Kif tagħti merħba lill-klijenti bi ħtiġijiet tal-aċċessibbiltà

Aħna nilqgħu u ngħinu lill-persuni bi ħtiġijiet tal-aċċessibbiltà. Dawn il-membri tal-komunità tagħna għandhom ikunu jistgħu jserrħu moħħhom li l-Hosts tagħhom se jagħtuhom informazzjoni preċiża dwar il-faċilitajiet marbuta mal-aċċessibbiltà.

X'naċċettaw

• Eżenzjonijiet għall-Hosts dwar l-annimali tas-servizz għal raġunijiet ta' saħħa jew sigurtà: Jekk Host ma jkunx jista' jilqa' annimali tas-servizz għal raġunijiet bħal li l-annimal jista' jkun ta' theddida diretta għas-saħħa u s-sigurtà ta' resident permanenti f'daru, il-Host jista' jingħata eżenzjoni jekk javżana minn qabel.
• Talbiet biex jitneħħew annimali tas-servizz li mhumiex ikkontrollati minn min suppost jieħu ħsiebhom: Jekk l-annimal tas-servizz tal-klijent ma jkunx jista' jiġi kkontrollat, il-Hosts jistgħu jitolbu li l-annimal jitneħħa. Pereżempju, f'każ li l-annimal jitħalla waħdu matul booking.

X'ma naċċettawx

• Li booking jiġi miċħud minħabba l-ħtiġijiet tal-aċċessibbiltà ta' klijent: Jekk ma jkunx hemm eċċezzjoni approvata, il-Hosts ma jistgħux jirrifjutaw, jikkanċellaw jew inkella jibdlu booking minħabba li klijent ikollu annimal tas-servizz jew tagħmir tal-għajnuna.
• Li jkun hemm żieda fit-tariffi minħabba l-ħtiġijiet tal-aċċessibbiltà ta' klijent: Il-Hosts ma jistgħux jitolbu iktar tariffi għal annimali tas-servizz jew għal tagħmir tal-għajnuna. Agħti titwila lejn il-Politika tal-Aċċessibbiltà tagħna u ifhem għaliex l-annimali tas-servizz huma meqjusa b'mod differenti mill-pets u l-annimali għall-għajnuna emozzjonali.
• Li talbiet raġonevoli mill-klijenti biex Host jadatta għall-ħtiġijiet tal-aċċessibbiltà jiġu miċħuda: Il-Hosts għandhom jilqgħu t-talbiet raġjonevoli biex jaddattaw għall-ħtiġijiet tal-aċċessibbiltà. Hija xi ħaġa raġjonevoli li Host jintalab iċaqlaq is-sufan tiegħu minn ħdejn id-daħla tal-bieb biex klijent li juża siġġu tar-roti jkun jista' jidħol mingħajr xkiel fis-salott (jekk hemm biżżejjed spazju fejn is-sufan jista' jitqiegħed u jekk il-Host kapaċi jċaqlaq is-sufan). Madankollu, mhuwiex raġonevoli li titlob lill-Host iwessa' d-daħla tad-dar tiegħu biex siġġu tar-roti jkun jista' jgħaddi minnha.
• Trattament mhux ugwali: Sakemm ma jkunx hemm eċċezzjoni approvata, il-Hosts għandhom jużaw l-istess trattament, regoli u mġiba mal-klijenti kollha, ikunu xi jkunu l-ħtiġijiet tal-aċċessibbiltà tagħhom.
• Tgħajjir: Ħadd, la l-klijenti u lanqas il-Hosts, m'għandhom jisfaw mgħajjra minħabba d-diżabbiltà tagħhom—inkluż li jkun hemm min jiddieħek bis-servizz li jagħti l-annimal tas-servizz jew it-tagħmir tal-għajnuna tiegħu jew li jintuża kliem diskriminatorju ieħor.
• Deskrizzjoni qarrieqa tal-faċilitajiet ta' aċċessibbiltà: Il-listings għandhom jinkludu informazzjoni preċiża dwar il-faċilitajiet ta' aċċessibbiltà li huma disponibbli fl-ispazju u fil-propjetà tal-madwar. Il-Hosts għandhom ikunu trasparenti u jiddiskutu d-dettalji marbuta mal-aċċessibbiltà fil-konverżazzjoni li jkollhom ma' kull klijent bi ħtiġijiet tal-aċċessibbiltà magħrufa.

Qegħdin hawn biex ngħinuk

Jekk tiltaqa' ma', jew tisfa vittma ta' mġiba li tikser il-politiki tagħna, jekk jogħġbok avżana dwarha.