X'għandek tkun taf meta tiġi biex tilqa' l-familji

Billi ħafna uffiċċji, skejjel u ċentri għall-kura tat-tfal madwar id-dinja bħalissa jinsabu magħluqa, il-ġenituri għandhom iktar flessibbiltà dwar fejn jgħixu u jaħdmu. Ħafna minnhom jixtiequ jivvjaġġaw iktar ta' sikwit—uħud saħansitra jixtiequ jmorru jgħixu f'post ġdid għal ftit żmien—biex igawdu l-beraħ u postijiet b'iktar spazju.

Għalkemm nifhmu li ċerti postijiet mhux addattati għat-tfal, dan huwa dak li għandek tkun taf jekk tista' tilqa' t-tfal fl-ispazju tiegħek.

Jekk ma tafx għandekx tilqa' l-klijenti bit-tfal fl-ispazju tiegħek, hemm numru ta' affarijiet li tista' tagħmel biex isserraħ ftit iktar moħħok.

Avża lill-klijenti minn qabel dwar dak li jistgħu—u dak li ma jistgħux—isibu fl-ispazju tiegħek.

Għin lill-ġenituri jippakkjaw dak li jeħtieġu billi ssemmi l-kumditajiet tajbin għall-familji kollha li diġà qed toffri. Tista' wkoll iżżid xi suġġerimenti fil-gwida tal-ivvjaġġar tiegħek dwar minn fejn jistgħu jixtru l-prodotti li jeħtieġu.

Biex ngħinuk taddatta biex tibda tilqa' l-familji, dawn huma xi pariri fuq kif tista' maż-żmien tħejji l-ispazju tiegħek:

• Agħżel għamara sigura u b'saħħitha u jekk tista' evita l-ħġieġ
• Ħaffef il-proċess tat-tindif billi tevita l-imbarazz u t-tiżjin żejjed
• Mexxi l-oġġetti li jistgħu jinkisru malajr jew li jaqtgħu f'post fejn ma jintlaħqux mit-tfal
• Evita t-tkissir tal-platti billi tqiegħed platti u tazzi tal-plastik li jistgħu jerġgħu jintużaw fil-kċina tiegħek
• Nissuġġerulek twaħħal ganġetta jew ganċ kalamita mal-cupboards u għata apposta li jħarsu s-sockets tal-elettriku
• Agħżel drappijiet b'materjal li jiflaħ u li tista' tnaddfu malajr—bħal, ngħidu aħna, il-materjal li jintuża għall-cushions ta' barra
• Għatti l-art tal-injam b'tapiti li jistgħu jinħaslu

Ħu l-prekawzjonijiet bażiċi tas-sigurtà biex tgħin tħares lill-klijenti tiegħek u lil darek.

• Serraħ moħħ kulħadd billi twaħħal allarm tad-duħħan, allarm tal-monossidu tal-karbonju u apparat għat-tifi tan-nar qrib il-post fejn issajjar fil-kċina
• Tinsiex timmarka dal-kumditajiet fuq il-listing tiegħek u tinsiex anqas tibdel il-batteriji ta' sikwit
• Ħalli n-numri tal-emerġenza tal-post fl-informazzjoni dwar id-dar u kartolina bil-punti ewlenin għall-klijenti

Nissuġġerulek iżżid tariffa għat-tindif.
Ħafna Hosts jitolbu tariffa żgħira għat-tindif biex tagħmel tajjeb għan-nefqa tal-prodotti jew għal servizz tat-tindif professjonali. Hawn għandek iktar informazzjoni fuq kif tiġbor tariffa għat-tindif f'każ li bħalissa mhux qed tiġborha.

Kun af x'għandek tagħmel f'każ li tinqala' problema.
Int kemm int preparat, l-inċidenti xorta jseħħu—imma hemm modi ta' kif tista' tħares lilek innifsek meta tilqa' n-nies fuq Airbnb.

• Itlob il-flus miċ-Ċentru tar-Riżoluzzjonijiet: Tista' tuża ċ-Ċentru tar-Riżoluzzjonijiet f'każ li ssib xi affarijiet neqsin jew affarijiet bil-ħsara, f'każ ta' servizzi żejda li tkun offrejt u f'każ ta' problemi mhux marbuta mal-vjaġġ—bħal, ngħidu aħna, jekk il-klijent tiliflek iċ-ċavetta tad-dar. Tista' wkoll tibgħat il-flus lil klijent biex tagħmel tajjeb għal problemi bħal jekk, ngħidu aħna, l-ispazju tiegħek ma kienx lest għall-klijent fil-ħin taċ-checkin.
• Skopri AirCover għall-Hosts: AirCover għall-Hosts jinkludi l-Ħarsien mill-ħsara għall-Hosts u l-Assigurazzjoni għar-responsabbiltà tal-Hosts. Inkluż dejjem u bla ħlas.
  

Jekk tixtieq tikseb il-bookings tal-klijenti li qed jivvjaġġaw mal-familja, hemm ftit bidliet li tista' tagħmel li kapaċi jgħinuk tispikka bħala l-Host ideali. Ħejji ruħek biex toffri l-iktar affarijiet mitluba bħal xugamani jew lożor żejda biex tgħin lill-familja tħossha iktar komda. Ma tagħmilx ħażin li tħalli iktar toilet paper u prodotti għat-tisjir bħal melħ, bżar iswed u oġġetti essenzjali għat-tisjir oħra.

Ikseb iktar ideat mingħand Elsie, Host ġewwa Nashville, Tennessee, li qasmet magħna kif toħloq spazju addattat għall-familji:

Parir: Tinkwetax li qed tħalli wisq prodotti għat-tindif—l-iktar fejn jidħlu xugamani tal-karti, wipes li jiddiżinfettaw u prodotti li jneħħu t-tbajja'—speċjalment fil-każ ta' żjarat fit-tul.

Wara li tkun lestejt dak kollu li għandek tagħmel biex tħejji l-ispazju tiegħek għall-familji, ikun wasal iż-żmien li tagħti l-aħjar stampa tal-listing billi taġġorna d-dettalji u l-kumditajiet tal-listing tiegħek.

• Isem u deskrizzjoni tal-listing aġġornati jistgħu jgħinuk tħajjar lit-tip ta' vjaġġaturi li tixtieq—u jgħinuk biex kulħadd ikun jaf x'għandu jistenna
• Il-klijenti li beħsiebhom jivvjaġġaw bit-tfal jistgħu jużaw il-filtri tat-tiftix biex isibu l-postijiet addattati għalihom—għalhekk importanti li taġġorna l-lista tal-kumditajiet tal-listing tiegħek. (Jekk għandek iktar minn listing wieħed tista' tuża l-paġna tal-Listings biex taġġorna l-kumditajiet tal-listings kollha minn post wieħed.) Benniena u siġġu għoli huma kumditajiet li l-klijenti li qed jivvjaġġaw bit-trabi ma jistgħux jgħaddu mingħajrhom.
• Semmi l-kumditajiet bħall-arja kkundizzjonata, l-magna tal-ħasil/dryer u l-kċina jekk jinsabu fl-ispazju tiegħek
• Jekk fl-ispazju tiegħek hemm magna tal-ħasil, semmi jekk hux se tħalli sapun għall-ħasil tal-ħwejjeġ għall-klijenti u jekk għandhomx iħallsu xi ħaġa iktar biex jużaw il-magna tal-ħasil
• Banju jagħmilha eħfef li taħsel lit-tfal—tinsiex issemmi l-banju jekk hemm wieħed fl-ispazju tiegħek, u tella' ritratt tiegħu fil-gallerija tar-ritratti tal-listing tiegħek
• Ara li r-ritratti li tellajt qed jagħtu stampa li taqbel mad-deskrizzjoni tal-listing. Agħti ħarsa lejn it-taħriġ pass pass fuq kif tieħu r-ritratti tagħna biex issir taf kif turi li toffri dak kollu li jistgħu jeħtieġu l-klijenti matul daż-żmien.

Għalkemm nifhmu li biex tħejji l-ispazju tiegħek għall-familji bit-tfal jieħu x-xogħol, il-fatt li żżid dal-kumditajiet huwa mod tajjeb ħafna biex tgħin lill-klijenti tiegħek kollha jħossuhom iktar komdi.

Il-programmi Ħarsien mill-ħsara għall-Hosts, Assigurazzjoni għar-Responsabbiltà tal-Hosts u Assigurazzjoni għar-Responsabbiltà tal-Esperjenzi ta' AirCover għall-Hosts la jgħoddu għall-Hosts li jiksbu l-bookings mingħand Airbnb Travel LLC u lanqas għall-Hosts tal-postijiet fejn toqgħod jew għall-Organizzaturi tal-Esperjenzi ġewwa l-Ġappun għax dawn tal-aħħar imħarsa mill-Assigurazzjoni tal-Hosts tal-Ġappun u l-Assigurazzjoni għar-Responsabbiltà tal-Esperjenzi tal-Ġappun. Il-Hosts u l-Organizzaturi li joffru l-postijiet fejn toqgħod u l-esperjenzi ġewwa ċ-Ċina kontinentali huma mħarsa mill-Polza għall-Ħarsien tal-Hosts ġewwa ċ-Ċina. Żomm f'moħħok li l-limiti tal-ħarsien qed jintwerew kollha bil-munita USD.

L-Assigurazzjoni għar-responsabbiltà tal-Hosts u l-Assigurazzjoni għar-responsabbiltà tal-esperjenzi huma sottoskritti minn kumpaniji tal-assigurazzjoni li ma jagħmlux parti minn Airbnb. Jekk qed tilqa' n-nies jew torganizza l-Esperjenzi ġewwa r-Renju Unit, il-poloz tal-Assigurazzjoni għar-responsabbiltà tal-Hosts u l-Assigurazzjoni għar-responsabbiltà tal-Esperjenzi huma sottoskritti minn Zurich Insurance Company Limited u jiġu organizzati u jinħarġu bla ħlas żejjed għall-Hosts tar-Renju Unit minn Airbnb UK Services Limited—rappreżentanta awtorizzata ta' Aon UK Limited, li hija awtorizzata u regolata mill-Awtorità tal-Kondotta Finanzjarja. In-numru tar-reġistru tal-Awtorità tal-Kondotta Finanzjarja (FCA) ta' Aon huwa 310451. Tista' tikkonfermah billi żżur is-sit tar-Reġistru tas-Servizzi Finanzjarji jew billi żżur is-sit tal-FCA jew tikkuntattja lill-FCA fuq +44 0800 111 6768. Il-politiki tar-Responsabbiltà għall-Hosts u tar-Responsabbiltà għall-Organizzaturi tal-esperjenzi ta' AirCover għall-Hosts huma regolati mill-Awtorità tal-Kondotta Finanzjarja. Il-bqija tal-prodotti u s-servizzi li toffri Airbnb UK Services Limited mhumiex regolati. FPAFF610LC

Il-programm Ħarsien mill-ħsara għall-Hosts la huwa assigurazzjoni u lanqas mhu marbut mal-Assigurazzjoni għar-responsabbiltà tal-Hosts. Grazzi għall-programm Ħarsien mill-ħsara għall-Hosts, jekk il-klijenti jagħmlu xi ħsarat fil-propjetà tiegħek jew fi ħwejġek u ma jħallsukx għalihom, tista' tikseb kumpens għal dik il-ħsara. Għal-listings ġewwa l-Istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Il-Hosts u l-Organizzaturi li joqogħdu jew huma bbażati barra l-Awstralja jaqgħu taħt dawn ir-Regoli għal Ħarsien mill-Ħsara għall-Hosts. Għall-Hosts u l-Organizzaturi li joqogħdu jew huma bbażati ġewwa l-Awstralja, Ħarsien mill-ħsara għall-Hosts jaqa' taħt ir-Regoli għal Ħarsien mill-Ħsara għall-Hosts għall-Utenti Awstraljani.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.