Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

Kif tagħżel prezz għal żjarat itwal

L-iskontijiet ta' kull ġimgħa u ta' kull xahar jistgħu jgħinu lil-listing tiegħek jintwera f'post aħjar fir-riżultati tat-tiftix u għalhekk jikseb iktar bookings.
Minn Airbnb f'did-data: 11 ta’ Mej 2021
3 minuti biex taqrah
Aġġornat f'did-data: 17 ta’ Mej 2023

Kważi wieħed minn kull ħamest iljieli bbukkjati fuq Airbnb jagħmel parti minn booking ta' mill-inqas 28 lejl.* Meta tilqa' żjarat ta' kull ġimgħa u ta' kull xahar ħafna drabi tista' tikseb vantaġġi bħal:

  • Iktar dati bbukkjati b'inqas xogħol biex tħejji l-post bejn klijent u ieħor

  • Inqas messaġġi mal-klijenti u inqas xogħol biex tiżgura li kollox sejjer kif suppost

  • Dħul iktar stabbli meta mqabbel ma' dak taż-żjarat iqsar

Il-klijenti li jixtiequ jibbukkjaw żjarat itwal ħafna drabi jfittxu postijiet li joffru prezz irħas għaż-żjarat fit-tul. Il-Hosts jistgħu joffru skont ta' kull ġimgħa għal bookings ta' mill-inqas sebat iljieli jew skont ta' kull xahar għal bookings ta' mill-inqas 28 lejl.

Meta żżid dawn l-iskontijiet jaf tkun qed tgħin ittejjeb il-post fejn jintwera l-listing tiegħek fir-riżultati tat-tiftix għax l-iskont ta' kull ġimgħa jew ta' kull xahar jiġi enfasizzat ħdejn il-prezz oriġinali tal-listing.

Kif tifhem id-domanda taż-żona u l-ispejjeż tiegħek

Qabel tħarras il-prezz, nissuġġerulek tiċċekkja d-domanda taż-żona. Jekk qed tilqa' n-nies f'żona popolari man-nies f'ċerti żminijiet tas-sena, ma tagħmilx ħażin li tibdel il-prezz għal ċerti xhur tas-sena biex tkun tista' tilħaq l-għanijiet tiegħek aħjar.

Nissuġġerulek ukoll li żżomm f'moħħok l-ispejjeż ta' kuljum:

  • Kera jew ħlas lura ta' self. Dis-somma tista' tagħtik ħjiel tal-inqas prezz li għandek titlob.

  • Spejjeż tad-dar. Mal-prezz tiegħek tista' żżid dak li tħallas għall-ilma, l-gass u l-elettriku, għas-servizzi bħat-tindif u ż-żamma tal-ġnien u għall-prodotti li tagħżel li toffri lill-klijenti (sapun żejjed, affarijiet bażiċi għat-tisjir, eċċ.).

  • Żamma tal-post. Tista' żżomm f'moħħok ukoll il-flus li tinvesti fl-ispazju tiegħek biex tagħmlu iktar komdu għall-klijenti, bħal pereżempju l-ispejjeż għat-tibdil u t-tiswijiet li tagħmel.

"Is-suġġeriment tiegħi huwa li tifhem kemm qed iddaħħal mil-listing tiegħek meta l-klijenti jibbukkjaw lejl b'lejl," jgħid Oliver, Host ġewwa l-Belt ta' New York. "Imbagħad tista' tirranġa l-prezz ta' kull xahar tiegħek biex wara l-iskont tibqa' ddaħħal l-istess flus—b'hekk id-dħul tiegħek jibqa' iktar stabbli."

Kif tagħżel skont ta' kull ġimgħa jew ta' kull xahar

Tista' żżid l-iskontijiet mill-għodod tal-prezzijiet tal-kalendarju tiegħek. Agħżel l-ikona tas-settings mir-rokna tal-lemin ta' fuq. Inżel sat-taqsima Skontijiet fit-tab Prezzijiet u agħżel Kull ġimgħa jew Kull xahar.

Se ssib roħs issuġġerit skont ix-xorta ta' listing u d-domanda għal listings bħalu fiż-żona tiegħek. Mexxi l-islider bejn 0% u 99% biex tibdel l-iskont u ssib kif se jibdel il-prezz medju ta' kull ġimgħa jew ta' kull xahar tiegħek. Tista' wkoll iżżid skont int stess billi tikteb numru ħdejn is-simbolu tal-perċentwali. Malli tlesti, agħfas jew ikklikkja fuq Issejvja biex traħħas il-prezz kif tixtieq.

Biex tiċċekkja l-effett se jkollu r-roħs fuq id-dħul tiegħek, agħżel il-kliem "prezz għall-klijenti" taħt il-prezz ta' kull ġimgħa jew ta' kull xahar tal-listing tiegħek. Aħna se nuruk rendikont tal-prezz li juri l-prezz ta' kull lejl, it-tariffi, l-iskontijiet jew l-offerti li jistgħu jkunu fis-seħħ, it-taxxi u kemm se ddaħħal flus int.

Tista' tagħżel ukoll li toffri prezz irħas lill-klijenti li jibbukkjaw ħafna minn qabel jew qrib ħafna tad-data tal-wasla tagħhom. Sib it-taqsima"Iktar skontijiet" fit-tab Prezzijiet. Żid in-numru ta' xhur għal dawk li jibbukkjaw minn qabel jew in-numru ta' jiem għal dawk li jibbukkjaw fl-aħħar minuta u l-perċentwali ta' skont li tixtieq toffri għal dix-xorta ta' bookings.

*Skont dejta interna miġbura minn Airbnb minn madwar id-dinja kollha, 21% tal-iljieli kollha bbukkjati fl-2022 u 18% tal-iljieli bbukkjati fl-ewwel tliet xhur tal-2023 kienu parti minn żjara ta' 28 lejl jew iktar.

L-informazzjoni f'dal-artiklu jaf laħqet inbidlet minn meta ġie ppubblikat.

Airbnb
11 ta’ Mej 2021
Dan kien ta' għajnuna għalik?