Kif jaħdmu l-prezzijiet fuq Airbnb

Fuq Airbnb hemm tliet tipi ta' prezzijiet: bażi, ta' tmiem il-ġimgħa u personalizzati. Il-prezzijiet jaħdmu flimkien biex jgħinu lil-listing tiegħek jispikka s-sena kollha u jgħinuk tilħaq l-għanijiet tad-dħul tiegħek.

Airbnb tagħti pariri tal-prezzijiet personalizzati għat-tliet tipi ta' prezzijiet. Jużaw fatturi bħall-post, il-kumditajiet, il-bookings li għamilt fl-imgħoddi u l-iġded prezzijiet fiż-żona tiegħek.

Il-prezz bażi li titlob huwa l-prezz standard għall-iljieli kollha miftuħa fuq il-kalendarju tal-listing tiegħek. Tagħżel dal-prezz l-ewwel darba minn Airbnb Setup u meta trid tista' tibdlu mis-settings tal-prezzijiet tal-listing tiegħek.

Taħt in-numru li ddaħħal se nuruk parir għall-prezz bażi bil-prezz issuġġerit. Jekk tixtieq tuża xi prezz ieħor, nissuġġerulek tibbilanċja n-nefqiet li għandek ma' dak li l-klijenti lesti jħallsu. Dawn xi ftit dettalji li għandek tqis.

• L-ispejjeż biex tilqa' n-nies: Qis il-flus li għandek tħallas lura lill-bank, il-kontijiet, iż-żamma tal-post u t-taxxi.
• Il-valur li tagħti: Qis x'jagħmel il-listing tiegħek speċjali billi ssemmi l-iktar kumditajiet imfittxija, il-faċilitajiet tal-aċċessibbiltà u kemm hu qrib il-postijiet ta' interess tal-post.
• Listings li jixbhu lil tiegħek: Uża dil-għodda tal-prezzijiet biex tqabbel il-prezz medju tal-listings ibbukkjati u mhux ibbukkjati fuq mappa li turi ż-żona tal-listing tiegħek. Mhux se nuruk il-listings li jixtiebhu jekk tuża l-Prezzijiet Intelliġenti.
• Il-prezz totali li se jintalbu jħallsu l-klijenti, It-tariffi kollha li beħsiebek iżżid, bħat-tariffi għall-pets, iżidu mal-prezz totali.

Ibda bi prezz bażi iktar baxx li jgħinek tħajjar lill-ewwel klijenti jibbukkjaw, tikseb l-ewwel reviews u toqrob lejn l-għanijiet tad-dħul tiegħek.

Tista' tgħolli l-prezz għal tmiem il-ġimgħa, jiġifieri nhar ta' Ġimgħa u nhar ta' Sibt. Meta l-prezzijiet ikunu jiddependu mil-lejl innifsu, tista' wkoll tikseb iktar bookings.

Taħt in-numru li ddaħħal se nuruk parir għall-prezz ta' tmiem il-ġimgħa li għandu żieda perċentwali fuq il-prezz bażi tal-listing tiegħek. Jekk ma tużax prezz għal tmiem il-ġimgħa, il-prezz bażi se jintuża għal kull jum tal-ġimgħa.

Tista' titlob prezz peronsalizzat għal liema lejl tixtieq. Għall-iljieli li tagħżel, dal-prezz personalizzat jieħu post il-prezz bażi jew il-prezz ta' tmiem il-ġimgħa.

Il-pariri għall-prezzijiet ta' kull lejl jintwerew taħt il-prezz personalizzat ta' kull jum tal-kalendarju tiegħek biex jgħinuk titlob prezz addattat għall-jiem, għaż-żmien tas-sena u għall-avvenimenti speċjali.

Jekk ma nurukx il-pariri tal-prezzijiet, dan jaf ikun minħabba:

• Il-faċilità Prezzijiet Intelliġenti mixgħula
• Il-prezz li qed titlob jinsab fil-firxa suġġerita
• L-iskontijiet u l-offerti li diġà qed toffri għal dawk l-iljieli
• M'għandniex biżżejjed dejta biex nagħtuk il-pariri tal-prezzijiet

Ixgħel il-Prezzijiet Intelliġenti jekk tixtieqna nibdlu l-prezz tal-listing tiegħek awtomatikament.

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.