Kif tifhem xi prezz titlob fil-bidu
Prezz kompetittiv jista' jgħin lil-listing tiegħek tispikka u jħajjar lill-klijenti jibbukkjawh. Il-prezz li titlob huwa dejjem f'idek u meta trid tista' tibdlu.
Kif tifhem xi prezzijiet titlob għal matul il-ġimgħa u għal tmiem il-ġimgħa
L-ewwel tqiegħed prezz bażi għal matul il-ġimgħa. Dan ikun il-prezz standard għall-iljieli kollha miftuħa fuq il-kalendarju tal-listing tiegħek. Għandek l-għażla li tgħolli l-prezz għal tmiem il-ġimgħa, jiġifieri nhar ta' Ġimgħa u nhar ta' Sibt.
Il-pariri tal-prezzijiet li nuruk iqisu fatturi bħall-post, il-kumditajiet, il-bookings tal-imgħoddi u l-prezzijiet li qed jintalbu fiż-żona tal-listing tiegħek. Jekk tixtieq tuża xi prezz ieħor, nissuġġerulek tibbilanċja n-nefqiet li għandek ma' dak li l-klijenti lesti jħallsu. Dawn xi ftit dettalji li għandek tqis.
- L-ispejjeż biex tilqa' n-nies: Fosthom il-flus li għandek tħallas lura lill-bank, il-kontijiet, iż-żamma tal-post u t-taxxi.
- Il-valur li tagħti: Qis x'qed tagħti fil-listing bħall-iktar kumditajiet imfittxija, il-faċilitajiet tal-aċċessibbiltà u kemm hu qrib il-postijiet ta' interess tal-post.
- Il-prezz totali li se jintalbu jħallsu l-klijenti, Żomm f'moħħok li t-tariffi kollha li beħsiebek iżżid, bħat-tariffi għall-pets, iżidu mal-prezz totali.
Ibda itlob prezz irħis sakemm tikseb l-ewwel klijenti u l-ewwel reviews għal-listing.
Kif iżżid l-iskontijiet
L-offerti u l-iskontijiet jistgħu jgħinuk ittejjeb il-post fejn jintwera l-listing tiegħek fir-riżultati tat-tiftix u tħajjar lill-klijenti jibbukkjaw il-listing tiegħek.
- Offerta ta' listing ġdid: Raħħas il-prezz b'20% għall-ewwel 3 bookings f'listing ġdid biex tkunlek eħfef tikseb l-ewwel klijenti u reviews għal-listing.
- Skont tal-aħħar minuta: Raħħas il-prezzijiet għall-bookings li jsiru bejn jum u tmienja u għoxrin jum qabel iċ-checkin biex jgħinuk timla l-iljieli battala fil-kalendarju tal-listing.
- Skontijiet għaż-żjarat ta' ġimgħa u ż-żjarat ta' xahar: L-iskontijiet għaż-żjarat itwal jistgħu jgħinuk timla l-kalendarju tal-listing tiegħek iktar malajr u tnaqqas id-drabi li jkollok tħejji l-post mill-ġdid għall-klijenti l-ġodda.
Il-prezz imraħħas tal-listing tiegħek se jintwera ħdejn il-prezz mhux imraħħas (li se jintwera maqtugħ).
Se tkun tista' tuża iktar għodod tal-prezzijiet wara li ttella' l-listing tiegħek. Tista' tuża l-għodod ta' Airbnb ta' sikwit biex tibdel il-prezzijiet li qed titlob ħalli tilħaq id-dħul meħtieġ iktar malajr.
L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.