Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

Qed inħabbru t-tab Illum, il-paġna maħsuba għalik bħala Host

Se ssib l-iktar għodod u biċċiet tax-xogħol importanti malli tiftaħ Airbnb.
Minn Airbnb f'did-data: 17 ta’ Mej 2021
2 minuti biex taqrah
Aġġornat f'did-data: 1 ta’ Ġun 2022

Punti ewlenin

  • It-tab Illum tgħinek tieħu ħsieb ir-responsabbiltajiet ta' kuljum tiegħek bħala Host

  • Tagħtik aċċess ta' malajr għal informazzjoni u biċċiet tax-xogħol importanti fuq it-tagħmir li tkun qed tuża

Iktar ma timla l-kalendarju tiegħek, iktar hemm ċans li jiżdiedu r-responsabbiltajiet tiegħek bħala Host. It-tab Illum—l-ewwel ħaġa li tara meta taqleb għall-modalità tal-ospitalità fl-app jew fuq il-websajt ta' Airbnb—tfasslet biex tgħinek tiffranka l-ħin int u tagħmel il-biċċiet tax-xogħol li jkollok tagħmel ta' kuljum.

Mit-tab Illum tista' tieħu ħsieb it-talbiet għall-bookings u tikseb aċċess għal iktar għodod biex jgħinuk tagħmel li għandek tagħmel. Tista' ssib ukoll riżorsi oħra fosthom l-aħħar aħbarijiet u pariri mingħand Airbnb.

Għodod u materjal importanti

Taċċessa minn fejn taċċessa t-tab Illum—minn mowbajl jew minn kompjuter—aħna se nuruk l-istess informazzjoni li teħtieġ biex tmexxi n-negozju tal-ospitalità tiegħek. Hawn se ssib:

  • Affarijiet li jeħtieġu l-attenzjoni tiegħek minnufih, bħal informazzjoni dwar it-talbiet għall-booking u affarijiet oħra li jaf jeħtieġlek tagħmel

  • Il-bookings tal-klijenti, kemm dawk li għaddejjin bħalissa kif ukoll dawk mistennija

  • Passi li jmiss, fosthom affarijiet li tista' tagħmel biex tgħin lil-listing tiegħek jispikka u tieħu kemm tista' mix-xejriet tal-bookings

  • Aħbarijiet u pariri dwar kif tilqa' n-nies ġejjin mingħand Airbnb—dwar il-faċilitajiet u l-għodod il-ġodda, l-avvenimenti speċjali u l-bidliet fil-politiki tagħna li jistgħu jolqtuk

Faċilitajiet maħsuba għall-mowbajls

Biex tirnexxi bħala Host, waħda mill-iktar affarijiet importanti hija li twieġeb lill-klijenti malajr—huwa għalhekk li ħafna Hosts jużaw l-ismartphones tagħhom biex ikunu jistgħu jwieġbu lill-klijenti, ikunu fejn ikunu. Fuq il-verżjonijiet kollha tal-app tal-mowbajl, it-tab Illum tagħtik aċċess għal informazzjoni importanti b'għafsa waħda biss.

Fil-qiegħ tal-iskrin se ssib il-buttuni li jieħduk:

  • Għat-tab Illum, li meta tagħfas fuqha tieħdok lura għan-naħa ta' fuq tal-iskrin

  • Għall-Inbox, fejn tista' taqra, tibgħat u tippjana l-messaġġi—jew tikkuntattjana biex inkunu nistgħu ngħinuk

  • Għall-Kalendarju, fejn tista' tibdel is-settings tal-prezzijiet u d-disponibbiltà tiegħek—importanti ħafna jekk il-listing tiegħek juża l-Booking Immedjat

  • Għall-Perspettivi, fejn tista' ssib id-dejta dwar kif sejjer il-listing, ix-xejriet tal-bookings u l-opportunitajiet biex iddaħħal iktar flus

  • Għall-Menù, fejn tista' tagħżel li tmur direttament għal-listing tiegħek, issib il-links għar-riżorsi li jgħinuk tilqa' n-nies, il-forum tal-komunità tagħna u iktar

Faċilitajiet maħsuba għall-kompjuters

It-tab Illum hija l-istess, kemm fuq il-websajt kif ukoll fuq l-app—ħlief għall-Hosts li għandhom iktar minn listing wieħed. Jekk għandek iktar minn listing wieħed, tista' ssib l-għodod għall-hosting professjonali tagħna mill-buttuna tal-Menù. Dawn huma disponibbli biss fuq il-websajt. Fost il-faċilitajiet hemm l-istorja tat-tranżazzjonijiet u l-istatistika tiegħek li turik affarijiet bħal pereżempju d-dħul li għamilt.

Ikollok kemm ikollok affarijiet x'tagħmel, it-tab Illum se tgħinek tiffoka fuq l-iktar responsabbiltajiet importanti li jkollok bħala Host.

L-informazzjoni li tinsab f'dal-artiklu jaf laħqet inbidlet minn meta ġie ppubblikat.

Punti ewlenin

  • It-tab Illum tgħinek tieħu ħsieb ir-responsabbiltajiet ta' kuljum tiegħek bħala Host

  • Tagħtik aċċess ta' malajr għal informazzjoni u biċċiet tax-xogħol importanti fuq it-tagħmir li tkun qed tuża

Airbnb
17 ta’ Mej 2021
Dan kien ta' għajnuna għalik?