Kif tasal għall-prezz li għandek titlob għal kull lejl

Il-proċess biex tifhem xi prezz ta' kull lejl huwa addattat għalik u għall-klijenti jaf ikun twil u jaf ikun jeħtieġlek tesperimenta ftit. Il-prezz li titlob huwa dejjem f'idek u meta trid tista' tibdlu.

Meta ttella' l-ispazju tiegħek fuq Airbnb nitolbuk tgħidilna xi prezz tixtieq titlob. Il-prezz li nissuġġerulek waqt il-proċess Airbnb Setup jiddependi minn għadd ta' fatturi fosthom il-post fejn jinsab il-listing, il-kumditajiet li fih u d-domanda tal-klijenti għal-listings li jixbhuh.

Ipprova ilħaq bilanċ bejn l-ispejjeż tiegħek u l-prezz li l-klijenti lesti jħallsu. Żomm dawn li ġejjin f'moħħok:

• L-ispejjeż biex tilqa' n-nies, bħall-flus li għandek tħallas lill-bank għall-post, iż-żamma tal-post u t-taxxi.
• Il-valur li jagħti, bħall-iktar kumditajiet imfittxija u kemm hu qrib il-postijiet ta' interess tal-post.
• Il-prezz totali li se jintalbu jħallsu l-klijenti, fosthom it-tariffi li beħsiebek titlobhom.

Ara li jkollok id-deskrizzjoni, ir-ritratti u l-kumditajiet tal-listing preċiżi biex il-klijenti jifhmu l-valur li jagħti u jgħinuhom jifhmu x'għandhom jistennew li jsibu.

Kull darba li tibdel il-prezz tista' tagħfas fuq Il-prezz qabel it-taxxi għall-klijenti biex tifhem kemm se jkun il-prezz bażi li qed titlob bit-tariffa tas-servizz tal-klijenti miżjuda miegħu. Agħfas fuq Int se ddaħħal biex issib kemm hu l-prezz bażi bit-tariffa tas-servizz tal-hosts imnaqqsa minnu.

Tista' tipprova tifhem x'inhu prezz kompetittiv li jħajjar iktar klijenti jibbukkjaw billi tiċċekkja l-prezzijiet li hosts oħra qed jitolbu għall-postijiet fil-qrib li jixbhu lil-listing tiegħek. Jekk il-prezzijiet tal-listing tiegħek ma jinbidlux minn lejl għall-ieħor, nissuġġerulek iżżid prezzijiet apposta għal matul il-ġimgħa u għal tmiem il-ġimgħa. Meta l-prezzijiet ikunu jiddependu mil-lejl innifsu, tista' wkoll tikseb iktar bookings.

Kif tqabbel il-listings li jixtiebhu:

• Iftaħ it-tab Prezzijiet tal-kalendarju tal-listing tiegħek.
• Agħżel il-firxa tad-dati, sa 31 jum.
• Agħfas fuq Sib il-listings li jixtiebhu.

Se nuruk il-medja tal-prezzijiet li qed jintalbu għal-listings li jixbhu lil tiegħek fuq mappa taż-żona qrib il-listing. Il-buttuni fuq il-mappa jħalluk tifhem liema listings huma bbukkjati jew mhux ibbukkjati. Biex nifhmu liema listings jixbhu lil tiegħek inqisu fatturi bħall-post fejn jinsabu, id-daqs, il-faċilitajiet, il-kumditajiet, ir-ratings, ir-reviews u listings oħra li l-klijenti żaru huma u jqisu għandhomx jibbukkjaw jew le l-listing tiegħek.

"Jekk insib il-listings li jixbhu lil-listing tiegħi bi prezz irħas u l-listing tiegħi ma jkunx qed jikseb biżżejjed bookings, nipprova nifhem għaliex," tgħid Katie, membru tal-Bord Konsultattiv tal-Hosts u Superhost ġewwa Palm Springs, California. "Inqis kif inhu mżejjen u mgħammar il-listing tiegħi, il-kumditajiet li fih, il-politika tal-kanċellazzjoni tiegħu u t-tariffi għat-tindif li nkun qed nitlob. Hemm ħafna raġunijiet għaliex il-klijenti jafu jagħżlu li jibbukkjaw ma' ħaddieħor u mhux miegħi."

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

Ħallasna lill-hosts għas-sehem tagħhom fl-istħarriġ.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.