Bord Konsultattiv tal-Hosts

L-Istati Uniti tal-Amerka
Bdejt nilqa' n-nies fl-2018

Bdejt l-avventura tiegħi fil-qasam tal-ospitalità meta bdejt naqsam dari mal-klijenti li kienu qed iżuru Colorado. Waħda mill-iktar ħwejjeġ li nħobb dwar l-ospitalità hija li nkun farka żgħira mill-avventura tal-vjaġġ ta' kull klijent. Ngħin lill-familji u lill-ħbieb iqattgħu l-ħin flimkien u ngħinhom jgħixu esperjenzi uniċi. Kburi ngħid li ili l-mexxej tal-komunità ta' Denver mill-2022 'l hawn.

Il-Ġermanja
Bdejt nilqa' n-nies fl-2021

Billi l-listing ta' Airbnb tiegħi fil-gżira Ġermaniża ta' Rügen jinsab 400 kilometru bogħod mill-belt fejn trabbejt, Brandenburg an de Havel, nara li jirnexxili noħloq l-aqwa esperjenza għall-klijenti anki jekk ma nistax inkun fil-post. Nemmen li biex tikkomunika mal-klijenti ma tagħmilx hekk biss bil-kliem.

L-Istati Uniti tal-Amerka
Bdejt nilqa' n-nies fl-2018

L-avventura tiegħi tal-ospitalità fuq Airbnb bdiet ġewwa California u l-għan tiegħi kien li nsir Superhost biex nibdel kif in-nies fil-qasam tal-ospitalità jħarsu lejn il-komunitajiet emarġinati. Nieħu gost infassal spazji uniċi u niltaqa' mal-vjaġġaturi minn madwar id-dinja kollha.

L-Arġentina
Bdejt nilqa' n-nies fl-2017

Fl-Arġentina fhimt li Airbnb hija mod kif taqsam l-istejjer u d-drawwiet tad-dinja tal-Amerika Latina. Għalija l-ospitalità tfisser li noħloq rabtiet ġenwini li ma jqisux kemm in-nies ikunu 'l bogħod. Li tkun host ma tfissirx biss li nilqa' n-nies imma li nkun ambaxxatur tal-kultura għanja tagħna.

L-Italja
Bdejt nilqa' n-nies fl-2017

Kburija li jien Mexxejja tal-Komunità u Ambaxxatur Superhost ġewwa l-Lag ta' Como, l-Italja. Inħobb ngħin lill-hosts il-ġodda, nisma' x'għandha xi tgħid il-komunità tiegħi, inħeġġeġ l-ospitalità sostenibbli u nara li l-klijenti tiegħi jkollhom żjara mill-aqwa.

L-Istati Uniti tal-Amerka
Bdejt nilqa' n-nies fl-2017

Inħobb naqsam dal-post mill-isbaħ li għandna ġewwa Florida mal-klijenti minn madwar id-dinja. L-ospitalità ma tfissirx li tagħti post fejn toqgħod biss—tfisser li toħloq rabtiet ġenwini u esperjenzi mill-aqwa.

Il-Brażil
Bdejt nilqa' n-nies fl-2019

Jien Mexxej tal-Komunità u Ambaxxatur Superhost tal-post ġewwa Maceió, il-Brażil. Inħobb ħafna nilqa' n-nies fuq Airbnb għax b'hekk inkun nista' nitgħallem mill-qrib dwar ħafna nies u kulturi.

L-Istati Uniti tal-Amerka
Bdejt nilqa' n-nies fl-2017

Bdejt nilqa' n-nies fi studio żgħir ġewwa d-dar ta' Florida tiegħi biex inkun nista' nħallas lura lill-bank. Nieħu ħsieb għadd ta' postijiet u għażilt li nibda naħdem bħala Ambaxxatur Superhost biex ngħin lill-hosts il-ġodda jibdew jużaw Airbnb.

Spanja
Bdejt nilqa' n-nies fl-2017

Bħala host ġewwa Marbella, Spanja. Sibt li nħobb ħafna nsir naf lill-klijenti minn madwar id-dinja u noħolqilhom esperjenza mill-aqwa. Għandi l-opportunità biex ngħin lill-hosts l-oħra wkoll bħala Ambaxxatur Superhost u co-host. Dil-ħaġa tferraħni bil-kbir u għalhekk il-ħidma tal-ospitalità importanti ħafna għalija.

Il-Korea t'Isfel
Bdejt nilqa' n-nies fl-2018

Bdejt nilqa' n-nies matul il-Logħob Olimpiku tax-Xitwa tal-2018 u minn dak iż-żmien 'l hawn bqajt nilqa' n-nies u sirt Ambaxxatur Superhost. Għalija importanti ħafna li ngħin lill-hosts ix-xjuħ bin-negozju tagħhom.

L-Awstralja
Bdejt nilqa' n-nies fl-2014

Bdejt nilqa' n-nies ġewwa l-Awstralja wara li tlift ix-xogħol minħabba l-kriżi finanzjarja dinjija. Għalkemm bdejt nilqa' n-nies għax ma stajtx nagħmel mod ieħor, l-ospitalità saret l-għan il-ġdid tiegħi. Li nilqa' n-nies għalija huwa mod kif noħloq esperjenzi uniċi għall-klijenti tiegħi, kemm jekk ibbukkjaw il-post tiegħi għal proposta taż-żwieġ, għal festin tal-erbgħin sena anniversarju jew biex iqattgħu ftit ħin għall-kwiet ma' sħabhom u qrabathom.

Il-Kenja
Bdejt nilqa' n-nies fl-2015

Li nilqa' n-nies hija xi ħaġa li nħobb nagħmel. Bħala Mexxej tal-Komunità u Ambaxxatur Superhost ġewwa Nairobi, nieħu gost ħafna nara li wħud minn dawk li għent illum saru Superhosts.

Il-Kanada
Bdejt nilqa' n-nies fl-2014

Dik li fil-bidu kienet biċċa xogħol biex indaħħal xi ħaġa żgħira tal-flus kibret f'xi ħaġa ħafna ikbar. Bdejt nilqa' n-nies wara li bdilt il-garaxx tagħna ġewwa l-Kanada f'post komdu għall-mistrieħ qrib il-bajja. Li naqsam dak li tgħallimt jien u nilqa' n-nies sar il-mod kif nibni komunità, niltaqa' man-nies u nħoss li għandi min jifhimni. Nistinka biex nagħmel id-dinja li ngħixu fiha post iktar sostenibbli, twajjeb u inklussiv għal kulħadd.

L-Istati Uniti tal-Amerka
Bdejt nilqa' n-nies fl-2014

L-istorja tal-ġenn tiegħi f'dal-qasam bdiet ġewwa Palm Springs, California. Bħala Ambaxxatur Superhost u Mexxej tal-Komunità għent lill-hosts matul ħidmiethom u ġġilidt għal regolamenti raġjonevoli. Inħobb nilqa' n-nies għax inkun qed insir biċċa żgħira mill-ħajja tal-klijent. L-isbaħ tifkiriet tal-vjaġġi huma dawk li tibqa' tgħożż għal dejjem.

L-Indja
Bdejt nilqa' n-nies fl-2019

Ingħaqadt ma' Airbnb meta bdejt immexxi esperjenza tal-arti tat-triq ġewwa Delhi, l-Indja u żidt mal-ħidma tiegħi meta bdejt nilqa' n-nies fi djar ekoloġiċi uniċi. Bħala Mexxej tal-Komunità tal-esperjenzi, nieħu gost nibni rabtiet bejn il-kulturi.

Franza
Bdejt nilqa' n-nies fl-2019

Għalija meta nilqa' n-nies dejjem ħassejtni qisni qed nivvjaġġa minn dari ġewwa Franza—niltaqa' man-nies minn madwar id-dinja u nitgħallem dwar il-kulturi tagħhom. Inħobb noħloq spazju fejn il-klijenti jħossuhom id-dar minnufih malli jirfsu l-għatba tal-bieb. Il-ferħ u l-kumdità tagħhom huma l-iktar ħaġa li nħobb minn dil-esperjenza.

Franza
Bdejt nilqa' n-nies fl-2015

Għalija s-seħer ta' meta tilqa' n-nies hu li jgħinek titgħallem iktar dwar id-dinja. Ingħaqadt ma' Airbnb minn raħal żgħir qrib Chartres, Franza bħala host u llum nagħti sehemi bħala voluntiera u Mexxej tal-Komunità.

Il-Messiku
Bdejt nilqa' n-nies fl-2019

Meta għażilt li nilqa' n-nies minn madwar id-dinja ġewwa dari, ħajti nbidlet għall-aħjar. Bħala Superhost u Mexxej tal-Komunità, nifhem tajjeb il-post fejn ngħix. Nieħu gost nispira lill-oħrajn biex isibu l-għan tagħhom fil-ħajja u ħtaft l-opportunità li nagħti sehmi biex intejjeb id-dinja ta' madwari minn kif nilqa' n-nies.

Ir-Renju Unit
Bdejt nilqa' n-nies fl-2015

Għadni nieħu gost nara l-klijenti jifirħu, kważi għaxar snin wara li bdejt nilqa' n-nies f'yurts fl-agrituriżmu tagħna ġewwa l-Park Nazzjonali Peak District tal-Ingilterra. Jien Ambaxxatur Superhost ukoll.

Il-Ġappun
Bdejt nilqa' n-nies fl-2017

Jien kburi li lqajt klijenti ġejjin minn għadd ta' kulturi ġewwa Okinawa, il-Ġappun. Ili mill-bidu nett naħdem bħala Mexxej tal-Komunità u nistinka biex inżid l-opportunitajiet għall-ospitalità fuq il-gżira.

L-Awstralja
Bdejt nilqa' n-nies fl-2015

Kien ir-rebbieħ tal-Premju Nobel għall-Paċi Muhammad Yunus li wassal biex insib lil Airbnb għax ridt inkun xi ħadd li nagħti x-xogħol mhux li nfittxu. Meta sirt host ta' Airbnb kelli l-opportunità li nikseb l-indipendenza finanzjarja biex nagħmel dak li nħobb. B'hekk stajt ngħaqqad il-passatempi u l-karriera flimkien u nitgħallem u niskopri dak li kellhom x'juruni l-ħajja u Airbnb.

It-Tajlandja
Bdejt nilqa' n-nies fl-2014

Jien Mexxej tal-Komunità ġewwa t-Tajlandja li fehem kif Airbnb tagħmel id-dinja post iċken. Bdejt nilqa' n-nies bħala passatemp u llum xogħli huwa li nagħmilha ta' host u co-host tad-djar u organizzatur u ko-organizzatur tal-esperjenzi.

L-Afrika t'Isfel
Bdejt nilqa' n-nies fl-2019

Jien omm, bniedma li nħobb in-natura u Superhost ta' Airbnb. Kelli l-unur li f'darna nilqa' l-vjaġġaturi minn kull rokna tad-dinja. L-għan tiegħi hu li kull klijent iħossu parti mill-familja tagħna. Hija avventura mill-isbaħ li wasslet biex ngħix mumenti mill-isbaħ, nibni rabtiet ġenwini u dejjem nitgħallem xi ħaġa ġdida. Se nkun grata lil Airbnb għal dejjem.