eċċezzjonijiet

• Il-hosts li jużaw xi software apposta biex jaqbdu mal-pjattaforma tagħna jistgħu jiġbru l-pagamenti għat- tariffi u d-depożiti tas-sigurtà obbligatorji barra l-pjattaforma ta' Airbnb sakemm ikunu għarrfu lill-klijenti bihom minn qabel
• Il-lukandi jistgħu, bħala parti mill-proċeduri standard tagħhom, jitolbu karta tal-kreditu jew depożitu fi flus waqt il-proċedura taċ-checkin biex jagħmlu tajjeb għall-aċċidenti li jistgħu jseħħu
• Il-lukandi jistgħu wkoll jiġbru l-pagamenti barra l-pjattaforma ta' Airbnb għat-tariffi mhux obbligatorji (eż.: tal-parkeġġ) meta din tkun parti mill-proċedura standard tagħhom.
• F' postijiet fejn Airbnb ma tiġborx it-taxxi jew fejn il-hosts, bil-liġi, għandhom id-dmir li jiġbruhom direttament mingħand il-klijenti, il-hosts jistgħu jiġbru t-taxxi barra l-pjattaforma ta' Airbnb sakemm ikunu għarrfu lill-klijenti bihom minn qabel

Titlob jew tuża l-informazzjoni tal-kuntatt jew l-identità tal-klijenti b'modi li m'għandhomx x'jaqsmu mal-booking tagħhom jew li jfixklu l-kwalità tal-booking tagħhom

Fosthom:

• Jitolbu lill-klijenti għall-informazzjoni tal-kuntatt qabel jibbukkjaw; il-komunikazzjonijiet kollha mal-klijenti qabel jibbukkjaw għandhom isiru fuq Airbnb
• Li wara booking tuża s-sistema tal-messaġġi jew l-indirizz tal-email anonimu ta' Airbnb biex titlob lill-klijenti l-indirizz tal-email, l-indirizz tal-posta jew modi oħra kif tista' tikkuntattjahom
• Li titlob id-dettalji tal-kuntatt tal-klijenti wara booking biex tiċċekkja l-istorja tas-self jew il- kondotta
• Titlob lill-klijenti jibagħtu ritratti tad-dokument tal-identità maħruġ mill-gvern tagħhom qabel il-wasla, ħlief meta jkun meħtieġ għal raġunijiet legali jew ta' konformità kif spjegat hawn taħt
• Li tuża d-dettalji tal-kuntatt mogħtija minn Airbnb għal raġunijiet oħra li jmorru kontra r-Regoli tas-Servizz tagħna
  
• Li tbigħ, taqsam jew tuża d-dettalji tal-kuntatt tal-klijenti għar-riklami jew li tikteb lill-klijenti ma' xi listi tar-riklami

Eċċezzjonijiet

• Tista' titlob iktar dettalji tal-kuntatt/identità jekk jeħtieġlek tagħmel hekk għal raġunijiet legali jew biex taqdi d-dmirijiet legali tiegħek u bħala host tkun tista' tikkonferma dil-ħaġa meta Airbnb titolbok tagħmel hekk (ngħidu aħna, tagħtina kopja tal-liġijiet tal-post, TAR-REGOLI tal-għaqda tas-sidien tad-djar, tar-regoli tas-sigurtà). F' każijiet bħal dawn, fid-deskrizzjoni tal-listing il-hosts għandhom jagħtu l-informazzjoni ta' x' inhu meħtieġ u għaliex biex il-klijenti jkunu jistgħu jifhmu li jeħtiġilhom iwettqu dal-pass miżjud qabel ikunu jistgħu jibbukkjaw. Il-hosts mistennija jiżguraw li qed jimxu mal-liġijiet tal-ħarsien tad-dejta li obbligati jimxu magħhom
  
• Wara li taċċetta booking tista' titlob lill-klijent jikkonferma d-dettalji tal-kuntatt li tatek dwaru Airbnb b' mod xieraq biex tkun tista' tikkuntattjah waqt il-vjaġġ jew tistaqsih jekk jixtieqx li tikkuntattjah mod ieħor
  
• Jekk klijent jitolbok tagħmel hekk wara l-booking, tistgħu taqblu li żżommu kuntatt fuq mezz ieħor (eż.: app tat-taħdit). Int u tikkomunika mal-klijent, qatt m' għandek tmur kontra dak li titlob minnek dil-politika

Kif tneħħi lill-klijenti mill-pjattaforma ta' Airbnb minħabba l-ħsibijiet u r-reviews tagħhom

Sakemm m'intix sieħeb approvat ta' lukanda, ma tistax titlob lill-klijenti jiktbu review dwar żjara ta' Airbnb fuq websajt li mhix ta' Airbnb jew jimlew stħarriġ dwar żjara ta' Airbnb fuq websajt li mhix ta' Airbnb (bħal formola li mhix ta' Airbnb). Dawn l-azzjonijiet iħallu lill-komunità ta' Airbnb mingħajr ħsibijiet siewja dwar iż-żjara tal-klijent. Irridu li l-klijenti jaqsmu l-kummenti u l-ħsibijiet tagħhom direttament fuq Airbnb biex il-klijenti l-oħra jkunu jistgħu jifhmu x' ħasbu.

Li titlob lill-klijenti jużaw websajts jew apps oħra biex jiksbu aċċess għal-listing tiegħek

Fosthom: 

• Li titlob lill-klijentij jidħlu f' kont ieħor jew jirreġistraw fuq websajt oħra għajr Airbnb.com biex ikunu jistgħu jidħlu f' listing
  
• Li titlob lill-klijenti jinstallaw app li mhix ta' Airbnb biex jidħlu f' listing; kull klijent għandu jkun jista' jidħol fil-listing ta' Airbnb li jkun ibbukkja mingħajr il-ħtieġa li jkollu app jew kont ieħor
  

Eċċezzjonijiet

• Reġistrazzjoni jew installazzjoni ta' apps oħra hija permessa meta tkun meħtieġa għal raġunijiet legali jew ta' konformità li Host jista' jivverifika bil-miktub fuq talba ta' Airbnb (bħal liġijiet lokali, regoli tal-HOA, regoli tas-sigurtà tal-bini). F' każijiet bħal dawn, fid-deskrizzjoni tal-listing li tintwera lill-klijenti l-hosts għandhom jagħtu l-informazzjoni ta' x' inhu meħtieġ, u għaliex, biex il-klijenti jkunu jistgħu jifhmu li jeħtiġilhom iwettqu dal-pass miżjud qabel ikunu jistgħu jibbukkjaw.
  
• Apps biex tidħol fil-post mingħajr ċavetta u apps li jagħmlu l-esperjenza tal-klijenti matul iż-żjara tagħhom eħfef (eż.: Sonos, Nest, apps tal-concierge) sakemm ma jkunx obbligatorju li jkollokhom