Kif Airbnb tħares lill-Hosts
Punti ewlenin
- Ħarsien bħal AirCover għall-Hosts jgħinek tilqa' n-nies b'moħħok mistrieħ
- It-tim tal-għajnuna lill-klijenti tagħna jista' jgħinek bi 62 lingwa differenti
Kemm jekk int Host ġdid kif ukoll jekk għadek qed taħsibha tilqax in-nies, jaf ikollok xi mistoqsijiet dwar kif tħares l-ispazju u l-oġġetti tiegħek meta tilqa' l-vjaġġaturi ġewwa darek. Għalkemm il-ħsarat u l-aċċidenti tas-sigurtà huma estremament rari, Airbnb għandha numru ta' miżuri ta' ħarsien fis-seħħ, kemm għall-Hosts kif ukoll għall-klijenti.
Profili u reviews
Airbnb tgħinek issir taf lill-klijenti. Jekk tuża l-Booking Immedjat, aħna nħalluk tippersonalizza s-settings tiegħek biex iżżid iktar rekwiżiti għall-klijenti mar-rekwiżiti għall-bookings li diġà għandna fis-seħħ għall-klijenti kollha. U jekk tippreferi tapprova t-talbiet għall-bookings waħda waħda, qabel taċċetta booking tista' tiċċekkja l-profili tal-klijenti u taqra r-reviews li jkunu kitbulhom Hosts oħra.
Billi l-klijenti u l-Hosts ma jistgħux jiktbu r-reviews dwar xulxin qabel jintemm il-booking, tista' sserraħ moħħok li l-kummenti u l-ħsibijiet li taqra jkunu bbażati fuq esperjenzi li vera seħħew. Tista' tuża wkoll l-għodda tal-messaġġi sigura ta' Airbnb biex, meta trid qabel żjara, tistaqsi l-mistoqsijiet tiegħek u tfiehem lill-klijent x'tistenna mingħandu.
AirCover għall-Hosts
AirCover għall-Hosts joffri ħarsien komplut lil kull Host ta' Airbnb. Grazzi għall-verifika tal-identità tal-klijent u t-teknoloġija għall-ispezzjonijiet tal-bookings, il-programm joffri l-ħarsien meħtieġ anke qabel il-vjaġġ biex niżguraw li min jagħmel il-booking ikun min qed jgħid li hu u biex innaqqsu ċ-ċans ta' parties li jagħtu fastidju u jagħmlu ħsara fil-propjetà.
AirCover għall-Hosts joffri $1 miljun USD f'Assigurazzjoni għar-responsabbiltà tal-Hosts u $3 miljun USD f'Ħarsien mill-ħsara għall-Hosts li jħares il-biċċiet tal-arti, l-oġġetti ta' valur u l-karozzi, id-dgħajjes u vetturi oħra pparkjati.
Regoli bażi
Ir-regoli bażi għall-klijenti huma sett ta' standards obbligatorji li l-klijenti kollha mistennija jimxu magħhom. Ir-regoli bażi jitolbu lill-klijenti jirrispettaw l-ispazju tiegħek, jimxu mar-regoli tad-dar tiegħek, javżawk minnufih jekk tinqala' xi problema u jħallu d-dar f'kundizzjoni li ma tkunx teħtieġ tindif fil-fond. Qabel jibbukkja, kull klijent meħtieġ jaqbel ma' dar-regoli.
Sigurtà tal-kont
Airbnb għandha numru ta' miżuri biex tħares il-kont tiegħek, bħal pereżempju li titlob awtentikazzjoni oħra meta xi ħadd jipprova jidħol fil-kont tiegħek minn kompjuter jew mowbajl ġdid u li tavżak meta jseħħu xi bidliet fil-kont tiegħek. Sakemm tuża Airbnb għall-proċess kollu—mill-komunikazzjoni sal-bookings u l-pagamenti—dejjem se nħarsuk permezz tal-politiki u l-ħarsien ta' Airbnb.
Għajnuna 24 siegħa kuljum
It-tim tal-għajnuna lill-klijenti ta' Airbnb jaħdem ma' Hosts minn madwar id-dinja kollha, bi 62 lingwa, biex jgħin b'dawn li ġejjin:
- Għajnuna biex tibbukkja post differenti
- Ħlasijiet lura
- Medjazzjoni
Ikseb iktar informazzjoni dwar il-politiki u l-ħarsien li noffru
Il-programmi Ħarsien mill-ħsara għall-Hosts, Assigurazzjoni għar-Responsabbiltà tal-Hosts u Assigurazzjoni għar-Responsabbiltà tal-Esperjenzi ta' AirCover għall-Hosts la jgħoddu għall-Hosts li jiksbu l-bookings mingħand Airbnb Travel LLC u lanqas għall-Hosts tal-postijiet fejn toqgħod jew għall-Organizzaturi tal-Esperjenzi ġewwa l-Ġappun għax dawn tal-aħħar imħarsa mill-Assigurazzjoni tal-Hosts tal-Ġappun u l-Assigurazzjoni għar-Responsabbiltà tal-Esperjenzi tal-Ġappun. Il-Hosts u l-Organizzaturi li joffru l-postijiet fejn toqgħod u l-Esperjenzi ġewwa ċ-Ċina kontinentali huma mħarsa mill-Polza għall-Ħarsien tal-Hosts ġewwa ċ-Ċina. Żomm f'moħħok li l-limiti tal-ħarsien qed jintwerew kollha bil-munita USD.
L-Assigurazzjoni għar-responsabbiltà tal-Hosts u l-Assigurazzjoni għar-responsabbiltà tal-esperjenzi huma sottoskritti minn kumpaniji tal-assigurazzjoni li ma jagħmlux parti minn Airbnb. Jekk qed tilqa' n-nies ġewwa r-Renju Unit, il-polza l-Assigurazzjoni għar-responsabbiltà tal-Hosts hija sottoskritta minn Zurich Insurance Company Ltd.u tiġi organizzata u tinħarġu bla ħlas żejjed għall-Hosts tar-Renju Unit minn Airbnb UK Services Limited—rappreżentanta awtorizzata ta' Aon UK Limited, li hija awtorizzata u regolata mill-Awtorità tal-Kondotta Finanzjarja. In-numru tar-reġistru tal-Awtorità tal-Kondotta Finanzjarja (FCA) ta' Aon huwa 310451. Tista' tikkonferma dan-numru billi żżur is-sit tar-Reġistru tas-Servizzi Finanzjarji jew billi tikkuntattja lil FCA fuq +44 0800 111 6768. Il-politiki tar-Responsabbiltà għall-Hosts u tar-Responsabbiltà għall-Organizzaturi tal-esperjenzi ta' AirCover għall-Hosts huma regolati mill-Awtorità tal-Kondotta Finanzjarja. Il-bqija tal-prodotti u s-servizzi li toffri Airbnb UK Services Limited mhumiex regolati. FPAFF405LC
Il-programm Ħarsien mill-ħsara għall-Hosts la huwa assigurazzjoni u lanqas mhu marbut mal-Assigurazzjoni għar-responsabbiltà tal-Hosts. Grazzi għall-programm Ħarsien mill-ħsara għall-Hosts, jekk il-klijenti jagħmlu xi ħsarat fil-propjetà tiegħek jew fi ħwejġek u ma jħallsukx għalihom, tista' tikseb kumpens għal dik il-ħsara. Għal-listings ġewwa l-Istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Il-Hosts u l-Organizzaturi li joqogħdu jew huma bbażati barra l-Awstralja jaqgħu taħt dawn ir-Regoli għal Ħarsien mill-Ħsara għall-Hosts. Għall-Hosts u l-Organizzaturi li joqogħdu jew huma bbażati ġewwa l-Awstralja, Ħarsien mill-ħsara għall-Hosts jaqa' taħt ir-Regoli għal Ħarsien mill-Ħsara għall-Hosts għall-Utenti Awstraljani.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.
Punti ewlenin
- Ħarsien bħal AirCover għall-Hosts jgħinek tilqa' n-nies b'moħħok mistrieħ
- It-tim tal-għajnuna lill-klijenti tagħna jista' jgħinek bi 62 lingwa differenti