Kif niġġieldu kontra l-mibegħda, il-fastidji u d-diskriminazzjoni

Irridu li l-Hosts u l-klijenti tagħna jkollhom żjarat u Esperjenzi mingħajr fastidji u diskriminazzjoni.

X'ma naċċettawx

• Bullying u fastidji: Ħadd m'għandu jisfa vittma ta' mġiba mhux mixtieqa bħal bullying, bullying fuq l-internet, fastidji jew ikollu xi persuna li ssus warajh.
• Ċaħda tas-servizz b'mod diskriminatorju: Kif nispjegaw fil-Politika ta' Nondiskriminazzjoni tagħna, il-Hosts ma jistgħux jiċħdu li joffru servizz lil klijent minħabba li l-klijent jagħmel parti minn grupp jew kategorija (bħal razza jew reliġjon) partikolari.
• Trattament differenti b'mod diskriminatorju: Il-Hosts m'għandhomx jibdlu l-imġiba tagħhom, joħolqu regoli differenti jew jagħtu kundizzjonijiet differenti għas-sempliċi raġuni li klijent huwa parti minn grupp ta' nies partikolari.
• Lingwaġġ perikoluż: Ħadd m'għandu, għas-sempliċi raġuni li huwa parti minn grupp ta' nies partikolari, jisfa vittma ta' lingwaġġ li jweġġa', li jneħħi mill-umanità jew li jsostni li persuna hija ta' theddida jew periklu fiżiku għall-oħrajn.
• Tgħajjir, kliem ta' mibegħda jew kliem offensiv ieħor: Ħadd m'għandu jisfa vittma ta' kliem offensiv bħal kliem li juri nuqqas ta' stima, nuqqas ta' rispett jew imġiba fiżika, mentali jew morali mhux xierqa minħabba l-fatt li l-vittma ta' dan tagħmel parti minn grupp ta' nies partikolari.
• Li persuna trans tissejjaħ bl-isem jew bil-ġeneru tat-twelid tagħha: Persuni li jqisu ruħhom bħala transgender m'għandhom qatt jissejħu bl-isem jew bil-ġeneru tat-twelid tagħhom jekk jagħmluha ċara li jużaw pronomi u ismijiet oħra.
• Kliem b'tifsiriet aggressivi moħbija jew imġiba b'diskriminazzjoni indiretta: Ħadd m'għandu jisfa vittma ta' sterjotipi soċjali bbażati fuq il-fatt li l-vittma ta' dan tagħmel parti minn grupp ta' nies partikolari.
• Stampi, simboli jew oġġetti b'konnotazzjonijiet ta' mibegħda, diskriminazzjoni jew maħsuba biex iweġġgħu: Ħadd m'għandu jisfa vittma ta' stampi li joffendu reliġjon jew kultura, stampi bi kliem li joffendi jew bi sterjotipi jew simboli, logos jew slogans ta' gruppi estremisti jew li jxerrdu l-mibegħda.

Qegħdin hawn biex ngħinuk

Jekk tiltaqa' ma', jew tisfa vittma ta' mġiba li tikser il-politiki tagħna, jekk jogħġbok avżana dwarha.