Naqqas ir-riskju tat-teħid tal-monossidu tal-karbonju bin-nifs għall-ispazju tiegħek
Jekk tieħu l-monossidu tal-karbonju (CO) bin-nifs, dan jista' jwassal għal avvelenament li jista' jwassal għal telf ta' ħajja. L-allarmi tal-monossidu tal-karbonju huma mfassla biex javżawk f'każ li l-livell tal-monossidu tal-karbonju fl-arja jkun għoli.
Aħna nħeġġu lill-Hosts kollha jifhmu r-riskji marbuta mat-teħid tal-monossidu tal-karbonju bin-nifs u biex iwaħħlu l-allarmi biex iżommu l-klijenti tagħhom siguri. Tista' titlob allarm wieħed mingħand Airbnb jekk għandek listing attiv.
X'inhu l-monossidu tal-karbonju?
Il-monossidu tal-karbonju huwa gass bla lewn u bla riħa. L-appliances tad-dar li jaħdmu bil-karburant, bħal pereżempju fran, cookers, gijżers u l-ġeneraturi li jistgħu jinġarru, jistgħu joħolqu l-monossidu tal-karbonju. Il-monossidu tal-karbonju jista' jiġi wkoll minn nirien tal-faħam u tal-injam.
Meta l-monossidu tal-karbonju jibda jinġema' fuq ġewwa jew fi spazji oħra magħluqa, dan isir velenuż għan-nies u għall-pets meta jittieħed man-nifs. Livelli għoljin ta' monossidu tal-karbonju jistgħu jwasslu għall-mewt. Il-monossidu tal-karbonju mhux l-istess bħad-dijossidu tal-karbonju (CO2), gass li jintuża fix-xarbiet bil-gass u fl-apparat għat-tifi tan-nar.
Għaliex għandek twaħħal l-allarmi tal-monossidu tal-karbonju
M'hemm l-ebda mod kif tkun taf hemmx monossidu tal-karbonju fil-post tiegħek sakemm ma jkollokx allarm apposta. Waħħal mill-inqas allarm tal-monossidu tal-karbonju wieħed biex il-klijenti u oħrajn, fosthom int u familtek, ikunu jafu jekk hemmx livelli mhux siguri tal-monossidu tal-karbonju fl-arja.
Għalkemm l-allarmi tad-duħħan komuni ma jgħarfux il-monossidu tal-karbonju, tagħmir li jkun kapaċi jagħraf id-duħħan u l-monossidu tal-karbonju jista' jkun ta' siwi kbir. Aqra t-tikketta tal-manifattur bir-reqqa int u tagħżel it-tagħmir tiegħek.
L-ispazju tiegħek jaf ikollu l-monossidu tal-karbonju jekk għandu mill-inqas waħda minn dawk il-faċilitajiet jew kumditajiet li ġejjin:
Appliances tad-dar li jaħdmu bil-faħam, bil-petrol, bil-pitrolju, bil-metan, bil-gass naturali, biż-żejt, bil-propan jew bil-ħatab
Garaxx li jagħmel mad-dar, anki jekk id-dar tiegħek għandha biss appliances li jaħdmu bl-elettriku
Ġeneratur li jintuża qrib il-bibien jew it-twieqi
BBQ tal-gass jew tal-faħam li jintuża qrib il-bibien jew it-twieqi
Fіrерlасе
L-esperti bħal pereżempju l-Іntеrnаtіоnаl Аѕѕосіаtіоn оf Fіrе Сhіеfѕ jissuġġerixxu li twaħħal allarm tal-monossidu tal-karbonju f'kull sular tal-ispazju tiegħek.
Kif tista' tgħin biex ma tiħux il-monossidu tal-karbonju bin-nifs
L-International Association of Fire Chiefs tissuġġerixxi li tagħmel ukoll dawn li ġejjin biex tevita li tieħu l-monossidu tal-karbonju man-nifs:
Ipprova l-allarmi tiegħek darba fix-xahar biex tikkonferma li jaħdmu. Fil-biċċa l-kbira tad-drabi, il-batteriji se jkollok tibidilhom biss darba fis-sena, darba kull ħames snin jew darba kull 10 snin. Fittex id-data tal-manifattur fuq wara tal-allarm u fl-istruzzjonijiet tat-tagħmir biex tifhem aħjar kif għandek tħaddmu.
Ara li twaħħal it-tagħmir tiegħek skont ir-regolamenti tal-postu l-istruzzjonijiet tal-manifattur. Il-biċċa l-kbira tal-appliances li jaħdmu bil-karburant għandhom jitwaħħlu minn nies professjonisti.
Naddaf u ċċekkja ta' sikwit l-apparat li jaħraq il-karburant. Il-fran, il-cookers, id-dryers u ċ-ċmieni jew ir-rwieħi jeħtieġu xogħol ta' żamma ta' sikwit. Dil-ħaġa tgħin tiżgura li qed jaħdmu kif suppost, li għandhom biżżejjed arja u li mhux imxaqqa, imsadda jew imtebba'.
Iċċekkja l-pajpijiet u l-fetħiet tal-arja tal-appliances ta' sikwit biex tara li jkunu miftuħa u li ma jkun hemm xejn jimblukkahom (appliances bħal gijżers, ċmieni tal-kċina u tan-nixxiefa tal-ħwejjeġ).
Iftaħ iċ-ċumnija jew ir-rewwieħa kollha int u tuża fireplace jew xi forma oħra ta' tisħin li taħdem bil-ħatab jew bil-gerbub. Tagħlaqhomx sakemm in-nar ma jkunx intefa kollu.
Agħti istruzzjonijiet ċari lill-klijenti. Agħti informazzjoni dettaljata fl-istruzzjonijiet tad-dar tiegħek dwar kif jistgħu jużaw l-appliances u l-kumditajiet l-oħra tal-ispazju tiegħek mingħajr periklu. Ħalli kopja tal-istruzzjonijiet f'post fejn il-klijenti jsibuha malajr, bħal pereżempju fuq mejda ewlenija jew fuq il-bank tal-kċina.
Ħalli lill-klijenti n-numri tal-emerġenza għad-dipartiment tat-tifi tan-nar, għall-pulizija u għall-isptarijiet fil-qrib.
Kif tibdel il-listing tiegħek
Jekk il-listing tiegħek jgħid li għandek l-allarmi tal-monossidu tal-karbonju, tkun qed turi lill-klijenti li jimpurtak minnhom. Żid id-dettalji dwar l-allarmi li waħħalt fit-taqsima tat-tagħmir tas-sigurtà tal-listing tiegħek. L-informazzjoni li tagħti se tintwera fuq il-paġna tal-listing tiegħek u fl-emails li jintbagħtu lill-klijenti qabel iċ-checkin.
Il-klijenti li jkunu qed ifittxu fuq Airbnb jistgħu wkoll jiffiltraw ir-riżultati biex jintwerew biss listings bl-allarmi tal-monossidu tal-karbonju. Meta twaħħal l-allarmi tal-monossidu tal-karbonju u tibdel il-listing tiegħek biex turi li għamilt hekk mhux biss se jgħinuk ittejjeb is-sigurtà imma jistgħu jgħinu l-listing tiegħek jikseb iktar bookings.
Dal-artiklu ma joffrix l-informazzjoni kollha meħtieġa u jagħti biss linji gwida ġenerali marbuta mas-sigurtà. Jekk jogħġbok qis il-karatteristiċi uniċi tal-propjetà tiegħek, ara xi jgħidu l-liġijiet tal-post u itlob parir mingħand l-esperti ta' kontra n-nirien.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġie ppubblikat.