Kif iżżid il-faċilitajiet tal-aċċessibbiltà ma' esperjenza jew servizz

Qabel jibbukkjaw esperjenza jew servizz, il-klijenti jkunu jixtiequ jifhmu jekk tgħoddx għalihom. Jistgħu jiffiltraw ir-riżultati tat-tiftix ta' Airbnb b'faċilitajiet tal-aċċessibbiltà partikolari u jibagħtu messaġġ lill-hosts biex jitolbuhom iktar dettalji.

Għarraf lill-klijenti x'faċilitajiet tal-aċċessibbiltà se jkun hemm waqt is-servizz jew l-esperjenza tiegħek billi tagħżel mil-lista tal-faċilitajiet tal-aċċessibbiltà mit-tab Listings. Għalissa, il-hosts tas-servizzi jistgħu jagħżlu biss il-lingwa tas-sinjali. Jekk tista' taddatta l-esperjenza jew is-servizz tiegħek mod ieħor, aqsam dad-dettalji fid-deskrizzjoni tal-listing jew fil-messaġġ tal-merħba.

Żid dal-faċilitajiet jekk tista' tagħti l-lingwa tas-sinjali jew jew gwida apposta għal dawk neqsin mid-dawl.

• Lingwa tas-sinjali: Int, co-host jew assistent tiegħek tistgħu tikkomunikaw mal-klijenti torox jew neqsin mis-smigħ jew tistgħu tqabbdu interpretu. Madwar id-dinja hemm iktar minn 300 lingwa tas-sinjali fosthom dik Maltija, Amerikana, Ċiniża u Spanjola. Semmi liema lingwi tas-sinjali disponibbli.
• Gwida apposta għal dawk neqsin mid-dawl: Tista' tagħti gwida b'esperjenza biex tgħin lill-għomja jew lil dawk neqsin mid-dawl.

Żid dal-faċilitajiet jekk il-klijenti, fosthom dawk li jużaw siġġu tar-roti, jistgħu jieħdu sehem sħiħ fl-esperjenza tiegħek mill-bidu sal-aħħar mingħajr turġien jew xkiel ieħor.

• Aċċess mingħajr turġien: Il-klijenti mhux se jsibu għetiebi, turġien jew xkiel ieħor ogħla minn 5ċm (2 pulzieri) fi triqthom waqt l-esperjenza.
• Kamra tal-banju mingħajr turġien: Se jkun hemm kamra tal-banju mingħajr turġien jew għetiebi għall-klijenti.
• Il-biċċa l-kbira tal-art ċatta jew mingħajr tlugħ jew inżul: L-art ta' fejn se titmexxa l-Esperjenza tiegħek għandha wiċċ wiesa' u sod u l-art m'għandhiex tlugħ jew inżul.
• Post għall-parkeġġ għall-persuni b'diżabbiltà: Hemm post għall-parkeġġ miżmum għall-persuni b'diżabbiltà jew li għandu wisa' ta' mill-inqas 2 metri u nofs qrib il-post fejn se tibda l-esperjenza tiegħek.
• Daħliet usa' minn 81 ċentimetru (32 pulzier): Id-daħliet jew il-bibien meħtieġa biex il-klijenti jieħdu sehem fl-esperjenza huma wesgħin mill-inqas 81 ċentimetru (32 pulzier).

Jekk l-esperjenza tiegħek m'għandhiex dal-faċilitajiet, nissuġġerulek tqis hemm xi bidliet li tista' tagħmel fir-rotta jew fil-post biex tkun tista' tilqa' iktar klijenti bil-ħtiġijiet tal-aċċessibbiltà.

Żid dal-faċilitajiet jekk tista' taddatta l-esperjenza tiegħek għall-klijenti li jeħtieġu atmosfera partikolari.

• L-ebda tagħbija estrema għas-sensi: L-esperjenza tiegħek m'għandhiex ħafna dwal qawwija, ħsejjes storbjużi, irwejjaħ b'saħħithom u folol ta' nies.
• Post kwiet għall-kenn disponibbli: Hemm żona jew spazju privat apposta b'inqas storbju li l-klijenti jistgħu jużaw waqt l-esperjenza f'każ ta' ħtieġa.

Jekk tista' taddatta, nissuġġerulek toħloq verżjoni tal-esperjenza b'inqas tagħbija fuq is-sensi.

Meta jkollok esperjenzi u servizzi maħsuba għan-nies bil-ħtiġijiet tal-aċċessibbiltà, tkun qed tagħti lil iktar klijenti l-opportunità u s-serħan il-moħħ biex jibbukkjaw.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.