Kif tikkomunika sew

Importanti tikkomunika ċar u mingħajr telf ta' ħin mal-klijenti jekk trid li jkollhom żjara mill-aqwa u tikseb reviews tajbin. Uża dal-pariri biex jgħinuk fil-ħidma tiegħek.

L-atmosfera taż-żjara tiddependi minn kif titħaddet mal-klijenti. Agħmel l-almu tiegħek biex:

• Tkun hemm għalihom. Ixgħel in-notifiki biex tirċievi u twieġeb il-messaġġi tal-klijenti mingħajr telf ta' żmien. Annette, Host ġewwa San Francisco, titlob lill-klijenti "jgħarrfuha minnufih" b'kull problema biex tkun tista' tieħu ħsiebha "mingħajr telf ta' żmien".

• Kun onest/a. Agħti stampa ċara ta' dak li l-klijenti jistgħu jistennew li jsibu. "Għandek tagħti lill-klijenti dak li tkun wegħedthom huma u jibbukkjaw," jgħid Daniel, Host ġewwa San Francisco.

• Kun dħuli/ja magħhom. Staqsi lill-klijenti kif tista' tgħinhom iħossuhom komdi u milqugħin. "Se jkun hemm ħwejjeġ li aħna l-Hosts ma nkunux ħsibna dwarhom," tgħid Sadie, Superhost ġewwa Santa Fe, New Mexico.

• Agħti kas. Il-klijenti se jibqgħu jiftakru l-imġiba tiegħek f'każ li jinqala' xi ħaġa. "Tista' tibdel problema f'booking ieħor jekk turi lill-klijenti li tifhem is-sitwazzjoni tagħhom u taħdem biex tipprova ssewwiha mingħajr telf ta' żmien," tgħid Felicity, membru tal-Bord Konsultattiv tal-Hosts u Superhost ġewwa New South Wales, l-Awstralja.

Ipprova ifhem x'se jistaqsuk il-klijenti biex tagħtihom esperjenza mill-isbaħ u ma joqogħdux jistaqsuk ħafna mistoqsijiet, l-iktar:

• Meta jibagħtulek mistoqsija jew talba għall-booking. Meta jiktbulek, weġibhom fi żmien 24 siegħa.

• Wara l-konferma tal-booking. Ibagħtilhom messaġġ fejn tgħidilhom "grazzi li bbukkjajtu l-post tiegħi" biex tibda t-taħdita magħhom u turihom li se tkun hemm biex twieġeb il-mistoqsijiet li jaf ikollhom.

• Qabel il-wasla. Xi jum jew jumejn qabel il-wasla, fakkarhom fejn jistgħu jsibu l-istruzzjonijiet taċ-checkin fl-app u aqsam xi informazzjoni importanti dwar kif jistgħu jidħlu fil-post. Jum wara ċ-checkin, staqsihom jekk hux kollox sew.

• Wara li joħorġu mill-post. Ftit tal-ħin wara ċ-checkout, ibagħtilhom messaġġ qasir fejn tgħidilhom grazzi u titlobhom jiktbulek review. Imbagħad ikteb ir-review tiegħek mingħajr telf ta' żmien.

Rata ta' rispons tajba tgħin biex il-listings tiegħek jintwerew qabel fir-riżultati tat-tiftix tal-klijenti. Uża dal-faċilitajiet biex tipprova tifhem l-iktar mistoqsijiet li se jistaqsu l-klijenti u tweġibhom:

• Tweġibiet ta' malajr. Agħżel minn lista ta' mudelli fl-inbox tiegħek jew ikteb u erfa' l-mudelli tiegħek stess. Se ngħinuk tippersonalizza dal-mudelli bix-shortcodes li jimlew isem il-klijent, id-dettalji tal-booking u d-dettalji tal-listing awtomatikament.
• Messaġġi awtomatiċi. Il-klijenti se jirċievu dal-messaġġi b'informazzjoni siewja dwar iż-żjara tagħhom awtomatikament f'ċerti waqtiet. Tista' tippersonalizza dal-messaġġi bix-shortcodes ukoll.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.