X'inhu mistenni mill-klijenti

Aħna nistennew li l-klijenti tagħna jżommu ċerti standards u jirrispettaw u jippruvaw jifhmu lill-Hosts, lill-ġirien tal-Hosts u lill-membri l-oħra tal-komunità li jistgħu jiltaqgħu magħhom.

X'ma naċċettawx

• Nuqqas ta' rispett lejn il-komunitajiet tal-madwar: Matul iż-żjara jew l-Esperjenza tagħhom, il-klijenti u l-parteċipanti għandhom jirrispettaw il-komunità tal-madwar u r-regoli tagħha. Dan jinkludi, fost l-oħrajn, is-sigħat li matulhom ma jistax isir storbju, il-postijiet u l-ħinijiet ta' parkeġġ, in-numru ta' karozzi permessi u r-rimi ta' żibel u ħmieġ f'żoni apposta.
• Ksur tal-ftehim tal-booking: Sakemm ir-regoli ma jmorrux kontra r-regoli u l-politiki ta' Airbnb, il-klijenti għandhom jimxu mal-regoli tal-Host għal kull booking. Dan jinkludi, fost oħrajn, il-ħinijiet taċ-checkin u taċ-checkout, in-numru ta' klijenti, jekk jistgħux jidħlu pets jew jekk jistax isir tipjip fil-post, jekk jistax isir teħid ta' ritratti jew ġbid ta' filmati kummerċjali u regoli oħra tal-Host li l-klijent ikun qabel magħhom hu u jibbukkja. Il-klijenti mistennija wkoll jagħtu lura ċ-ċwievet skont il-qbil li jkollhom mal-Host u li javżaw lill-Host minnufih f'każ ta' xi problema.
• Nuqqas ta' rispett lejn l-ispazju: Il-klijenti ma jistgħux iħallu l-post fejn kienu joqogħdu jew l-art tiegħu fi stat li jeħtieġ tindif jew tiswijiet żejda jew ikbar mit-tkagħbir normali mistenni. It-tariffi għat-tindif huma maħsuba biex jagħmlu tajjeb biss għall-ispiża tat-tindif standard li jsir bejn booking u ieħor.
• Tbagħbis tat-tagħmir tas-sigurtà: Il-klijenti ma jistgħu bl-ebda mod jaqilgħu jew jgħattu t-tagħmir tas-sigurtà li ma jiksirx ir-regoli tagħna u li l-klijenti jkunu ġew avżati dwaru kif suppost.
• Aċċess għal propjetà personali li mhix tiegħek: Il-klijenti ma jistgħux jidħlu f'postijiet li jkunu mmarkati ċar li l-klijenti m'għandhomx jidħlu fihom, li jkunu msakkra jew li jkun fihom informazzjoni personali jew kunfidenzjali.

Sir af iktar dwar il-Politika dwar il-Fastidju lill-Komunità u r-Regoli bażi għall-klijenti tagħna.

Qegħdin hawn biex ngħinuk

Jekk tiltaqa' ma', jew tisfa vittma ta' mġiba li tikser il-politiki tagħna,jekk jogħġbok avżana dwarha.