Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

Kif tikteb deskrizzjoni tal-listing tajba

Għin lill-klijenti jimmaġinaw lilhom infushom fl-ispazju tiegħek.
Minn Airbnb f'did-data: 18 ta’ Nov 2020
2 minuti biex taqrah
Aġġornat f'did-data: 28 ta’ Nov 2023

Wieħed mill-aħjar modi kif tgħin lill-klijenti jifhmu x'għandhom jistennew mill-post tiegħek u biex tħajjarhom jibbukkjawh huwa li tikteb deskrizzjoni dettaljata. Għarraf lill-klijenti dak li se jsibu mal-wasla tagħhom.

Ikteb id-deskrizzjoni tal-listing tiegħek

Għandna iktar minn 7 miljun post fejn toqgħod fuq Airbnb. Uża t-taqsima Deskrizzjoni tal-listing biex turi x'jagħmel il-listing tiegħek speċjali.

  • Ittawwalx żejjed. Ħafna drabi l-klijenti jagħtu biss ħarsa fuq fuq lejn il-faċilitajiet ewlenin tal-listing. Semmi biss l-iktar ħwejjeġ importanti u evita li tagħti informazzjoni doppja li diġà qed tingħata fi mkejjen oħra tal-listing tiegħek, bħal ngħidu aħna l-lista tal-kumditajiet kollha li hemm fil-post.
  • Agħti l-istorja tal-ispazju tiegħek. Iddeskrivi l-esperjenza preċiża li se tkun qed tagħti lill-klijenti. Kamra sempliċi fiċ-ċentru tal-belt tista' ssir "il-bażi ideali biex tiskopri l-belt". Appartament fis-sular ta' fuq nett imdawwar bis-siġar jista' "jinħass qisu treehouse".

  • Agħti importanza lill-faċilitajiet speċjali. Semmi għaliex il-post tiegħek huwa speċjali billi tiffoka fuq l-iktar kumditajiet imfittxija mill-klijenti. Aqra d-deskrizzjonijiet u r-reviews ta' listings oħra biex tifhem x'għandek tikteb u ssir taf ix-xorta ta' informazzjoni mfittxija mill-klijenti.

  • Tesaġerax. Tesaġerax int u tiddeskrivi l-post tiegħek għax il-klijenti jafu jisfaw diżappuntati u jħallulek reviews ħżiena. Semmi mill-ewwel dak kollu li jista' joħloq xi forma ta' problema għal xi klijenti fil-propjetà tiegħek, bħal ngħidu aħna nies b'diżabbiltà jew tfal.

Imla t-taqsimiet l-oħra kollha

Uża l-bqija tat-taqsimiet biex tgħin lill-klijenti jifhmu kif se jħossuhom meta jkunu fl-ispazju tiegħek.

  • Il-propjetà tiegħek. Ikteb deskrizzjoni ġenerali tal-kmamar u l-ispazji tal-listing u agħti dettalji interessanti u siewja ta' dak li taħseb li l-klijenti jkunu jixtiequ jkunu jafu. Ngħidu aħna, "Parti mill-bitħa magħluqa b'xatba biex it-tfal u l-pets ikollhom fejn jilagħbu".
  • Aċċess mill-klijenti. Għarraf lill-klijenti dwar liema partijiet tal-ispazju tiegħek se jkunu jistgħu jużaw. Ngħidu aħna, "Il-klijenti jistgħu jużaw terrazzin maqsum mad-dar ewlenija".
  • Imġiba mal-klijenti. Agħżel kif tixtieq iġġib ruħek mal-klijenti biex ikunu jafu x'għandhom jistennew mingħandek. Tista' tagħżel li tqatta' l-ħin magħhom jew anki li tikkomunika magħhom biss bl-app.
  • Dettalji oħra li għandhom ikunu jafu. Semmi kull ħaġa oħra li tixtieq lill-klijenti jkunu jafu u li ma taqa' taħt l-ebda taqsima oħra. Ngħidu aħna, "Id-dar tinsab 10 minuti mixi 'l bogħod mill-qalba tal-belt".

L‐іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.

Airbnb
18 ta’ Nov 2020
Dan kien ta' għajnuna għalik?