Aqbeż għall-kontenut
    Mur 'il quddiem biex taċċessa r-riżultati suġġeriti
    Bookings u vjaġġi

    Tul il-pandemija tal-COVID-19, il-booking tiegħi jaqa' taħt il-Politika taċ-Ċirkostanzi Attenwanti?

    Parir: Għalkemm trid tilħaq ċerti kundizzjonijiet biex tikkanċella taħt il-Politika taċ-Ċirkostanzi Attenwanti tagħna, dejjem tista' tikkanċella skont il-politika ta' kanċellazzjoni tal-host tiegħek. Int u tfittex post fejn toqgħod, uża l-filtru Flessibbiltà fil-kanċellazzjoni biex jgħinek tagħżel dak il-post fejn toqgħod li l-iktar jgħodd għalik.

    L-artiklu uffiċjali tagħna jispjega fid-dettall kif taħdem il-Politika taċ-Ċirkostanzi Attenwanti għall-kanċellazzjonijiet minħabba l-COVID-19.

    Hawnhekk għandek taqsira biex ngħinuk tiddeċiedi jekk il-booking tiegħek hux eliġibbli.

    Il-booking tiegħek huwa eliġibbli jekk dawn kollha li ġejjin huma veri

    • Int ibbukkjajt sa dakinhar tal-14 ta' Marzu 2020
      • ud-data taċ-checkin hija fi żmien 45 jum mil-lum
      • u għadek ma kkanċellajtx il-booking
      • u għadek m'għamiltx iċ-checkin
      • u l-pandemija qed iżżommok milli tagħmel użu mill-booking tiegħek

    Jekk dawk l-affarijiet kollha huma veri, tista' tikkanċellah inti stess u matul il-proċess se tingħata għażliet għall-kanċellazzjoni u għall-ħlas lura. Biex tikkanċella taħt dil-politika se jkollok tagħti prova jew tiċċertifika li ma tistax tuża l-booking tiegħek minħabba l-COVID-19.

    Żomm f'moħħok: Jekk inti marid/a bil-COVID-19, tista' tikkanċella taħt dil-politika billi tikkuntattja lit-tim tal-għajnuna lill-komunità tagħna, huma x'inhuma d-dettalji tal-booking tiegħek. Se nitolbuk tivverifika dil-ħaġa permezz ta' provi dokumentati.

    Il-booking tiegħek mhux eliġibbli jekk qed tikkanċella minħabba l-COVID-19 u xi waħda minn dawn li ġejjin hija vera.

    • Il-booking ġie bbukkjat wara l-14 ta' Marzu 2020 jew
    • Id-data taċ-checkin hija bogħod iktar minn 45 jum mil-lum jew
    • Il-booking diġà ġie kkanċellat jew
    • Inti diġà għamilt checkin

    Jekk m'intix eliġibbli u tikkanċella, il-ħlas lura tiegħek se jinħadem skont il-politika ta' kanċellazzjoni tal-host tiegħek u qabel tikkonferma l-kanċellazzjoni, aħna se nuruk is-somma li tkun se titħallas lura. F'dan il-każ, il-ħlasijiet lill-host u l-ħlasijiet lura lill-klijenti jintbagħtu skont il-politika ta' kanċellazzjoni tal-host li qbilt magħha meta bbukkjajt.

    Żomm f'moħħok: Meta booking jiġi kkanċellat, Airbnb tibgħat kull ħlas dovut lill-host u kull ħlas lura dovut lill-klijent skont il-politika ta' kanċellazzjoni tal-host. Għal dik ir-raġuni, il-bookings li ġew ikkanċellati qabel ma ġiet imħabbra jew imtawla l-kopertura mhux se jerġgħu jiġu kkunsidrati.

    Iktar għażliet jekk il-booking tiegħek mhux eliġibbli

    Jekk il-pjanijiet tiegħek huma flessibbli, tista' tikkunsidra li tifthiem mal-host tiegħek biex tibdel il-booking għal data iktar tard.

    Tista' wkoll tikkuntattja lill-host tiegħek biex titlob iktar ħlas lura, u jekk jaqbel, jista' juża ċ-Ċentru tar-Riżoluzzjonijiet biex jibgħatlek il-flus b'mod sigur.

    Artikli relatati
    Ingħatajt l-għajnuna li kellek bżonn?
    Ma tistax issib dak li għandek bżonn?
    Sib kontenut apposta għalik f'dawn it-taqsimiet l-oħra taċ-Ċentru tal-Għajnuna.