Linji gwida tas-saħħa u s-sigurtà biex torganizza l-Esperjenzi fir-reġjuni li reġgħu fetħu

Hekk kif id-dinja qed terġa' tiftaħ u l-Esperjenzi qed ikomplu wara ż-żmien li għamlu magħluqa minħabba l-limitazzjonijiet marbuta mal-COVID-19, importanti li kollha kemm aħna nġibu ruħna b'mod responsabbli biex ngħinu nħarsu s-saħħa u s-sigurtà ta' xulxin. Għalhekk ħloqna sett ta' linji gwida tas-saħħa u s-sigurtà għall-COVID-19 għall-Organizzaturi tal-Esperjenzi ta' Airbnb, mibnija fuq il-linji gwida tal-esperti bħall-Għaqda Dinjija tas-Saħħa u ċ-Ċentri Amerikani għall-Kontroll u l-Prevenzjoni tal-Mard.

• Meta l-liġijiet u l-linji gwida tal-post fejn jinsab il-listing jeħtiġuk tagħmel hekk, ilbes maskra u żomm it-tbegħid soċjali.
• Ara li l-Esperjenza tiegħek ma tkunx magħmula minn iktar minn 10 parteċipanti, l-Organizzaturi u l-Ko-Organizzautri inklużi.
• Imxi mal-linji gwida għat-tindif ta' Airbnb, kemm waqt l-Esperjenza kif ukoll bejn mument u ieħor, int u tnaddaf l-ispazju u l-apparat kollu li jintuża. Sir af iktar.

Airbnb ħolqot linji gwida u programmi biex tnaqqas ir-riskji għas-saħħa u s-sigurtà iżda dawn il-miżuri ma jistgħux ineħħu r-riskji kollha. Nissuġġerulek tikseb parir professjonali kif ukoll li tieħu iktar prekawzjonijiet int u tiddeċiedi li jekk tmexxix jew le mument ta' Esperjenza fuq Airbnb, speċjalment jekk tagħmel parti minn kategorija ta' nies b'riskju ikbar (eż: persuni li għandhom aktar minn 65 sena jew persuni li diġà morda b'kundizzjonijiet bħad-dijabete jew mard tal-qalb).

Biex inħarsu s-saħħa u s-sigurtà tal-komunità tagħna, il-politika ta' Airbnb hi li l-Organizzaturi (u l-Ko-Organizzaturi) m'għandhomx jorganizzaw jew jieħdu sehem f'xi mument ta' Esperjenza, u l-parteċipanti m'għandhomx jieħdu sehem f'mument ta' Esperjenza, jekk xi waħda minn dawn li ġejjin tkun il-każ:

• Fl-aħħar 14-il jum kont marid bil-, jew kellek riżultat pożittiv għall-COVID-19
• Taħseb li int marid bil-, jew li ġejt f'kuntatt mal-COVID-19 u qed tistenna r-riżultati ta' test tal-COVID-19
• Għandek is-sintomi tal-COVID-19 jew qed taħseb li tista' tkun marid bil-COVID-19
• Fl-aħħar 14-il jum kellek kuntatt fil-qrib għal tul ta' ħin ma' persuna li hija kkonfermata jew hemm suspett li hija marida bil-COVID-19

Biex timxi mal-linji gwida għas-saħħa u s-sigurtà jaf ikollok taddatta l-Esperjenza u l-ispazju tiegħek.

Dawn xi affarijiet li għandek iżżomm f'moħħok:

• Kuntatt fiżiku: Ibdel l-attività tiegħek biex tevita l-kuntatt fiżiku bejn il-parteċipanti u bejn l-Organizzatur u l-parteċipanti.
• Iġjene: Agħti lill-parteċipanti l-opportunità li jaħslu jdejhom waqt l-Esperjenza u ma tagħmilx ħażin li jkollok miegħek ftit sanitizer tal-idejn żejjed. Issanitizza l-apparat li jintuża wara li jkunu użawh il-parteċipanti (għodod tal-kċina, life vests, siġġijiet, eċċ.)—kemm waqt l-Esperjenza kif ukoll bejn mument u ieħor.
• Post:
  • Għall-Esperjenzi fuq ġewwa, nissuġġerulek tillimita ż-żoni li fihom jistgħu jidħlu l-parteċipanti għal dawk l-ispazji li huma meħtieġa biss. B'hekk tista' tgħin biex tnaqqas il-kuntatt żejjed bejnek u bejn il-parteċipanti—biex ikollok inqas spazju xi tnaddaf u tissanitizza wara l-Esperjenza.
  • Nissuġġerulek torganizza l-Esperjenza tiegħek fi spazju fuq barra jew tibdel il-post ta' fejn se tiltaqa' mal-parteċipanti u l-postijiet li żżuru biex tevitaw il-folol. Aħseb dwar x'għażliet għat-trasport għandek disponibbli u kif tista' tevita l-iktar ħinijiet popolari jew li tivvjaġġa qrib wisq tal-parteċipanti tiegħek.
  • Jekk beħsiebek iżżur xi spazji pubbliċi (eż. monumenti, parks, iċ-ċentru tal-belt, eċċ.), ara li tkun taf xi jgħidu l-avviżi u s-suġġerimenti dwar is-saħħa pubblika biex tkun tista' timxi magħhom—kemm meta tirċievi l-bookings u qabel tmexxi l-Esperjenza. Xi stabbilimenti issa għandhom xi rekwiżiti biex tista' tidħol u jafu jistaqsuk għal prova li tlaqqamt. Barra minn hekk, nissuġġerulek li ma tħallix lill-parteċipanti f'post wieħed għal tul ta' ħin.
• Ikel u xorb:
  • Jekk matul l-Esperjenza tiegħek jisserva xi ikel jew xorb, ara li l-parteċipanti jżommu t-tbegħid soċjali huma u jieklu u jixorbu.
  • Fejn ikun possibbli, il-parteċipanti għandhom jieklu/jixorbu fuq barra jew jieħdu l-affarijiet magħhom id-dar.
  • Evita li toffri l-ikel u x-xorb bħala self-service. Offri platti għal kull persuna minflok buffets jew ikliet fuq stil ta' familja.
  • Uża platti, tazzi u pożati li jintremew wara li jintużaw. Jekk ma tistax tuża affarijiet li jintremew wara li jintużaw, ara li jintużaw l-ingwanti meta jintmissu l-affarijiet li jmissu mal-ikel u li se jerġgħu jintużaw, u li wara li jintużaw, jinħaslu bis-sapun u l-ilma sħun jew f'dishwasher.
• Ċirkolazzjoni tal-arja: Meta torganizza fuq ġewwa, ara li s-sistemi għaċ-ċirkolazzjoni tal-arja jaħdmu kif suppost u kemm jista' jkun żomm it-twieqi u l-bibien miftuħin biex tgħaddi l-arja.

Int u taġġorna l-paġna tal-Esperjenza tiegħek, żomm f'moħħok il-Politika tal-Kontenut u tal-Coronavirus tagħna. Tista' tgħid li qed toqgħod iktar attent imma ma tistax tgħid li l-Esperjenza tiegħek hija "ħielsa mill-COVID" jew tagħmel dikjarazzjonijiet ta' dat-tip.

Qed nagħtu wkoll linji gwida għall-parteċipanti li jieħdu sehem fl-Esperjenzi. Il-parteċipanti huma mitluba jimxu mal-liġijiet u l-linji gwida tal-post fejn se titmexxa l-Esperjenza, li jaħslu jdejhom, li jieħdu magħhom sanitizer tal-idejn, li jaraw li jkun hemm distanza tas-sigurtà minnek u mill-parteċipanti l-oħra u li jekk iħossuhom ma jifilħux, jikkanċellaw u joqogħdu d-dar. Jekk parteċipant jirrifjuta li jimxi mal-liġijiet u l-linji gwida tal-post fejn tkun qed titmexxa l-Esperjenza, tista' titlob lil dal-parteċipant biex jitlaq mill-Esperjenza.

Int u tħejji ruħek biex torganizza skont il-linji gwida tas-sigurtà tagħna, jekk jogħġbok erġa' aqra l-Politika għall-Ħlas Lura lill-Klijenti. Żomm f'moħħok li l-parteċipanti jistgħu jitħallsu lura taħt dil-politika jekk l-Organizzaturi ma jimxux jew ma jinsistux mal-parteċipanti kollha fuq il-linji gwida tas-sigurtà.

Jekk dal-aħħar imradt bil-COVID-19 jew bdejt tħoss xi sintomi tal-COVID-19, nissuġġerulek li barra l-awtoritajiet lokali, tavża wkoll lil dawk li stajt marradt meta ltqajt magħhom.