Kif tagħżel x'tip ta' spazju qed toffri

Ospitalità tal-aqwa livell teħtieġ li l-klijenti jkunu jafu eżatt x'għandhom jistennew mill-propjetà tiegħek. Tista' tgħin lill-klijenti jsibu l-listing tiegħek billi tgħidilna x'tip ta' post se tkun qed tilqa' n-nies fih.

Matul dal-pass se nitolbuk tagħżel it-tip ta' propjetà li l-iktar jixbah l-ispazju tiegħek—pereżempju dar jew appartament. Imbagħad matul il-pass ta' wara se nitolbuk tagħti iktar dettalji.

Dan x'tifhem Airbnb b'kull tip ġenerali ta' propjetà:

• Appartament: Normalment jinsab f'bini fejn ikun hemm iktar minn unità waħda li fiha jgħixu n-nies (tinkludi l-kondominji u l-lofts)
• Dar: Struttur li ma tmiss ma' xejn li tista' taqsam żoni jew ħitan fuq barra ma' propjetajiet oħra (tinkludi d-djar duplexes u t-townhouses)
• Unità sekondarja: Normalment tinsab fi propjetà maqsuma mal-oħrajn b'daħla privata (tinkludi l-guesthouses u s-suites għall-klijenti)
• Spazju uniku: Struttura interessanti jew mhux tas-soltu bħal pereżempju treehouse, yurt jew agrituriżmu
• Bed and breakfast: Negozju tal-ospitalità li joffri kolazzjon lill-klijenti u fejn Host ikun joqgħod fil-post
• Boutique hotel: Negozju tal-ospitalità mibni madwar stil jew tema uniċi

Jekk l-ispazju tiegħek jista' jkollu iktar minn tip ta' propjetà wieħed, agħżel dak li temmen li hu l-iktar preċiż.

Ejja ngħidu li qed tippubblika dak l-istudio żgħir u komdu li għandek wara d-dar. Tista' jew timmarkah bħala Unità sekondarja (Guesthouse) jew bħala Spazju uniku (Dar ċkejkna), skont it-tip ta' spazju li temmen li l-iktar jixbah.

Sakemm qed tagħti ħjiel ċar ta' dak li l-klijenti jistgħu jistennew li jsibu meta jibbukkjaw l-ispazju tiegħek, m'hemmx tweġiba tajba u oħra ħażina. Matul il-pass li jmiss se nitolbuk tagħti iktar dettalji—u dejjem tista' tibdel l-għażliet tiegħek wara li tkun ippubblikajt il-listing.