Kif tikteb isem li jolqot l-għajn
L-isem tal-listing tiegħek huwa opportunità biex turi lill-klijenti dak li jagħmel l-ispazju tiegħek speċjali. Imbagħad jiddependi minnek biex issib kif tagħmel hekk bi ftit kliem.
Minħabba li 75% tat-tfittxijiet fuq Airbnb isiru mill-mowbajls, l-ismijiet ma jistgħux ikunu itwal minn 32 karattru (bl-ispazji b'kollox). B'hekk l-isem ikun jista' jintwera kollu, anke fuq it-tablets u l-ismartphones bi screens iżgħar.
Dan huwa kif għandek tikteb isem li jolqot lill-klijenti:
- Agħti iktar dettalji mingħajr ma tirrepeti. M'għandekx għalfejn terġa' tagħti l-istess informazzjoni li tkun diġà tkun qed tintwera fir-riżultati tat-tiftix bħall-post fejn jinsab il-listing tiegħek (belt jew raħal) jew in-numru ta' sodod li hemm fil-post. Minflok għandek issemmi dawk l-affarijiet li jistgħu jgħinu biex il-klijenti jaqraw il-listing tiegħek—xi kumdità popolari jew xi punt ta' interess fil-qrib.
- Evita s-simboli u l-emojis. Uża kliem ħafif li jiddeskrivi x'qed toffri—bħal pereżempju kenni, mill-isbaħ, rustiku jew spazjuż. Mhux problema jekk tuża l-punteġġjatura imma tirrepetihiex (bħal pereżempju !!! jew ***) biex tipprova tenfasizza xi ħaġa.
- L-ewwel ittra tal-ewwel kelma tal-isem biss għandha tkun kbira. Tużax l-ittri l-kbar f'postijiet oħra fl-isem. L-uniċi eċċezzjonijiet huma n-nomi propji, bħal pereżempju "Ħaż-Żabbar".
Jekk ma tafx kif għandek tagħmel biex iżżomm l-isem qasir, ipprova dil-ħaġa:
- Aħseb dwar dak li jagħmel l-ispazju tiegħek attraenti u uniku.
- Ikteb ftit kliem li jagħtu l-iktar deskrizzjoni preċiża.
- Tippruvax tagħti d-dettalji kollha—kemm tistieden lill-klijenti biex jiskopru iktar.
Dawn huma tliet eżempji ta' ismijiet tajbin biex nagħtuk ftit ideat:
- Post ħdejn il-baħar bil-kayaks
- Kamra romantika, stil Vittorjan
- Studio ekoloġiku qrib LAX
L-isem li għażilt ma tantx jolqtok? Tista' tibdel l-isem tal-listing meta trid. Fil-fatt, ħafna Hosts jibdlu l-ismijiet tal-listings tagħhom meta jżidu l-kumditajiet jew isibu x'għoġob l-iktar lill-ewwel klijenti tagħhom.