Kif torganizza l-Esperjenzi għall-parteċipanti bi ħtiġijiet tal-aċċessibbiltà
Airbnb qed taħdem biex issir pjattaforma iktar inklussiva fejn kulħadd jista' jieħu sehem u jgawdi Esperjenza. In-nies b'diżabbiltà jafu jkunu jeħtieġu li persuna oħra, bħal interpretu għal parteċipant trux jew nieqes mis-smigħ jew assistent għal persuna li tinsab fuq is-siġġu tar-roti, tmur għall-Esperjenza magħhom biex ikunu jistgħu jieħdu sehem sħiħ fl-Esperjenza. Airbnb tirreferi għal dik il-persuna l-oħra bħala persuna li tgħin lin-nies b'diżabbiltà.
Il-persuni li jgħinu lin-nies b'diżabbiltà jafu jkunu magħrufa b'ħafna ismijiet differenti madwar id-dinja imma għall-Esperjenzi ta' Airbnb, aħna nqisu lil dawn in-nies bħala dawk il-persuni li qabżu t-18-il sena u li normalment jgħinu lin-nies b'diżabbiltà, b'mard tal-moħħ jew b'mard kroniku fil-ħajja ta' kuljum.
Il-persuni li jgħinu lin-nies b'diżabbiltà jistgħu jagħmlu ħidmiet differenti bħal li joffru għajnuna personali, jagħmlu ħidmiet ġewwa jew barra d-dar u jorganizzaw it-trasport u l-kura medika għall-persuna fil-bżonn. Il-persuni li jiddikjaraw li jgħinu lin-nies b'diżabbiltà għandhom ikunu jistgħu joffru l-għajnuna meħtieġa lill-parteċipant li jbati minn xi diżabbiltà.
Ftit modi, fost oħrajn, ta' kif il-persuni li jgħinu lin-nies b'diżabbiltà jistgħu jgħinu waqt Esperjenza:
- Jgħinu lill-parteċipant jiċċaqlaq madwar il-post ta' fejn tkun qed isseħħ l-Esperjenza
- Jgħinu lill-parteċipant jikkomunika mal-Organizzatur u ma' parteċipanti oħra
- Jgħinu lill-parteċipant imur u/jew juża l-kamra tal-banju
- Jgħinu lill-parteċipant jixtri l-affarijiet
- Jgħinu lill-parteċipant fil-ħidma waqt workshop/lezzjoni
- Jgħinu lill-parteċipant jiekol jew jixrob
Il-persuni li jgħinu lin-nies b'diżabbiltà mhux meħtieġa li:
- Jgħixu mal-persuna li jkunu qed jieħdu ħsieb
- Jitħallsu tal-ħidma tagħhom
- Ikollhom taħriġ formali
Politiki ta' sehem fl-Esperjenzi għal persuni li jgħinu lin-nies b'diżabbiltà
L-Organizzaturi tal-Esperjenzi ta' Airbnb jistgħu jagħżlu li jħallu lill-persuni li jkunu qed jgħinu lin-nies b'diżabbiltà jingħaqdu mingħajr ħlas mal-parteċipanti li jkunu qed jgħinu.
Meta parteċipant li jeħtieġ persuna li tgħin lin-nies b'diżabbiltà jibbukkja Esperjenza li għandha dil-għażla mixgħula, mhux se niġbru flus mingħand il-persuna li tgħin lill-parteċipant u lanqas m'aħna se ngħodduha bħala parteċipant ieħor.
Il-persuni li jgħinu lill-parteċipanti b'diżabbiltà mhux:
- Se jieħdu sehem attiv fl-Esperjenza mingħajr il-parteċipant li jkun ibbukkja - dan ifisser li mhux se jkunu jeħtieġu l-prodotti, it-tagħmir jew l-affarijiet l-oħra li jeħtieġu l-parteċipanti
- Membri tal-familja jew ħbieb li jixtiequ jmorru għall-Esperjenza mal-parteċipant
- Persuni li jieħdu ħsieb it-tfal bħal babysitter, au pair jew nuna
Għall-Organizzaturi
Biex tixgħel das-setting għal Esperjenza tradizzjonali, mur fuq L-Esperjenzi tiegħek, agħżel Editja mbagħad mur fuq Settings tal-prezzijiet > Prezzijiet għall-parteċipanti.
Meta jkunu qed jibbukkjaw Esperjenza li jkollha das-setting mixgħul, il-parteċipanti jintalbu jikkuntattjaw lill-Organizzatur biex javżawh li se jkunu qed jieħdu sehem flimkien ma' persuna li tgħin lin-nies b'diżabbiltà kif ukoll biex, jekk ikun hemm bżonn, jifthemu fuq dettalji oħra.
Mhux se niġbru flus mingħand il-persuna li tgħin lin-nies b'diżabbiltà u lanqas se ngħodduha bħala parteċipant ieħor u għalhekk din mhux se titqies għal-limiti tal-grupp jew meta jinħadmu l-prezzijiet. Jekk l-Esperjenza tiegħek fiha xi affarijiet li jillimitaw id-daqs tal-grupp, bħal xi biljetti jew trasport, qabel l-Esperjenza jaf ikollok tifthiem dwar dal-affarijiet mal-parteċipant tiegħek.
Għall-klijenti
Tista' tfittex Esperjenzi tradizzjonali li joffru aċċess bla ħlas lil min ikun qed jgħin lill-parteċipanti b'diżabbiltà. Wara li tkun fittixt Esperjenzi ta' Airbnb skont il-post u d-data, agħżel Iktar filtri u iftaħ Agħżel il-faċilitajiet tal-aċċessibbiltà biex tara x'filtri hemm disponibbli għar-riżultati tat-tiftix tiegħek.
Meta tibbukkja Esperjenza li toffri post bla ħlas lil min ikun qed jgħin lill-parteċipanti b'diżabbiltà, ikkuntattja lill-Organizzatur biex tavżah li se jkun hemm persuna li qed tgħinek li se tieħu sehem fl-Esperjenza miegħek u biex tifthemu fuq il-bqija tad-dettalji. Aħna nistennew li bħala regola ġenerali jkun hemm persuna waħda li qed tgħin għal kull parteċipant b'diżabbiltà, għalhekk ftiehem mal-Organizzatur biex taqblu fuq x'jista' jkun hemm għal dik l-Esperjenza partikolari.