Kif toħloq l-istrateġija tal-prezzijiet tiegħek

Jekk tiċċekkja u tibdel il-prezzijiet u d-disponibbiltà ta' sikwit, tkun tista' żżomm il-listing tiegħek kompetittiv u tilħaq l-għanijiet tad-dħul tiegħek. Dawn xi modi kif tista' toħloq l-istrateġija tal-prezzijiet tal-listing tiegħek.

Hemm xi ftit ħwejjeġ li għandek tagħtihom importanza meta tiġi biex tqiegħed il-prezzijiet u d-disponibbiltà tal-listing tiegħek.

• Iftaħ iktar iljieli: Dil-ħaġa tgħin biex il-listing tiegħek jintwera f'iktar riżultati tat-tiftix. Jekk għandek xi dati mblukkati minħabba s-settings tiegħek, se nagħtuk xi pariri biex tiftaħhom. Ngħidu aħna, jekk l-inqas tul għal żjara huwa 5 iljieli u għandek 4 ljieli mhux ibbukkjati bejn il-bookings, se nuruk parir biex tnaqqas l-inqas għadd ta' ljieli meħtieġa għal dawk l-iljieli.
• Ibdel is-settings tad-disponibbiltà tiegħek: Dil-ħaġa tgħinek tilqa' n-nies biss meta tista'. Ibdel it-tul tal-vjaġġ, l-avviż bil-quddiem, il-ħin għat-tħejjija u iktar, malajr.
• Iċċekkja l-pariri għall-prezzijiet u l-listings li jixbhu lil-listing tiegħek: Dal-għodod jgħinuk titlob prezz kompetittiv skont il-jiem, iż-żmien tas-sena u l-avvenimenti speċjali. Jekk tuża l-Prezzijiet Intelliġenti mhux se nuruk il-pariri tal-prezzijiet jew il-listings li jixtiebhu.

"Inħobb niċċekkja l-listings li jixbhu lil-listing tiegħi biex inqabbel il-prezzijiet, nifhem jekk hux qed nitlob prezz għali jew irħis wisq u nifhem l-aħjar prezz li għandi nitlob," tgħid Karen, Superhost ġewwa Nelson, il-Kanada.

Int u tibdel il-prezz tal-listing tiegħek, żomm f'moħħok il-prezz totali li se jintalbu jħallsu l-klijenti u li jiġbor fih it-tariffi kollha li żżid.

Anki l-iktar listings imfittxija kultant jafu jkollhom xi żminijiet fejn ma jkollhomx bookings. Dawn huma ftit modi kif tista' tgħin lil-listing tiegħek jispikka.

• Agħti l-iskontijiet: Skontijiet għaż-żjarat ta' ġimgħa u għaż-żjarat ta' xahar jistgħu jgħinuk timla l-kalendarju tal-listing tiegħek u tnaqqas id-drabi li jkollok tħejji l-post mill-ġdid għall-klijenti l-ġodda. Skont tal-aħħar minuta jaf jolqot lill-klijenti li jkunu qed jibbukkjaw bejn jum u 28 jum qabel iċ-checkin.
• Qassar iż-żmien meħtieġ bejn il-booking u d-data taċ-checkin: Meta tħalli lill-klijenti jibbukkjaw eqreb lejn id-data taċ-checkin jaf tħajjar iktar nies jibbukkjaw. Agħżel li tħalli lill-klijenti jibbukkjaw anki għal dakinhar stess, skont kemm teħtieġ żmien biex tħejji l-post.
• Ilqa' żjarat iqsar: Qassar l-inqas għadd ta' ljieli meħtieġa għal żjara biex il-klijenti li jkunu jixtiequ jibbukkjaw btala ta' malajr ikunu jistgħu jibbukkjaw miegħek. Tista' tagħżel l-inqas għadd ta' ljieli għal żjara skont il-jum taċ-checkin.

"Qed ninnota li għadd dejjem ikbar ta' bookings qed ikunu għal żjarat iqsar," jgħid Jimmy, Superhost ġewwa Palm Springs, California. "Ikunu bookings tal-aħħar minuta ta' bla ħsieb u għalhekk ikunu bookings ta' jumejn biex dak li jkun jaħrab ftit mill-ħajja ta' kuljum. M'hemmx isbaħ mill-flessibbiltà."

Hemm għadd ta' għodod ta' Airbnb li jistgħu jgħinuk tieħu kemm tista' meta d-domanda tal-klijenti tkun ikbar. Dawn xi strateġiji li tista' tuża.

• Żomm il-btajjel u l-avvenimenti speċjali f'moħħok: Ibdel id-disponibbiltà u l-prezzijiet għad-dati ta' qabel il-kunċerti, il-festivals, l-avvenimenti sportivi u avvenimenti kbar oħra biex tikseb iktar bookings u dħul ikbar. Il-kalendarju tal-listing tiegħek juri l-biċċa l-kbira tal-btajjel u l-avvenimenti l-kbar taż-żona tiegħek.
• Żid skont għal min jibbukkja kmieni: Biex tħajjar lill-klijenti li jibbukkjaw bil-quddiem jibbukkjaw il-listing, raħħas il-prezz li titlob għall-bookings li jsiru bejn xahar u 24 xahar bil-quddiem.
• Wessa' l-firxa tad-disponibbiltà: Jekk tilqa' n-nies b'iktar minn 3 xhur bil-quddiem, il-listing tiegħek se jintwera f'iktar riżultati tat-tiftix. Tista' tiftaħ il-kalendarju tal-listing sa sentejn bil-quddiem.

"Ġieli jidħlu bookings anki sena bil-quddiem għall-btajjel tas-sena jew 6 xhur bil-quddiem għal żmien il-Milied," tgħid Anne, Superhost ġewwa Tarragona, Spanja. "Min jibbukkja bil-quddiem ħafna drabi ma jikkanċellax. Importanti wkoll għax b'hekk tkun taf minn qabel x'bookings għandek tistenna fix-xhur li ġejjin."

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

Ħallasna lill-hosts għas-sehem tagħhom fl-istħarriġ.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.