Kif tgħin lill-klijenti jifhmu x'jistgħu jistennew billi turi post preċiż
Il-post fejn jinsab listing jagħmel differenza kbira għall-klijenti meta jiġu biex jibbukkjaw. Wara li jibbukkjaw, il-klijenti jkunu jeħtieġu l-post preċiż biex jagħmlu ċ-checkin mingħajr xkiel.
Żid post preċiiż
Importanti ħafna li turi l-post eżatt fuq il-listing ta' Airbnb tiegħek. Ma tagħmilx ħażin jekk terġa' tagħti l-istess dettalji fid-deskrizzjoni tal-listing. "Fid-deskrizzjoni tal-listing nispjega fejn tinsab id-dar tiegħi," tgħidilna Juliette, membru tal-Bord Konsultattiv tal-Hosts ġewwa Nairobi, il-Kenja.
Wara li taċċetta l-ewwel booking mhux se tkun tista' tibdel l-indirizz. Wara l-ewwel booking jeħtieġlek tikkuntattja lit-tim tal-Għajnuna lill-Komunità għall-għajnuna biex tibdel l-indirizz.
Kif tiżgura li l-klijenti jistgħu jsibu l-post tiegħek
M'għandekx għalfejn tinkwieta li se tkun preċiż iżżejjed mal-klijenti int u tagħti d-direzzjonijiet li jwasslu għall-post tiegħek qabel iċ-checkin. Juliette taqsam il-koordinati tal-GPS mal-klijenti. Tħobb tagħti wkoll dettalji iktar preċiżi bħalma huma l-kulur tax-xatba tal-propjetà u dak li hemm miktub fuqha.
Juliette tkun hemm għall-klijenti madwar il-ħin taċ-checkin, f'każ li l-klijenti ma jkunux jistgħu jsibu l-post. "Ħafna drabi jċemplulna meta jkollhom problema għax nagħtuhom in-numri tagħna," tgħidilna.
Tista' żżid iktar dettalji mad-deskrizzjoni tal-listing tiegħek—bħal pereżempju xi ħaġa dwar il-viċinat u dwar il-parkeġġ. Flimkien mal-mappa, dil-informazzjoni tista' tgħin lill-klijenti jifhmu x'jistgħu jistennew li jsibu u b'hekk ikunu jistgħu jibbukkjaw il-listing tiegħek b'moħħhom iktar mistrieħ.
Post ġenerali jew post preċiż
Tista' tagħżel kif il-post fejn jinsab il-listing tiegħek jintwera fir-riżultati tat-tiftix ta' Airbnb:
- Post ġenerali: Il-mappa tal-listing tiegħek tagħti ħjiel taż-żona fejn jinsab (timmarka raġġ ta' ftit inqas minn kilometru madwar l-indirizz tal-post).
- Post preċiż: Il-mappa turi marka fuq l-eqreb kantuniera tat-triq imma ma turix il-post eżatt. Tista' tkaxkar il-mappa sakemm tkun qed timmarka l-post it-tajjeb.
Il-klijenti mhux se jirċievu l-indirizz eżatt tal-post tiegħek qabel il-booking tagħhom jiġi kkonfermat. Is-setting standard huwa għal post ġenerali.
Żid iktar dettalji
Jekk il-klijenti jkunu qed isibuha bi tqila li jsibu l-post tiegħek, nissuġġerulek twaħħal in-numru tal-bieb mal-bieb ta' barra jew twaħħal dawl aħjar mad-daħla tal-propjetà.
Kultant ikollok tħaddem ftit moħħok. "Id-djar tat-tajn tagħna iebsa biex issibhom," jgħid Keshav, membru tal-Bord Konsultattiv tal-Hosts ġewwa New Delhi, l-Indja. "Il-binja tat-triq hija ftit differenti. Ma tasalx mingħajr l-għajnuna ta' xi ħadd."
Keshav ħadem biex jipprova jagħmilha eħfef għall-klijenti li jagħmlu ċ-checkin mingħajr ma jkunu jeħtieġu l-għajnuna. "Bdejna naħsbu dwar xi sinjali li nistgħu nwaħħlu fit-triq ewlenija, xi sinjal permanenti," jgħidilna.
Qis l-għażliet li għandek
Id-dettalji tal-listing tiegħek, fosthom il-post fejn jinsab il-listing, jgħinu lill-klijenti jifhmu x'għandhom jistennew u b'hekk ikunu jistgħu jqisu jekk l-ispazju tiegħek jgħoddx għalihom jew le. B'hekk tista' tgħin isserraħ moħħ il-klijenti meta jkunu qed jibbukkjaw u fl-istess waqt tevita reviews ħżiena.
Pereżempju l-klijenti jafu jkunu jixtiequ jifhmu kemm hemm bogħod mil-listing tiegħek sal-eqreb waqfa tat-trasport pubbliku jew jaraw li ma tantx hemm bogħod biex mill-propjetà faċċata tal-baħar tiegħek jaslu sar-ramel. Il-fatt li tagħżel li turi post speċifiku fir-riżultati tat-tiftix jista' jwassal biex iktar nies jibbukkjaw il-listing tiegħek.
Jekk għandek tħassib dwar il-privatezza u s-sigurtà, tista' tuża s-setting tal-post ġenerali minflok. Il-fatt li fir-riżultati tat-tiftix tagħżel li turi ż-żona madwar il-post tiegħek jista' jwassal biex kemm int kif ukoll il-klijenti tiegħek ikollkom moħħkom iktar mistrieħ.