Prezz xieraq għal kull staġun

Jaf tiġbed iktar nies jibbukkjaw u ddaħħal iktar flus jekk tirfina l-prezzijiet u d-disponibbiltà tiegħek. Dawn is-settings il-ġodda jħalluk tvarja l-prezzijiet skont l-istaġun, timla d-dati mhux ibbukkjati permezz ta' skontijiet għat-talbiet tal-aħħar minuta fil-kalendarju tiegħek u tqis it-talbiet għall-bookings għad-dati li jaqgħu barra mill-medda tad-disponibbiltà tiegħek.

Meta taġġusta l-prezzijiet skont iż-żminijiet popolari ħafna u dawk inqas popolari din tgħinek qed tibqa' kompetittiv/a. Se nanalizzaw id-domanda fiż-żona tiegħek u nissuġġerixxu prezzijiet skont l-istaġun li jistgħu jgħinuk iżżid il-bookings u d-dħul tiegħek. Ara x'se jiġi introdott minn Lulju.

• Prezzijiet matul is-sena: Varja l-prezz bażi tiegħek skont ix-xahar biex timxi mal-bidliet fid-domanda skont l-istaġun.
• Aġġustament fil-prezz ta' tmiem il-ġimgħa: Ibdel il-prezzijiet għal tmiem il-ġimgħa tiegħek b'perċentwal fiss, bħal ngħidu aħna +15%, biex taġġorna l-prezzijiet b'mod faċli matul l-istaġuni differenti.

Il-prezzijiet suġġeriti tagħna jinħadmu skont id-domanda għal listings li jixbhu lil tiegħek fiż-żona tiegħek u skont fatturi bħall-post fejn jinsab il-listing tiegħek u l-kumditajiet li joffri. Dejjem tista' tqabbel il-prezzijiet ta' listings fil-qrib li jixbhu lil tiegħek fuq mappa u teditja l-prezzijiet issuġġeriti qabel tagħmel xi bidliet.

Tista' tibdel id-disponibbiltà u l-prezzijiet tal-aħħar minuta biex tibqa' kompetittiv hekk kif joqorbu l-iljieli mhux ibbukjati. Se nissuġġerulek modi biex ngħinu lil-listing tiegħek jidher f'iktar riżultati tat-tiftix u jiżdidulu l-bookings. Ara x'se jiġi introdott minn Awwissu.

• L-inqas numru ta' ljieli tal-aħħar minuta: Aċċetta żjarat iqsar għall-iljieli mhux ibbukjati fi żmien ġimgħatejn għaċ-check-in.
• Skontijiet tal-aħħar minuta: Żid l-iskontijiet tiegħek tal-aħħar minuta ftit ftit għall-klijenti li jkunu qed jibbukkjaw minn 8 sa 14-il jum, minn 2 sa 7 ijiem u minn 0 sa jum qabel il-wasla.

Tista' tuża l-inqas numru ta' ljieli meħtieġa għall-booking u l-iskontijiet li nissuġġerixxu jew tagħżilhom inti.

Jekk tuża l-Booking Immedjat, issa tista' tikkunsidra t-talbiet għall-bookings għad-dati li jaqgħu barra mill-firxa tad-disponibbiltà tiegħek. Dil-ħaġa tista' tgħinek iddaħħal iktar flus billi taċċetta bookings iktar bil-quddiem b'mod manwali.

• Disponibbiltà estiża: Il-klijenti jistgħu jsibu l-listings fir-riżultati tat-tiftix għal dati barra mill-firxa tad-disponibbiltà u jibagħtulek talbiet għal bookings biex tarahom fi żmien 24 siegħa.
• Settings tal-bookings: Żomm is-settings tal-Booking Immedjat tiegħek l-istess, biex il-klijenti xorta jkunu jistgħu jibbukkjaw il-post tiegħek minnufih għad-dati li jaqgħu fil-firxa tad-disponibbiltà tiegħek.

Tista' tagħżel li ma tużax id-disponibbiltà estiża fi xħin trid billi taġġorna s-settings tad-disponibbiltà tiegħek.

Il-prezzijiet bil-munita USD. L-esperjenza tal-utent jaf tvarja abbażi tal-post fejn jinsab.

Il-prezzijiet li titlob u s-settings l-oħra tiegħek dejjem huma dejjem f'idek. Ir-riżultati li tikseb jaf ivarjaw.

L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.