Kif issimplifikajna kif jaħdmu t-tariffi tas-servizz
Qed nissimplifikaw l-istruttura tat-tariffi tagħna f'ċerti pajjiżi. Din se tagħmilha aktar faċli għalik biex tifhem x'qed jintlabu li jħallsu l-klijenti biex tkun tista' tagħżel il-prezzijiet kompetittivi. Sir af x’se jinbidel u kif tkompli tikseb l-istess ħlasijiet jekk tgħix ġewwa l-Perù, il-Korea t’Isfel, il-Ġermanja jew ir-Renju Unit.
Kif jaħdmu t-tariffi tas-servizzi
Bħalissa kemm il-hosts kif ukoll il-klijenti normalment iħallsu t-tariffi tas-servizz. Għalhekk, għalkemm int qed titlob prezz, il-klijenti qed jintalbu prezz ogħla li jiġbor fih it-tariffa tas-servizz tagħhom.
Ħafna hosts qalulna li dil-ħaġa tagħmilha diffiċli biex jifhmu l-prezzijiet. Ngħidu aħna, jekk titlob €100, wara li nżidu t-tariffa tal-klijenti, il-klijenti se jaraw €115 u wara li nnaqqsu t-tariffa tal-host, int se ddaħħal €97.*
Biex nissimplifikaw il-prezzijiet, qed ngħaqqdu ż-żewġ tariffi f'tariffa tas-servizz waħda ta' 15.5% imħallsa mill-hosts. Ngħidu aħna, jekk titlob €115, il-klijenti se jaraw €115 u wara li nnaqqsu t-tariffa waħda, int se ddaħħal €97.
Il-hosts li joqogħdu ġewwa l-Peru jew il-Korea t’Isfel se jaqilbu għat-tariffa tas-servizz waħda fil-25 ta’ Mejju. Il-hosts li joqogħdu ġewwa l-Ġermanja jew ir-Renju Unit se jibdew jużaw it-tariffa f’daqqa fit-22 ta’ Ġunju.
It-tariffa ta' 15.5% inħadmet skont il-medja tat-tariffi tas-servizz ta' Airbnb madwar id-dinja kollha.
Kif tirranġa l-prezzijiet tiegħek
Ħloqna għodda biex tgħinek tibdel il-prezzijiet tal-listings kollha tiegħek f'daqqa biex jagħmlu tajjeb għat-tariffa tas-servizz waħda.
Se jkollok tibdel il-prezzijiet tiegħek biex tkompli tirċievi l-istess ħlasijiet għal kull lejl. Skont l-eżempju ta' qabel, jekk tibdel il-prezz tal-listing minn €100 għal €115, xorta se ddaħħal €97 u l-klijenti xorta se jaraw €115.
It-tariffa tas-servizz waħda se tgħodd biss għall-bookings li saru wara li taqleb minn tariffa maqsuma għal tariffa waħda.
Jekk ma tagħmel xejn qabel id-data ta' skadenza, se jonqsu l-prezzijiet u l-ħlasijiet għal kull lejl. Ngħidu aħna, jekk tkompli titlob €100, wara li nnaqsulek it-tariffa ta' 15.5%, se ddaħħal €84.50 u l-klijenti se jaraw €100.
Mistoqsijiet u Tweġibiet dwar it-tariffa tas-servizz waħda
Sir af iktar dwar it-tariffi tas-servizzi ta' Airbnb u l-għodda tal-aġġustament tal-prezzijiet.
*Dawn huma biss eżempji u ma jqisux it-tariffi li l-hosts jagħżlu li jżidu jew it-taxxi.
Xi hosts iħallsu tariffi tas-servizz ogħla, fosthom dawk li għandhom listings ġewwa l-Brażil.
F'xi pajjiżi u reġjuni, it-taxxi diġà huma parti mill-prezz totali li nuru tal-listings. It-taxxi dejjem ikunu inklużi fil-prezz totali li jintwera lill-klijenti qabel ma jħallsu.
L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.