Kif tikkomunika sew

Meta tikkomunika mal-klijenti kif suppost tista' tibdel żjara tajba f'waħda mill-aqwa. Uża l-faċilitajiet tal-messaġġi ta' Airbnb biex taqsam dettalji u tfakkiriet importanti, biex twieġeb il-mistoqsijiet malajr u biex tagħti merħba sabiħa lill-klijenti.

Kif iħossuhom il-klijenti waqt iż-żjara tagħhom jiddependi minn kif tikkomunika magħhom. Agħmel l-almu tiegħek biex:

• Tkun hemm għalihom. Ixgħel in-notifiki biex inkunu nistgħu ngħarrfuk bil-messaġġi tal-klijenti ħalli tweġibhom malajr. Annette, host ġewwa San Francisco, tgħid li lill-klijenti tgħidilhom - "għarrfuna minnufih u nieħdu ħsieb kollox aħna", anki għall-inqas ħaġa.

• Kun ġenwin/a. Agħti dettalji ġenwini ta' dak li l-klijenti għandhom jistennew li jsibu. "Għandek tagħti lill-klijenti dak li tkun wgħedthom huma u jibbukkjaw," jgħid Daniel, host ġewwa San Francisco.

• Kun dħuli/ja. Staqsi lill-klijenti kif tista' tgħinhom ikunu komdi biex iħossuhom milqugħin. "Se jkun hemm affarijiet li ma nkunux ħsibna dwarhom," tgħid Sadie, host ġewwa Santa Fe, New Mexico.

• Ħu ħsieb lill-klijenti. Kif iġġib ruħek meta tinqala' problema hija xi ħaġa li l-klijenti jżommuha f'moħħhom. "Tista' tibdel problema f'booking ieħor jekk turi lill-klijenti li tifhem is-sitwazzjoni tagħhom u taħdem biex tipprova ssewwiha mingħajr telf ta' żmien," tgħid Felicity, Superhost ġewwa New South Wales, l-Awstralja.

Ipprova ifhem minn qabel xi jridu jkunu jafu l-klijenti huma u jippjanaw u jivvjaġġaw biex ma joqogħdux jistaqsuk ħafna mistoqsijiet. Nissuġġerulek tibgħat messaġġi f'mumenti importanti bħal dawn:

• Mistoqsija dwar il-booking jew talba għall-booking. Rata ta' rispons tajba hija waħda mill-ħafna punti li jgħinu biex il-listing tiegħek jintwera iktar 'il fuq fir-riżultati tat-tiftix tal-klijenti fuq Airbnb.

• Il-konferma tal-booking. Ibgħat messaġġ fejn tirringrazzja lill-klijenti talli bbukkjaw u għarrafhom li dejjem se tkun hemm għalihom biex twieġeb il-mistoqsijiet tagħhom.

• Il-wasla. Bejn jum u jumejn qabel iċ-checkin, fakkar lill-klijenti li jistgħu jsibu d-dettalji u d-direzzjonijiet fit-tab Vjaġġi tagħhom u aqsam magħhom dak li għandhom ikunu jafu biex ikunu jistgħu jidħlu fil-post.

• Matul żjara. Ftit wara l-wasla, staqsi lill-klijenti jekk għandhomx dak kollu li jeħtieġu biex ikunu komdi. Tista' tissuġġerilhom il-ħwienet, ir-ristoranti u l-affarijiet li tista' tagħmel madwar il-listing li taħseb li se jolqtuhom.

• Wara li joħorġu mill-post. Ftit tal-ħin wara ċ-checkout, ibagħtilhom messaġġ qasir fejn tgħidilhom grazzi u titlobhom jiktbulek review. Ikteb review għall-klijenti mingħajr telf ta' żmien.

Tista' tuża t-tweġibiet ta' malajr mit-tab Messaġġi biex twieġeb malajr jew tagħżel li jintbagħtu awtomatikament iktar tard.

Tweġiba ta' malajr hija messaġġ qasir miktub minn qabel li tiġi ssejvjata bħala mudell fis-settings tal-messaġġi tiegħek. L-ispazji riservati għad-dettalji, bħal isem il-klijent, jippersonalizzaw kull messaġġ billi jieħdu d-dejta mil-listing jew mill-booking tiegħek.

Oħloq it-tweġibiet ta' malajr tiegħek jew editja l-mudelli ta' Airbnb. Ngħidu aħna, jekk il-klijenti jistaqsu ta' spiss l-istess mistoqsijiet qabel ma jibbukkjaw, tista' tiffranka l-ħin billi toħloq tweġiba ta' malajr bit-tweġiba li ssoltu tiktbilhom.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.