Pariri fuq is-sigurtà marbuta mal-gass likwidu taż-żejt (LP)
L-isem Gass Likwidu taż-Żejt (LPG) jirreferi għal ħafna tipi ta' taħlitiet ta' gassijiet likwidi bħal propan, butin u butan li jinbidlu fi fwar u jieħdu n-nar malajr. Skont in-National Fire Protection Association (NFPA), il-gass likwidu taż-żejt jintuża ta' sikwit bħala karburant għal appliances bħal dryers, cookers, grills u heaters. Jekk ma jinħażinx u jintuża kif suppost, malajr jista' joħloq periklu għas-sigurtà. Hawn taħt għandna xi pariri li jistgħu jgħinuk tevita r-riskji tas-sigurtà marbuta mal-ħruġ jew l-isplużjonijiet tal-gass likwidu taż-żejt:
- Naqqas ir-riskju ta' ħruġ jew splużjoni tal-gass likwidu taż-żejt billi taħżen iċ-ċilindri tal-gass kif suppost. La għandek tpoġġi ċ-ċilindri fuq il-bejt u lanqas f'post fejn jistgħu jiġu mbabsa, issirilhom xi ħsara jew fejn ikun hemm sħana kbira.
- L-appliances li jaħdmu bil-gass likwidu taż-żejt għandhom jitwaħħlu u jissewwew biss minn plumber jew persuna professjonali oħra li jkunu ġew imħarrġa apposta. La għandek twaħħal l-appliances waħdek u lanqas għandek tipprova ssewwi l-appliances, il-pajpijiet u ċ-ċilindri tal-gass likwidu taż-żejt int stess.
- Iċ-ċilindri tal-gass likwidu taż-żejt li jintużaw għall-appliances fuq ġewwa (cookers, heaters, dryers, eċċ.) għandhom jitqiegħdu fuq barra u qatt ġewwa d-dar jew fil-garaxx.
- Tippruvax twaħħal, tibdel jew issewwi l-valvijiet, ir-regulaturi, il-pajpijiet jew it-tappijiet taċ-ċilindru int stess.
- Qabbad lil xi ħadd jiċċekkja l-appliances il-qodma għax ix-xquq u l-ħsarat jistgħu jwasslu għall-ħruġ tal-gass.
- Jekk se tuża appliances li mhux fissi fuq ġewwa, imxi dejjem mal-istruzzjonijiet tal-manifattur.
Għall-kuntrarju tal-monossidu tal-karbonju, il-biċċa l-kbira tal-gassijiet taż-żejt miżmuma f'forma likwida għandhom riħa partikolari. Jekk ixxomm riħa ta' gass fid-dar, oħroġ mid-dar minnufih u ċempel lis-servizz tat-tifi tan-nar jew lis-servizzi tal-emerġenza. Terġax tidħol lura fil-post qabel jgħidulek li m'hemmx periklu li tagħmel hekk.
Artikli relatati
- Istruzzjonijiet•Klijent jew Parteċipant
Sigurtà kontra n-nirien u l-monossidu tal-karbonju
L-allarmi tal-monossidu tal-karbonju mhux komuni f'ħafna partijiet tad-dinja għalhekk nissuġġerulek tixtri wieħed u tieħdu miegħek meta tivv… - Regoli•Klijent jew Parteċipant
Sigurtà tad-dar: Allarmi tad-duħħan u tal-monossidu tal-karbonju
Aħna nħeġġu lill-Hosts iwaħħlu allarm tal-monossidu tal-karbonju fl-ispazju tagħhom. Sir af iktar dwar il-programm għas-sigurtà tad-dar tagħ… - Istruzzjonijiet•Klijent jew Parteċipant
Pariri għas-sigurtà fil-kċina int u tmexxi Esperjenzi ta' Airbnb
Kif tuża s-skieken, kif tevita n-nirien u kif tħares is-sigurtà tal-ikel—skopri x'tista' tagħmel biex il-kċina tiegħek tkun post sigur.