Kemm titlob flus mingħand il-hosts Airbnb?
It-tariffi tas-servizz jagħmlu tajjeb għan-nefqiet għall-prodotti u s-servizzi ta' Airbnb fosthom biex nipproċessaw il-pagamenti, biex nirriklamaw il-pjattaforma tagħna u biex nagħtu s-servizz tal-għajnuna lill-klijenti.
Dawn huma perċentwali tal-prezz li titlob għal kull lejl flimkien mat-tariffi l-oħra li jaf żidt, bħat-tariffa għat-tindif. It-tariffi tas-servizz jitnaqqsu mill-prezz li nużaw biex naħdmu l-ħlas li għandna nagħtuk. Għandna żewġ verżjonijiet għat-tariffi ta' Airbnb: tariffa maqsuma u tariffa waħda.
Tariffa maqsuma
Il-hosts u l-klijenti iħallsu t-tariffi tas-servizz tagħhom. Innaqqsu tariffa tal-hosts ta' 3% mill-prezz li nużaw biex naħdmu l-ħlas li għandna nagħtuk.* Barra minn hekk, il-klijenti jħallsu tariffa tas-servizz ta' bejn 14.1% u 16.5% li nżidu mal-prezz li titlob. Dan ifisser li int titlob prezz imma l-klijenti jintwerew u jintalbu jħallsu prezz ieħor. Ngħidu aħna, jekk titlob €100 kull lejl, int se ddaħħal €97 u l-klijent se jħallas madwar €115.
Tariffa waħda
Tariffa waħda titnaqqas mill-prezz li nużaw biex naħdmu l-ħlas li għandna nagħtuk. Ħafna drabi tkun bejn 14% u 16%.** Dan ifisser li l-prezz li titlob huwa l-prezz li se jintwera lill-klijenti u li se jintalbu jħallsu. Ngħidu aħna, b'tariffa ta' 15.5%, jekk titlob €115 kull lejl, int se ddaħħal €97.18 u l-klijent se jħallas €115.
Il-listings tal-ospitalità tradizzjonali, fosthom il-biċċa l-kbira tal-listings tal-lukandi u l-appartamenti bis-servizz, meħtieġa jużaw tariffa waħda. Il-biċċa l-kbira tal-hosts li jużaw is-software biex jieħdu ħsieb il-propjetà jew is-software biex jieħdu ħsieb il-bookings jużaw tariffa waħda wkoll.
Għaliex Airbnb tiġbor it-tariffi tas-servizz?
It-tariffi tas-servizz jgħinu lil Airbnb taħdem kif suppost u jgħinuha tgħin lill-hosts. Dawn iħallsu għall-ispejjeż li jkollna biex:
- Nipproċessaw il-pagamenti tal-klijenti
- Nirriklamaw il-listings mal-klijenti
- Ngħinu lill-klijenti 24 siegħa kuljum
Kif nista' nsib it-tariffa tas-servizz?
Biex tikseb rendikont tal-prezz, iftaħ liema booking tixtieq mill-kalendarju tal-listing tiegħek jew liema tranżazzjoni tixtieq mid-dashboard tad-dħul. It-tariffa tas-servizz se tkun f'daħla għaliha.
Tista' ssir taf iktar dwar it-tariffi tas-servizz miċ-Ċentru tal-Għajnuna li fih artikli dwar:
*Xi hosts iħallsu iktar, fosthom xi hosts bil-listings ġewwa l-Italja u l-Brażil.
**Il-hosts b'politiki tal-kanċellazzjoni super stretti jaf ikollhom iħallsu tariffa ogħla.
F'xi pajjiżi u reġjuni, it-taxxi diġà parti mill-prezz totali li nuru. Il-prezz totali jiġbor fih it-taxxi u jintwera dejjem meta tiġi biex tħallas.
L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.