Kif tagħżel il-prezz ta' kull lejl għal-listing tiegħek

Iċċekkja d-domanda taż-żona u oħloq offerta speċjali biex tħajjar l-ewwel klijenti jibbukkjaw il-listing tiegħek.
Minn Airbnb f'did-data: 14 ta’ Lul 2022
2 minuti biex taqrah
Aġġornat f'did-data: 12 ta’ Mej 2023

Bħala Host, il-prezz ta' kull lejl tal-listing tiegħek tiddeċidih int u tista' tibdlu meta trid.

Jekk ma tafx xi prezz tista' tibda titlob, agħti ħarsa lejn il-prezzijiet medji ta' listings fil-qrib li jixbhu lill-post tiegħek fi ftit passi:

  1. Agħżel data jew firxa ta' dati fil-kalendarju tiegħek.

  2. Agħfas jew ikklikkja fuq il-prezz ta' kull lejl li qed titlob għal-listing. Taħt il-prezz eżatt se ssib buttuna b'ikona ta' mappa bil-kliem "qabbel listings li jixtiebhu".

  3. Agħfas jew ikklikkja fuq dik il-buttuna u mbagħad titla' mappa bil-prezzijiet medji għal listings li jixbhu lil tiegħek. Fuq il-mappa tista' tagħżel li tintwera l-prezzijiet medji tal-listings fiż-żona tiegħek li ġew ibbukkjati jew li ma ġewx ibbukkjati.

Żomm f'moħħok li l-prezz ta' kull lejl li titlob mhux se jkun il-prezz totali li se jħallas il-klijent. Biex tiċċekkja l-prezz totali li se jħallas il-klijent u tikseb rendikont tal-prezz sħiħ:

  1. Agħżel numru ta' ljieli fil-kalendarju tal-listing tiegħek.

  2. Taħt il-prezz ta' kull lejl se ssib buttuna bil-kliem "Total għall-klijent" li se turi l-prezz totali li klijent se jintalab iħallas għall-booking.

  3. Agħfas jew ikklikkja fuq dik il-buttuna biex tintwera rendikont tal-prezz li jagħtik il-prezz ta' kull lejl, it-tariffi, l-iskontijiet jew l-offerti li jistgħu jkunu fis-seħħ, it-taxxi u kemm se ddaħħal flus int.

Jekk int Host ġdid u ma tantx għandek reviews, nissuġġerulek tibda titlob prezz orħos minn dak li għandek f'moħħok. L-offerta ta' listing ġdid tgħinek toffri roħs ta' 20% għall-ewwel tliet klijenti ta' listing biex ngħinuk tikseb il-bookings. Il-klijenti jafu jkunu lesti jħallsu iktar għal post fejn toqgħod jekk jikseb ftit reviews tajbin.

Wara li tippubblika l-listing tiegħek se ssib l-għodod tal-prezzijiet kollha fil-kalendarju tiegħek. Minn hemm tista' tibdel il-prezzijiet għal dati partikolari, toffri prezzijiet imraħħsa jew offerti speċjali u iktar.

L-informazzjoni f'dal-artiklu jaf laħqet inbidlet minn meta ġie ppubblikat.

Airbnb
14 ta’ Lul 2022
Dan kien ta' għajnuna għalik?