Kif tifhem jekk l-ispazju tiegħek hux privat jew maqsum mal-oħrajn

Huma u jagħżlu post fejn joqogħdu, il-klijenti jkunu jixtiequ jkunu jafu hux se jkunu qed jaqsmu l-ispazju ma' ħaddieħor jew hux se jkunu qed joqogħdu hemm waħidhom.

Airbnb tagħtik tliet għażliet int u ttella' l-ispazju tiegħek.

• Post sħiħ: Il-klijenti jkunu l-uniċi nies fl-ispazju u ħafna drabi minbarra post fejn jorqdu jkollhom kamra tal-banju, kċina u daħla apposta għalihom.
• Kamra privata: Waqt iż-żjara tagħhom, il-klijenti jkollhom kamra tas-sodda għalihom biss imma xi żoni oħra bħad-daħla, il-kamra tal-banju u l-kċina jafu jkunu maqsuma ma' ħaddieħor.
• Kamra maqsuma mal-oħrajn: Il-klijenti se jorqdu f'kamra tas-sodda li jaf tkun maqsuma miegħek jew ma' ħaddieħor bħal, ngħidu aħna, kamra maqsuma b'ħajt diviżorju li tintuża minn klijenti b'bookings differenti.

Iktar 'il quddiem se nitolbuk tiddeskrivi l-post fi kliemek. Tista' tagħti d-dettalji li juru liema spazji huma privati u liema spazji maqsuma ma' ħaddieħor. Ngħidu aħna, jekk tilqa' n-nies f'post sħiħ imma se tkun qed toqgħod fil-post, tista' tikteb xi ħaġa bħal : "Aħna noqogħdu f'dar oħra imma naqsmu l-bitħa tagħna mal-cottage li se jużaw il-klijenti."

Jekk is-sitwazzjoni tinbidel, dejjem tista' tibdel id-deskrizzjoni tal-listing tiegħek.