L-importanza tar-reviews
Ir-reviews u r-ratings jgħinu lill-klijenti jagħżlu fejn jixtiequ jibbukkjaw. Id-dejta ta' Airbnb turi li hemm ċans ikbar li klijent jibbukkja post jekk ikollu ratings bl-istilel ogħla.*
Kif jaħdmu r-reviews
Wara kull checkout, il-Hosts u l-klijenti jkollhom l-opportunità li jiktbu review dwar xulxin. Il-Host u l-klijent ikollhom 14-il jum ċans mid-data taċ-checkout biex jiktbu review, li tibqa' moħbija sakemm it-tnejn jibagħtu r-reviews tagħhom jew sakemm jgħaddu l-14-il jum ċans biex jinkitbu r-reviews. Wara li jiġri hekk, ir-reviews jiġu ppubblikati fuq il-profil tal-klijent u fuq il-paġni tal-listing u tal-profil tal-Host.
Ratings bl-istilel ġenerali
Minbarra li jistgħu jiktbulek review, il-klijenti jistgħu jagħtu rating għall-esperjenza ġenerali fuq skala ta' bejn stilla u ħames stilel. Ir-rating bl-istilel jintwera ħdejn kull review biex min qed jaqra l-kummenti u l-ħsibijiet tal-klijenti jkollu stampa iktar ċara. Wara li tliet klijenti jkunu ppubblikaw ir-review tagħhom, ir-rating ġenerali tiegħek se jibda jintwera fuq il-listing.
Ir-ratings bl-istilel huma importanti biex tikseb l-istatus ta' Superhost. Is-Superhosts mistennija jkollhom rating ġenerali medju ta' mill-inqas 4.8 stilel, miksub għal 10 bookings jew mill-inqas tliet bookings li bejniethom jgħoddu mill-inqas 100 lejl.
Ir-ratings u r-reviews li tikseb huma importanti wkoll meta nqisu jekk listing għandux jiżdied mal-Favoriti tal-Klijenti, ġabra ta' listings li tinbidel kuljum.
Kategoriji ta' ratings bl-istilel
Il-klijenti jintalbu jagħtu rating bl-istilel għal kategoriji partikolari u jintalbu jgħidu x'kien tajjeb u x'seta' mar aħjar. Ngħidu aħna, jekk il-post tiegħek huwa nadif tazza, klijent jista' jagħtik ħames stilel u jagħżel "kamra tal-banju nadifa tazza". Inkella jaf tikseb inqas stilel b'rabta mal-komunikazzjoni jekk klijent jaħseb li l-istruzzjonijiet taċ-checkout li tajtu kienu esaġerati.
Ir-ratings bl-istilel tal-kategoriji ma jaffettwawx l-istatus ta' Superhost jew ir-rating ġenerali tiegħek imma jitqiesu għall-Favoriti tal-Klijenti. Dawn il-kategoriji huma:
Checkin: Il-klijenti jagħżlu jekk tajtx istruzzjonijiet ċari u ħlief għall-proċess taċ-checkin, xi ħaġa importanti ħafna għal esperjenza tajba għall-klijenti.
Indafa: Il-klijenti jistennew li jsibu spazju nadif u organizzat, l-istess bħalma ntwerew fir-ritratti tal-listing tiegħek.
Preċiżjoni: Il-klijenti jistgħu jagħtu l-opinjoni tagħhom dwar id-dettalji tal-listing, fosthom jekk il-lista tal-kumditajiet kinitx eżatta.
Komunikazzjoni: Il-klijenti jagħtu punteġġ dwar l-esperjenza tagħhom huma u jikkomunikaw mal-Hosts, fosthom jekk il-biċċiet tax-xogħol li kienu mistennija jagħmlu għaċ-checkout kinux ċari u ħfief.
Post: Il-klijenti jistgħu jgħidu x'jaħsbu dwar jekk il-post fejn jinsab il-listing kienx jaqbel ma' dak li ktibt fid-deskrizzjoni tal-listing.
Valur: Il-klijenti se jagħtu punteġġ dwar kif iqisu r-rabta bejn il-prezz li tlabt u l-kwalità tal-offerta tiegħek.
Kummenti u ħsibijiet privati
Il-klijenti jistgħu jibagħtulek messaġġ privat bil-kummenti u l-ħsibijiet tagħhom. Dil-informazzjoni tinqasam miegħek biss. Din tkun opportunità għall-klijenti biex jaqsmu l-ħsibijiet tagħhom miegħek mingħajr ma jaffettwaw ir-rating jew ir-review tiegħek. Tista' tibgħat messaġġ privat lill-klijenti int ukoll.
Kif tuża l-ħsibijiet u l-kummenti biex ittejjeb il-listing tiegħek
Il-klijenti jistgħu jagħtuk perspettivi li kieku ma kontx tqishom. Nissuġġerulek li tqis ir-reviews ħżiena bħala opportunitajiet biex ittejjeb il-post jew il-livell ta' ospitalità li toffri.
Dejjem se tkun tista' twieġeb għar-reviews pubblikament fuq il-listing tiegħek. Meta tagħti tweġiba kostruttiva, tkun qed turi li tieħu l-kummenti, il-ħsibijiet u s-sodisfazzjon tal-klijenti bis-serjetà.
Kif tikteb ir-reviews għall-klijenti
Ir-review li tikteb lill-klijenti tiegħek hija opportunità biex turi l-gratitudni tiegħek u toffri kummenti u ħsibijiet siewja. Dil-ħaġa tfakkar lill-klijenti biex jiktbu review għalik ukoll.
Dawn huma xi pariri li għandek iżżomm f'moħħok int u tikteb review dwar il-klijenti:
Uri rispett.
Meta tkun tista' agħti eżempji partikolari bħal: "Dal-klijent m'għamilx storbju fis-sigħat kwieti u mexa tajjeb ħafna mal-istruzzjonijiet taċ-checkout".
Uri tjubija int u titkellem fuq kwistjonijiet sensittivi, jew issemmihomx f'review pubblika.
*Skont id-dejta interna li Airbnb ġabret sa Novembru tal-2022 dwar il-listings attivi.
L‐іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.