Kif titlob tariffa għat-tindif

Nifhmu li l-għażla tal-prezz tiegħek hija waħda mill-iktar affarijiet diffiċli meta tilqa' n-nies. Il-prezz ta' kull lejl tal-listing tiegħek flimkien mat-tariffi l-oħra kollha għandhom jilħqu bilanċ bejn li tagħmel tajjeb għall-ispejjeż tal-ospitalità tiegħek u li toffri l-aħjar valur għall-klijenti tiegħek.

Għall-klijenti importanti ħafna li joqogħdu fi spazju nadif. Tariffa għat-tindif tista' tgħinek tħallas għas-servizz ta' persuna professjonali li tgħinek tnaddaf il-post u għall-prodotti għat-tindif.

Int u tagħżel tariffa għat-tindif, żomm f'moħħok li din se tiżdied mal-prezz totali tal-booking. Għal żjarat iqsar, dit-tariffa tagħmel differenza ikbar fil-prezz aħħari milli għal żjarat itwal.

Ipprova żomm il-prezz aħħari tiegħek kompetittiv biex tħajjar iktar nies jibbukkjaw il-listing tiegħek. Tista' tuża l-għodod tal-prezz tal-kalendarju tiegħek biex issib il-prezz aħħari tal-listing tiegħek għal dati jew xorta ta' vjaġġi differenti. Tariffi għat-tindif għalja jwasslu biex inqas klijenti jibbukkjaw l-ispazju tiegħek.

Dawn huma xi ftit għażliet li tista' żżomm f'moħħok:

• Żid tariffa għat-tindif standard għall-klijenti kollha, tkun kemm tkun twila ż-żjara tagħhom.
• Żid tariffa għat-tindif irħas għal żjarat qosra ta' lejl jew tnejn, u itlob it-tariffa għat-tindif standard għaż-żjarat l-oħra kollha.
• Agħmel tajjeb għall-ispejjeż tat-tindif kollha, jew parti minnhom, bil-prezz ta' kull lejl biex iżżomm il-prezz tal-listing kompetittiv.

Importanti li tfiehem lill-klijenti għaliex qed titlob it-tariffi għat-tindif tiegħek. Il-klijenti qalulna wkoll li ma jridux jagħmlu xogħol żejjed bħal li jneħħu l-lożor mis-sodod, jaħslu l-bjankerija u jnaddfu l-post bil-vacuum cleaner.

Nifhmu li tista' titlob lill-klijenti jagħmlu ftit affarijiet żgħar qabel iċ-checkout—pereżempju titlobhom jitfu d-dawl, li jarmu l-ikel fiż-żibel u li jsakkru l-bibien u t-twieqi.

Jekk beħsiebek titlob tariffa għat-tindif, dawn huma xi wħud mill-affarijiet li għandek iżżomm f'moħħok:

• Uża t-tariffa biex tagħmel tajjeb għall-ispejjeż tat-tindif—mhux biex iddaħħal xi ħaġa tal-flus żejda.
• Itlob tariffa li ma tkunx ogħla mill-prezz ta' kull lejl tal-listing tiegħek.
• Ara hemmx xi mod ieħor kif tista' tagħmel tajjeb għall-ispejjeż tat-tindif—pereżempju ara hemmx xi tnaqqis fit-taxxi li tista' tagħmel użu minnu.
• Ipprova ixtri ħafna prodotti tat-tindif f'daqqa—maż-żmien jaqbillek.
• Jekk din l-ewwel darba li se tilqa' n-nies, qabel iżżid tariffa għat-tindif nissuġġerulek li tistenna ftit sakemm ikollok ftit reviews tajbin biex tikseb il-bookings.

Ħarsien mill-ħsara għall-Hosts, parti minn AirCover, iħares lill-Hosts sas-somma ta' $3M USD fil-każ rari li waqt żjara ta' Airbnb klijent jagħmel ħsara lil ħwejġek jew lill-post tiegħek tiegħek. F'ċerti każijiet iħallas ukoll għas-servizzi tat-tindif mhux mistennija, fosthom għat-tneħħija tat-tbajja' u l-irwejjaħ tat-tipjip.

Tista' titlob il-ħlas għall-ħsara miċ-Ċentru tar-Riżoluzzjonijiet tagħna.

Il-programmi Ħarsien mill-ħsara għall-Hosts, Assigurazzjoni għar-Responsabbiltà tal-Hosts u Assigurazzjoni għar-Responsabbiltà tal-Esperjenzi ta' AirCover għall-Hosts la jgħoddu għall-Hosts li jiksbu l-bookings mingħand Airbnb Travel LLC u lanqas għall-Hosts tal-postijiet fejn toqgħod jew għall-Organizzaturi tal-Esperjenzi ġewwa l-Ġappun għax dawn tal-aħħar imħarsa mill-Assigurazzjoni tal-Hosts tal-Ġappun u l-Assigurazzjoni għar-Responsabbiltà tal-Esperjenzi tal-Ġappun. Il-Hosts u l-Organizzaturi li joffru l-postijiet fejn toqgħod u l-Esperjenzi ġewwa ċ-Ċina kontinentali huma mħarsa mill-Polza għall-Ħarsien tal-Hosts ġewwa ċ-Ċina. Żomm f'moħħok li l-limiti tal-ħarsien qed jintwerew kollha bil-munita USD.

Għal-listings ġewwa l-Istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Il-programm Ħarsien mill-ħsara għall-Hosts mhux marbut mal-Assigurazzjoni għar-responsabbiltà tal-Hosts. Grazzi għall-programm Ħarsien mill-ħsara għall-Hosts, jekk il-klijenti jagħmlu xi ħsarat fil-propjetà tiegħek jew fi ħwejġek u ma jħallsukx għalihom, tista' tikseb kumpens għal dik il-ħsara.

Għall-Hosts li joqogħdu jew li bbażati barra l-Awstralja, Ħarsien mill-ħsara għall-Hosts jaqa' taħt xi regoli, kundizzjonijiet u limitazzjonijiet. Għall-Hosts u l-Organizzaturi li joqogħdu jew huma bbażati ġewwa l-Awstralja, Ħarsien mill-ħsara għall-Hosts jaqa' taħt dawn ir-regoli, kundizzjonijiet u limitazzjonijiet.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.