Aġġornamenti biex jgħinuk tieħu ħsieb u tkabbar in-negozju tiegħek

Issa eħfef minn qatt qabel li tibqa' kompetittiv, tagħżel prezzijiet b'mod intelliġenti u tikkomunika b'mod effiċjenti permezz tal-aħħar aġġornamenti ta' Airbnb għall-għodod tal-ospitalità. Qed inħabbru wkoll faċilitajiet ġodda biex ngħinu lill-klijenti jsibu listings li wisq probabbli qatt ma kienu jsibu u biex nagħtuhom l-għażla li jibbukkjaw mingħajr ma jħallsu flus—mingħajr ebda spiża żejda għalik.* Dawn l-aġġornamenti se tibda tarahom fl-app minn issa u l-bqija se jkunu disponibbli fil-bidu tas-sena d-dieħla.

Dal-għodod jgħinuk iżżid id-dħul u tevita l-kanċellazzjonijiet tal-aħħar minuta.

Politiki ta' kanċellazzjoni li jinbidlu: Agħżel politiki ta' kanċellazzjoni differenti għal dati partikolari—bħal pereżempju għall-vaganzi jew għal żminijiet inqas popolari. Nissuġġerulek toffri politika ta' kanċellazzjoni iktar flessibbli matul ix-xhur li fihom il-listing tiegħek ma jkunx daqshekk popolari biex b'hekk tħajjar lill-klijenti jibbukkjawh, imma żomm il-politika standard tiegħek matul l-iktar żmien popolari.**

Pariri għall-prezzijiet imtejba: Ikseb suġġerimenti għall-prezzijiet sa sena bil-quddiem u applika s-suġġerimenti kollha b'għafsa waħda biss. Il-pariri għall-prezz iqisu l-karatteristiċi tad-dar tiegħek—inkluż il-post, il-kumditajiet u l-bookings li diġà ksibt—u l-prezzijiet li qed jintalbu għal listings oħra fiż-żona tiegħek.**

Ħarsa minn qabel lejn il-prezz tal-vjaġġ: Ara kemm se jħallsu l-klijenti u kemm tista' ddaħħal meta tibdel il-prezz ta' kull lejl għal lejl wieħed jew iktar.

Ikkomunika mal-klijenti billi tibgħat messaġġi bil-vidjow ġodda u suġġerimenti mingħand il-host.

Messaġġi bil-vidjow: Għin lill-klijenti jifhmu l-post tiegħek billi taqsam xi vidjows permezz tal-messaġġi. Tista' tibgħat filmat li juri l-propjetà lill-klijenti qabel iċ-checkin jew iżżid filmat li jispjega kif tuża l-BBQ mal-messaġġ ta' merħba.

Suġġerimenti tal-host: Ibgħat kartolina diġitali li tenfasizza l-gwida tal-ivvjaġġar tiegħek jew Esperjenza jew Servizz ta' Airbnb direttament fil-messaġġi tiegħek, bi ftit għafsiet biss. Tista' wkoll iżżid link għal esperjenza jew servizz u l-klijenti tiegħek se jintwerew kard bis-suġġeriment tiegħek.

Mis-sena d-dieħla 'l quddiem, id-dashboard tad-dħul se jkollu graffs ġodda li faċli biex taqrahom biex tifhem aħjar kif sejrin il-listings tiegħek.

Dashboard tad-dħul aġġornat: Ara t-tendenzi tad-dħul sena wara sena u qabbilhom mar-riżultati staġjonali f'tab kompletament ġdida. Ngħidu aħna, ara kif id-dħul li daħħalt f'Novembru li għadda jitqabbel mad-dħul li nistennew li ddaħħal f'Novembru li ġej.***

Żewġ bidliet fil-kalendarju biex ikunlek eħfef iżżomm kont tal-iskeda tiegħek.

Noti għall-iljieli mblukkati: Issa tista' żżid xi noti mal-iljieli mblukkati biex fil-ġejjieni tkun tista' tifhem għaliex imblukkajthom.

Displej iqsar tal-munita: Il-prezzijiet twal ta' kull lejl se jintwerew b'mod iqsar fuq il-kalendarju tiegħek. Ngħidu aħna, $35,103.42 peso Kolombjan se jintwerew bħala $35.1K.

Il-klijenti issa jistgħu jużaw iktar modi kif iħallsu u tfittxijiet iktar intelliġenti.

Ibbukkja Issa, Ħallas Iktar Tard: Il-klijenti għandhom l-għażla li jibbukkjaw żjara eliġibbli u ma jħallsux flus meta jibbukkjaw. Dil-ħaġa mhux se taffettwa l-ħinijiet tal-ħlasijiet tiegħek. Għażliet iktar flessibbli għall-klijenti jistgħu jwasslu wkoll għal iktar bookings għall-hosts. Iktar minn 60% tal-klijenti għażlu li jużaw dil-għażla ta' pagament meta jħallsu għall-bookings eliġibbli.****

Tiftix intelliġenti: Huma u jfittxu post fejn joqogħdu, il-klijenti se jintwerew iktar għażliet ta' postijiet li jixbhu lil dak li qed ifittxu. Pereżempju, se nuru djar bi prezzijiet simili jew b'kumditajiet differenti, jew postijiet fejn toqgħod fi bliet fil-qrib għal prezz irħas biex ngħinu lill-klijenti jsibu għażliet mill-aqwa li wisq probabbli qatt ma kienu jsibu.

Mapep imtejba: Il-mapep issa jħallu lill-klijenti jsibu punti ta' interess, attrazzjonijiet, ristoranti u ħafna iktar fil-qrib. Il-klijenti jistgħu jagħfsu fuq il-postijiet ewlenin biex isibu iktar dettalji dwarhom u jsibu kemm huma 'l bogħod mid-dar li qed jaraw jew li diġà bbukkjaw. Iktar tard dis-sena, il-klijenti se jkunu jistgħu jibdlu bejn dehriet tal-mappa differenti, fosthom dehriet bis-satellita, bit-toroq u bil-linji tat-trasport pubbliku, skont il-preferenzi tagħhom.

*Ibbukkja Issa, Ħallas Iktar Tard hija disponibbli għall-klijenti ġewwa l-Istati Uniti tal-Amerka u se tkun disponibbli għal ċerti klijenti madwar id-dinja mil-lum 'il quddiem. Mistennija tkun disponibbli għal iktar klijenti fil-bidu tas-sena d-dieħla. Il-bookings imħallsa bil-muniti Real Brażiljan (BRL), Rupee Indjan (INR) jew Lira Torka (TRY) mhux eliġibbli.

**Il-kanċellazzjoni dinamika u l-pariri għall-prezzijiet imtejba se jibdew jintużaw minn numru limitat ta' hosts minn Novembru 'l quddiem u mistennija jkunu disponibbli għal iktar nies fil-bidu tal-2026.

***It-tab il-ġdida tal-Prestazzjoni se tkun disponibbli għall-hosts fil-bidu tal-2026.

****Skont id-dejta interna ta' Airbnb bejn April u Ġunju tal-2025 minn provi ta' Ibbukkja Issa, Ħallas Iktar Tard ġewwa l-Istati Uniti tal-Amerka fl-ewwel nofs tas-sena.

Il-prezzijiet qed jintwerew bil-munita USD. L-esperjenza tal-utent jaf tvarja skont il-post fejn jinsab.

L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.