Kif ittejjeb il-listing tiegħek maż-żmien

L-istess bħall-post tiegħek, il-listing ukoll jeħtieġ xi bidliet kultant. Ibdel ir-ritratti, il-kumditajiet u l-prezz biex tħajjar iktar klijenti jibbukkjaw il-listing u b'hekk tikseb id-dħul mixtieq.

Xi klijenti jqattgħu iktar ħin jaraw ir-ritratti milli jaqraw id-deskrizzjonijiet tal-listings. U dawn jistennew li l-post ikun eżatt bħar-ritratti li ttella' fuq Airbnb.

Jekk dal-aħħar bdilt xi ħaġa fil-listing, nissuġġerulek tibdel ir-ritratti tal-listing tiegħek. Fost dak li tista' tagħmel hemm:

• Oħloq dawra mal-post bir-ritratti grazzi għall-IA. Uża dawra bir-ritratti biex tgħin lill-klijenti jifhmu kif inhu mqassam il-post tiegħek. L-algoritmu speċjali tal-IA ta' Airbnb jqassam ir-ritratti tal-listing tiegħek f'19-il xorta ta' kmamar u spazji. Tista' tiċċekkja d-dawra mal-post tiegħek u żżid id-dettalji għal kull kamra.

• Żid deskrizzjoni għar-ritratti. Ikteb captions biex turi x'hemm f'kull spazju jew kamra bħal pereżempju magna tal-espresso fil-kċina jew xugamani rotob ħafna fil-kamra tal-banju.

• Ħu ritratti maħsuba. Ibdel is-settings tal-mowbajl jew tal-kamera tiegħek biex tixgħel il-linji tal-grilja u ara li tuża riżoluzzjoni tal-istampa tajba. Nissuġġerulek titfi l-flexx u tuża dawl naturali. Nissuġġerulek tieħu taħlita ta' ritratti mill-bogħod, ritratti minn bogħod normali u ritratti mill-qrib. Ikseb iktar pariri fuq kif tieħu r-ritratti

• Qabbad espert/a. Jekk ma tħossokx komdu/a tieħu r-ritratti int stess, nissuġġerulek tqabbad xi ħadd professjonali. Airbnb jaf għandha fotografu professjonali fiż-żona tiegħek.

Il-listing huwa kif il-klijenti jistgħu jsiru jafu l-post tiegħek aħjar. Meta tagħti iktar informazzjoni tista' tikseb iktar bookings.

• Semmi l-iktar kumditajiet imfittxija. Ħafna drabi l-klijenti jfittxu postijiet bi kċina, bil-wifi u bil-parkeġġ bla ħlas. Jista' jaħbu wkoll dawk il-listings li ma jkunux addattati għall-pets jew li ma jkollhomx sodod ta' daqs partikolari, bħal pereżempju sodda doppja 'King'.
• Żomm il-listing aġġornat. Il-klijenti jistennew li jkunu jistgħu jużaw il-faċilitajiet u l-kumditajiet kollha li hemm fil-listing tiegħek. Jekk pereżempju l-pixxina ma tistax tintuża s-sena kollha, ara li tgħarraf lill-klijenti dwar dil-ħaġa.
• Tikkumplikax il-ħajja. L-importanti li tgħin lill-klijenti jifhmu x'għandhom jistennew u twieġeb il-mistoqsijiet li jaf ikollhom. Għarraf lill-klijenti b'dak li jeħtieġu jkunu jafu biex ikollhom żjara mill-aqwa fil-post tiegħek.
• Uża l-kummenti u l-ħsibijiet li jagħtuk il-klijenti. Klijent faħħarlek it-terrazzin f'review? Ħu ritratt tat-terrazzin u żidu mar-ritratti tal-listing tiegħek. Xi ħadd qallek li ma stenniex li l-post tiegħek se jkun daqshekk imbiegħed mill-ajruport? Fisser aħjar fejn jinsab il-post tiegħek.

Meta tkun taf il-prezz li se jintalbu jħallsu l-klijenti, tkun tista' tagħtihom l-aqwa valur għal flushom. Il-prezz totali li se jħallsu jiġbor fih il-prezz ta' kull lejl tal-listing tiegħek, kull tariffa oħra li titlob (għat-tindif, għal kull klijent ieħor li jingħaqad mal-booking jew għall-pets), it-tariffi tas-servizz ta' Airbnb u t-taxxi.

Prezz kompetittiv jista' jgħin lil-listing tiegħek jispikka u jidher qabel listings oħra fir-riżultati tat-tiftix. L-algoritmu jagħti toqol ikbar lill-prezz totali u lill-kwalità ta' listing meta mqabbel ma' listings oħra li jixbhuh fil-qrib.

Il-klijenti jafu ma jqisux l-istess spejjeż li qed tqis int meta tasal għall-prezz tiegħek. Toffri xi ħwejjeġ mhux tas-soltu bħal prodotti lussużi għall-indafa tal-ġisem jew servizzi ta' xandir bl-internet? Semmi dak li toffri fid-deskrizzjoni tal-listing tiegħek bl-iktar mod ċar biex il-klijenti jifhmu aħjar għaliex qed titlob dak il-prezz.