Bord Konsultattiv tal-Hosts

Il-Bord Konsultattiv tal-Hosts jagħti l-opportunità lill-Hosts biex iwasslu l-ħsibijiet tal-komunità fuq kif għandu jissawwar il-ġejjieni ta' Airbnb.

Dawn huma l-membri

Dawn it-23 Host għandhom l-aqwa kwalitajiet li nfittxu fil-komunità tagħna u huma ta' eżempju għall-Hosts l-oħra. Huma Mexxejja tal-Komunità, Ambaxxaturi Superhost, membri taċ-Ċentru tal-Komunità jew nies li jieħdu sehem attiv fil-programmi tal-komunità l-oħra ta' Airbnb. Iħobbu jilqgħu n-nies, taw kontribuzzjonijiet kbar lill-komunità ta' Airbnb u se jkollhom sehem importanti aħna u nsawru l-ġejjieni tagħna flimkien.

Dandara Buarque

Jien Mexxej tal-Komunità tal-post u Ambaxxatur Superhost ġewwa Maceió, il-Brażil. Inħobb ħafna nilqa' n-nies fuq Airbnb għax b'hekk inkun nista' nitgħallem mill-qrib dwar ħafna nies u kulturi.

Dolly Duran

Fl-2017 bdejt nilqa' n-nies fi studio żgħir li jinsab fid-dar tiegħi ġewwa Florida biex inkun nista' nħallas il-flus li ssellift mill-bank. Issa qed immexxi għadd ta' postijiet fejn toqgħod u nagħmilha ta' Ambaxxatur Superhost biex ngħin lill-Hosts il-ġodda jibdew.

Rachel Melland

Għadni sal-lum nieħu gost nara wiċċ il-klijenti malli jaslu, kważi għaxar snin wara li bdejt nilqa' n-nies f'yurts fl-agrituriżmu tagħna fil-Park Nazzjonali Peak District ġewwa l-Ingilterra. Jien Ambaxxatur Superhost ukoll.

José Manuel Esquivel Ramírez

Ftit tas-snin ilu rranġajt dar ġewwa Jerez, Spanja u bdejt nilqa' n-nies fiha. Illum jien Mexxej tal-Komunità u nfassal id-djar għal Hosts oħra biex b'hekk ngħin l-ekonomija u s-sostenibbiltà tal-komunità tiegħi.
Ara l-profil

Jue Murugu (Juliette)

Mill-2015 'l hawn, li nilqa' n-nies hija l-iktar ħaġa li nħobb nagħmel! Bħala Mexxej tal-Komunità u Ambaxxatur Superhost ġewwa Nairobi, nieħu gost ħafna nara li wħud minn dawk li għent illum saru Superhosts.
Ara l-profil

Katie Mead

L-avventura sabiħa tiegħi fil-qasam tal-ospitalità bdiet fl-2014. Bħala Ambaxxatur Superhost u Mexxej tal-Komunità, għent ħafna lill-Hosts tal-post u ġġilidt biex ġewwa Lake Arrowhead, California jkollna regoli li jqisu l-ħtiġijiet tagħna.
Ara l-profil

Keshav Aggarwal

Fl-2019 bdejt norganizza Esperjenza ta' Airbnb marbuta mal-arti tat-triq ġewwa Delhi, l-Indja u issa għadni kemm bdejt avventura ġdida fejn nilqa' n-nies fi djar ekoloġiċi uniċi. Bħala Mexxej tal-Komunità Dinjija tal-Esperjenzi Onlajn, nieħu gost nibni rabtiet bejn il-kulturi.
Ara l-profil

Mauricio Bernal Cruz

Bħala Messikan u Mexxej tal-Komunità kburi, inħobb ħafna l-post fejn noqgħod u għalija m'hemm xejn isbaħ milli nispira lill-oħrajn isibu t-triq tagħhom fil-ħajja. Ili mill-2019 nilqa' n-nies fuq Airbnb.
Ara l-profil

Rie Matsumura

Ninsab kburi li ili mill-2016 nilqa' nies minn kulturi differenti ġewwa Okinawa, il-Ġappun. Ili mill-bidu nett naħdem bħala Mexxej tal-Komunità u nistinka biex inżid l-opportunitajiet għall-ospitalità fuq il-gżira.
Ara l-profil

Sarah Huang (Yang-Fen)

Fl-2016 bdejt nilqa' n-nies ġewwa Adelaide, l-Awstralja. Illum jien Ambaxxatur Superhost u Mexxej tal-Komunità. Il-motto mhux uffiċjali tiegħi għal Airbnb hu: "Tgħallem mingħand l-oħrajn, aqsam mal-oħrajn, aqdi lill-oħrajn."
Ara l-profil

Tatiya Uttarathiyang

Jien Mexxej tal-Komunità ġewwa t-Tajlandja u nieħu gost nara kif Airbnb qed tqarreb lin-nies lejn xulxin. Bdejt nilqa' n-nies fl-2013 bħala passatemp u llum xogħli huwa li nagħmilha ta' Host u Co-Host tad-djar u Organizzatur u Ko-Organizzatur tal-Esperjenzi.
Ara l-profil

Marielle Térouinard

Meta nilqa' n-nies nista' nitgħallem iktar dwar id-dinja ta' madwari u għalija m'hemm xejn isbaħ minn hekk. Ingħaqadt ma' Airbnb fl-2013, minn raħal żgħir qrib Chartres, Franza u llum nagħti sehemi bħala voluntier u Mexxej tal-Komunità.
Ara l-profil

Claudia Pattarini

Bdejt nilqa' n-nies fl-2015 u flimkien ma' Hosts oħra ġewwa l-Italja kont waħda mill-fundaturi tal-grupp tal-Komunità ta' Airbnb tal-Lag Como. Meta nilqa' n-nies, niffoka fuq l-inklużjoni soċjali, l-aċċessibbiltà ekonomika u r-rispett għall-ambjent.
Ara l-profil

Daniel Chamillard

Bdejt nilqa' n-nies fl-2012 u llum hija l-iktar ħaġa li nħobb nagħmel! Bħala Ambaxxatur Superhost ġewwa Spanja, inħeġġeġ u nħajjar lin-nies biex ikunu parti minn dil-avventura sabiħa.
Ara l-profil

Deirdre Gower

Bdejt norganizza l-Esperjenzi tradizzjonali ta' Airbnb fl-2014 u fl-2020 bdejt immexxi Esperjenza Onlajn. Jien Mexxejja tal-Komunità ġewwa Cape Town, l-Afrika t'Isfel kif ukoll attivista għall-vjaġġi aċċessibbli.
Ara l-profil

Delphine Bresson

Ili mill-2020 nilqa' n-nies f'raħal qrib il-Foresta Fontainebleau ġewwa Franza. Bħala mexxejja tal-komunità tiegħi, l-għan tiegħi huwa li naħdem bis-sħiħ biex it-turiżmu jkun dejjem iktar sostenibbli.
Ara l-profil

Felicity Stevens

Ilni nilqa' l-klijenti minn madwar id-dinja kollha f'dir-rokna sabiħa tagħna ta' Sydney għal għaxar snin. L-għan tiegħi huwa li nuri lin-nies kif inaqqsu l-emissjonijiet tal-gassijiet b'effett ta' serra, inaqqsu l-użu tar-riżorsi u jnaqqsu l-iskart.
Ara l-profil

Jennifer Schnier

Bdejt nilqa' n-nies fl-2017 ġewwa Georgian Bay Biosphere, il-Kanada, l-ikbar arċipelagu ta' ilma frisk fid-dinja. Immexxi Esperjenza fuq kif tivvjaġġa b'mod sostenibbli u nagħti eżempji ta' kif il-parteċipanti jistgħu jivvjaġġaw b'mod sostenibbili.
Ara l-profil

Kirk Brown

Bdejt nilqa' n-nies fl-2020 ma' ħabiba tiegħi ġewwa Atlanta u fi ftit żmien sirna Superhosts ta' suċċess. Ngħin ukoll lill-Hosts il-ġodda tal-pjattaforma.
Ara l-profil

Nadia Giordani

Sirt Host fl-2016 wara li bnejt l-ewwel dar żgħira ħafna tiegħi. Issa qed nieħu ħsieb listing ieħor u b'hekk nista' naħdem ma' Hosts oħra bħala Mexxeja tal-Komunità ġewwa Atlanta.
Ara l-profil

Pauline Aughe

Bdejt nilqa' n-nies fl-2015 biex ngħin lil żewġi matul marda serja li kien għaddej minnha. Minn dak iż-żmien 'l hawn, il-fatt li nilqgħu n-nies għallimna ħafna lilna bħala familja.
Ara l-profil

Ronaldo Monge

Twelidt u trabbejt ġewwa Puerto Rico u bdejt nilqa' n-nies fl-2015 fil-kamra tas-sodda żejda li kelli ġewwa Chicago. Illum inħarreġ lill-Hosts, nagħmilha ta' co-Host u mmexxi ħames Esperjenzi ta' Airbnb.
Ara l-profil

Yajaira Sosa

Ħajti kienet iddur madwar l-ospitalità, anke qabel bdejt nilqa' n-nies fuq Airbnb fl-2015. Jien Mexxejja tal-Komunità ġewwa r-Repubblika Dominicana u naħdem id f'id ma' Hosts oħra.
Ara l-profil

X'hemm wara l-badge

Il-Bord Konsultattiv tal-Hosts jirrappreżenta d-diversità u l-inklussività tal-komunità tal-Hosts tagħna.
  • 129 sena ta' esperjenza bejniethom fil-qasam tal-ospitalità
  • Firxa wiesgħa ta' rappreżentazzjoni—ġeneri, razza/etniċità, ġibdiet sesswali u sitwazzjonijiet soċjoekonomiċi
  • Ġabra sħiħa ta' esperjenzi tal-ħajja
  • Kulturi uniċi li ġejjin minn 15-il pajjiż differenti
  • Huma eżempju tas-sostenibbiltà, tad-diversità, tal-aċċessibbiltà u tal-politiki tagħna fl-oqsma li l-iktar niffukaw fuqhom

Mistoqsijiet Komuni

X'inhu l-għan tal-Bord Konsultattiv tal-Hosts?

Il-Bord Konsultattiv tal-Hosts isemma' leħnu kull meta jkun hemm kwistjonijiet ta' politiki, programmi u servizzi ġodda għall-Hosts. Il-Bord Konsultattiv tal-Hosts se jgħinna wkoll niddeċiedu kif ninvestu l-Allokazzjoni Finanzjarja għall-Hosts ta' Airbnb biex ngħinu lill-komunità tal-Hosts.

X'nista' nistenna mingħand il-Bord Konsultattiv tal-Hosts?

Il-Bord Konsultattiv tal-Hosts iwassal il-ħsibijiet tal-komunità tal-Hosts lit-tmexxija ta' Airbnb. Il-bord għandu sehem importanti fil-mod li bih se jissawwar il-ġejjieni ta' Airbnb.

Kif ġie magħżul il-Bord Konsultattiv tal-Hosts?

Il-Hosts ġew nominati skont l-esperjenza tagħhom, skont kemm jafu jilqgħu n-nies u skont l-impatt li ħallew fuq il-komunitajiet tagħhom.