L-importanza tar-reviews
Ir-reviews u r-ratings jgħinu lill-klijenti jifhmu jekk il-post tiegħek hux addattat għalihom. Reviews u ratings aqwa jistgħu jwasslu għal iktar bookings u dħul ikbar.
Kif jaħdmu r-reviews
Wara ċ-checkout, int u l-klijent li bbukkja ż-żjara se jkollkom 14-il jum ċans biex tiktbu review dwar xulxin. Ir-reviews jiġu ppubblikati wara li kemm il-hosts kif ukoll il-klijenti jkunu kitbu r-review tagħhom, jew wara li jgħaddi ż-żmien ta' 14-il jum għar-reviews, skont liema minnhom tiġi l-ewwel.
Il-klijenti jistgħu jaqsmu l-kummenti u l-ħsibijiet tagħhom:
- B'review pubblika. Ir-review tagħhom tintwera fuq il-listing u l-profil tiegħek. Jekk twieġeb review pubblika, it-tweġiba tiegħek se tintwera taħt ir-review.
- B’nota lill-host. Din-nota tistgħu tarawha int u Airbnb biss. Flimkien mar-reviews, in-noti jistgħu jgħinu lil Airbnb ittejjeb ir-riżultati tat-tiftix u tidentifika postijiet fejn toqgħod li jogħġbu lill-klijenti.
L-iktar reviews rilevanti se jintwerew l-ewwel awtomatikament. Il-klijenti jistgħu wkoll ifittxu r-reviews u jitolbu li jintwerew skont l-iktar riċenti, dawk bl-ogħla rating u dawk bl-inqas rating.
Qis il-kummenti u l-ħsibijiet tal-klijenti bħala opportunità biex ittejjeb dak li toffri. Aqra kull review u wieġeb b'mod li turi li qed tieħu dawk il-kummenti u l-ħsibijiet bis-serjetà.
Kif jaħdmu r-ratings bl-istilel
Il-klijenti jintalbu jagħtu rating ta' bejn stilla u 5 stilel għall-esperjenza b'mod ġenerali u 6 kategoriji oħra. L-esperjenza ġenerali mhix medja tal-kategoriji l-oħra.
Il-kategoriji huma:
- Checkin. Kemm kienet faċli għalihom biex isibu l-post u jidħlu ġewwa?
- Indafa. Kemm sar tajjeb it-tindif qabel il-wasla tal-klijenti?
- Preċiżjoni. Il-post kien kif kien qed jistennew li jsibu, skont id-deskrizzjoni tal-listing?
- Komunikazzjoni. Mill-booking saċ-checkout, il-host ikkomunika tajjeb?
- Post fejn jinsab il-listing. Іl‐klіјеntі kіеnu kuntеntі bіl‐vіċіnаt u ż‐żоnа tаl‐mаdwаr?
- Valur. Х'vаlur għаll‐fluѕ tа l‐роѕt tіеgħеk?
Ir-rating ġenerali bl-istilel ta' kull klijent jintwera ħdejn ir-review tiegħu. Wara li tkun ksibt ir-rating ta' 3 klijenti, il-medja ġenerali tar-rating bl-istilel tintwera fir-riżultati tat-tiftix u fuq il-listing tiegħek.
Ir-ratings jgħinu lil Airbnb tifhem min huma u tagħraf l-aqwa hosts u listings, fosthom dawk għall-programm Superhost u għall-Favoriti tal-Klijenti.
Is-Superhosts huma hosts premjati għall-ħidma ta' ospitalità mill-aqwa li wettqu. Is-Superhosts mistennija jkollhom rating ġenerali b'medja ta' mill-inqas 4.8 stilel u li jżommu ma' ċerti standards oħra.
Il-Favoriti tal-Klijenti huma ġabra tal-iktar postijiet fejn toqgħod maħbuba mill-klijenti ta' Airbnb. Biex nifhmu liema huma l-Favoriti tal-Klijenti, inqisu għadd ta' affarijiet fosthom ir-reviews eċċellenti miksuba u r-ratings b'medja ta' mill-inqas 4.9 flimkien ma' punteġġ għoli għal kull waħda mis-sitt kategoriji.Kif tikteb ir-reviews għall-klijenti
Meta tikteb review dwar il-klijenti, tkun qed tfakkarhom jiktbu review dwarek ukoll. Ir-reviews li tikteb jintwerew fuq il-paġni tal-profil tal-klijent li bbukkja u tal-klijenti li aċċettaw l-istedina biex jingħaqdu ma' dak il-booking. Tinsiex:
- Trodd ħajr. Tista' anki tkun: "Grazzi talli għażilt il-post tiegħi!"
- Tagħti d-dettalji. Tista' tikteb xi ħaġa bħal: "Dal-klijent mexa mal-istruzzjonijiet taċ-checkout kollha."
- Tikteb bil-qies. Jekk kien hemm xi problema privata, aħjar issemmiha f'messaġġ direttament lill-utent.
Se nitolbuk tagħti punteġġ lill-klijenti fuq l-indafa, il-komunikazzjoni u fuq kemm imxew mar-regoli tad-dar. Il-kummenti u l-ħsibijiet tiegħek jgħinuna biex niżguraw li l-klijenti qed jimxu mar-regoli bażi għall-klijenti fejn nitolbu lill-klijenti jieħdu ħsieb il-post tiegħek daqslikieku kien tagħhom u biex jimxu mar-regoli tad-dar tiegħek.
L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.