Kontenut li mhux aċċettat
Biex inħarsu lill-membri tal-komunità, ma nħallux li jittella' ċertu kontenut fuq l-internet. Dil-ħaġa tgħodd għad-deskrizzjonijiet u r-ritratti tal-postijiet fejn toqgħod u tal-Esperjenzi. Għalkemm dil-paġna tagħti ħarsa ġenerali dwar il-politiki tal-komunità ta' Airbnb, ma titkellimx fuq kull sitwazzjoni li tista' sseħħ.
Meta tippubblika l-kontenut fuq Airbnb tkun qed taqbel li timxi mal-Politika tal-Kontenut tagħna.
Żomm f'moħħok
Għandna dritt inneħħu l-kontenut kollu li b'xi mod jikser il-Politika tal-Kontenut tagħna. F'każ ta' ksur serju jew ripetut, nistgħu nillimitaw, nissospendu jew inneħħu għal kollox il-kont ta' Airbnb ta' dak l-utent.
X'naċċettaw
Kontenut b'nudiżmu u sesswalment suġġestiv li l-klijenti jew il-parteċipanti jkunu avżati minn qabel dwaru fil-listing: Naċċettaw ċertu xogħol artistiku b'nudiżmu, kontenut sesswalment suġġestiv, jew oġġetti b'temi sesswali sakemm iż-żjara jew l-Esperjenza ma tkunx disponibbli għal xi ħadd li għandu inqas minn 18-il sena u sakemm dawn l-affarijiet ikunu msemmija fid-deskrizzjoni tal-listing.
Il-klijenti jew il-parteċipanti m'għandhomx iħossuhom ixxukkjati jew skomdi b'kontenut sesswali li ma jkunux qed jistennewh waqt booking ta' Airbnb. Fiċ-Ċentru tar-Riżorsi tista' ssib pariri fuq kif toħloq paġna tal-listing li tħajjar lill-klijenti jibbukkjaw il-post tiegħek.
X'ma naċċettawx
- Kontenut li jmur kontra l-politiki tagħna: Kull kontenut ieħor li jmur kontra l-Politika tal-Kontenut jew il-Politika tad-Drittijiet tal-Awtur tagħna.
- Kontenut vjolenti jew grafiku f'akkomodazzjoni: Il-Hosts m'għandhomx juru ritratti li juru vjolenza fiżika fi spazji maqsuma mal-klijenti sakemm ma jkollhomx tifsira storika jew kulturali. Il-klijenti għandhom jiġu avżati bil-miktub fid-deskrizzjoni tal-listing b'dat-tip ta' kontenut.
- Kontenut vjolenti jew grafiku f'deskrizzjoni ta' listing: Il-Hosts m'għandhomx jinkludu ritratti li juru vjolenza fiżika fid-deskrizzjoni tal-listing tagħhom.
- Kontenut sesswalment espliċitu fuq Airbnb: Ma naċċettawx stampi (ritratti jew vidjows) sesswalment espliċiti fuq Airbnb. Biss, xi stampi espliċiti jew biċċiet tal-arti oħra espliċiti, li juru għerja jew li jistgħu jqanqlu lil min jarahom (li mhux ritratti jew vidjows; pereżempju pitturi jew skulturi) jistgħu jkunu aċċettati fuq Airbnb jekk jintużaw bil-ħsieb li jgħarrfu lill-utenti dwar it-temi sesswali li jistgħu jsibu f'Post fejn Toqgħod jew f'Esperjenza.
- Lingwaġġ sesswalment espliċitu: Il-Hosts ma jistgħux juru jew jużaw lingwaġġ verbali jew miktub li huwa maħsub għal tqanqil sesswali, jew li fih jew jirreferi għal atti sesswali.
Teħtieġ l-għajnuna?
Jekk tiltaqa' ma', jew tisfa vittma ta' mġiba li tikser il-politiki tagħna, jekk jogħġbok avżana dwarha.
Artikli relatati
- Host
Hemm xi limitazzjonijiet dwar x'jista' jittella' bħala post fejn toqgħod?
Sakemm jilħqu l-kriterji tagħna, Airbnb taċċetta ħafna tipi ta' listings fuq il-pjattaforma. - Klijent jew Parteċipant
Kif tikteb reviews utli u ġenwini
Irridu li int u taqra r-review fuq Airbnb isserraħ moħħok li huma onesti u ġenwini. Ir-reviews huma utli biss meta dawk li jiktbuhom jiddesk… Kif jaħdmu r-reviews
Ir-reviews huma mod tajjeb ħafna kif il-Hosts u l-klijenti jwasslu l-ħsibijiet tagħhom lil xulxin. Hawn għandna l-informazzjoni dwar x'tista…