Kif tuża t-tweġibiet ta' malajr biex tiffranka l-ħin

Il-maġġornza tal-klijenti li jibbukkjaw is-Servizzi ta' Airbnb l-ewwel jibagħtu messaġġ lill-host. Grazzi għat-tweġibiet ta' malajr fit-tab tal-Messaġġi, tista' twieġeb il-mistoqsijiet komuni, tħeġġeġ lill-klijenti jibbukkjaw u tikkomunika magħhom minnufih.

Tweġiba ta' malajr hija messaġġ qasir miktub minn qabel li tiġi ssejvjata bħala mudell fis-settings tal-messaġġi tiegħek.

L-ispazji riservati għad-dettalji, bħal isem il-klijent, jippersonalizzaw kull messaġġ billi jiġbdu d-dejta mil-listing jew mill-booking tiegħek.

Tista' toħloq it-tweġibiet ta' malajr tiegħek u tuża l-mudelli ta' Airbnb għall-hosts tas-servizzi. Ngħidu aħna, jekk il-klijenti jistaqsu ta' spiss l-istess mistoqsijiet dwar il-post tiegħek qabel ma jibbukkjaw, tista' tiffranka l-ħin billi toħloq tweġiba ta' malajr bit-tweġiba li ssoltu tiktbilhom.

Ikkunsidra li tibgħat tweġibiet ta' malajr waqt li tkun qed tiċċettja mal-mistednin u saħansitra tiskedahom biex jintbagħtu awtomatikament fil-mumenti x-xierqa.

Biex tibgħat minnufih tweġiba ta' malajr lil klijent:

• Mur fit-tab tal-Messaġġi.
• Agħżel it-taħdita li tixtieq twieġeb għaliha.
• Agħfas fuq is-simbolu taż-żieda (+) minn Ikteb messaġġ.
• Agħżel Ibgħat tweġiba ta' malajr.
• Agħżel tweġiba ta' malajr li tidher fit-taħdita tiegħek.
• Editja l-messaġġ jew ibagħtu kif inhu.
• Agħfas il-vleġġa (↑) biex tibgħat il-messaġġ.

It-tab tal-Messaġġi toffri wkoll tweġibiet suġġeriti. Din il-karatteristika tuża l-IA biex tifhem l-mistoqsija tal-klijent tiegħek u tirrakkomanda waħda mit-tweġibiet ta' malajr tiegħek. It-tweġiba suġġerita tintwera fit-taħdita u tintwera lilek biss. Qabel tibgħatha tista' tibdilha jew tikteb tweġiba oħra minflokha.

Biex tibgħat tweġiba ta' malajr awtomatikament lill-klijenti kollha:

• Mur fit-tab tal-Messaġġi.
• Agħfas fuq l-ikona tas-settings fin-naħa ta' fuq tal-iskrin tiegħek.
• Agħfas fuq Immaniġġa t-tweġibiet ta' malajr.
• Agħżel it-tweġiba ta' malajr li tixtieq tiskeda u agħfas fuq Li jmiss.
• Agħfas fuq Skeda għal dan il-ħin: u agħżel meta tixtieq li l-klijenti jirċievu l-messaġġ, bħal 5 minuti wara li klijent jibbukkja jew sagħtejn wara li jkun spiċċa s-servizz.

Meta jkun wasal il-ħin li tintbagħat it-tweġiba ta' malajr skedata, se tirċievi tfakkira fil-konverżazzjoni tiegħek mal-klijent. Jekk il-messaġġ jagħti xi informazzjoni li diġà tajt, tista' tagħżel li tibdlu jew taqbżu.

Tweġiba ta' malajr ikollha l-ikbar impatt meta tkun qasira u titkellem fuq ħaġa waħda biss. Pereżempju, tista' tispjega kif iżżid aktar mistednin, tieħu ħsieb talbiet speċjali jew tipprepara għal xi emerġenza.

Ipprova agħżel it-tweġibiet ta' malajr għal mumenti importanti bħal dawn:

Konferma tal-booking

Għid “ħelow” u iġbor id-dettalji li se jgħinuk tfassal l-offerti tiegħek għall-bżonnijiet tal-klijenti. Ngħidu aħna, fotografu jista' jistaqsi:

• X'inhi l-okkażjoni għas-sessjoni tat-teħid tar-ritratti? 
• Liema ritratti huwa importanti għalik li jittieħdu?

Jekk se jkun qed jgħinek co-host jew se ġġib assistent miegħek, żgura li tintroduċih/a u taqsam il-kwalifiki tiegħu/tagħha.

Qabel servizz

Fakkar lill-klijenti x'ħin se tasal u l-post fejn se tiltaqgħu u offri pariri siewja fuq kif jista' jkollhom l-aħjar esperjenza possibbli. Pereżempju, trainer personali j/tista' j/tinkludi lista qasira ta' ħwejjeġ adattati għall-attivitajiet fil-beraħ u l-bidliet fit-temp.

Wara servizz

Nissuġġerulek li tirringrazzja lill-klijenti talli bbukkjaw miegħek. Meta tħeġġeġ lill-klijenti jħallu review pubblika, din tista' tgħin lill-oħrajn jiddeċiedu jekk is-servizz huwiex l-esperjenza li qed ifittxu. Itlob għall-feedback, inkluż dwar kwalunkwe idea speċifika ta' kif stajtu qattajtu l-ħin flimkien aħjar.

Meta tibgħat ritratti jew vidjows mat-tweġibiet ta' malajr dawn jistgħu jgħinuk tintroduċi ruħek, toħloq offerti personalizzati u taqsam mumenti mal-klijenti li jibqgħu jiftakruhom. Pereżempju, kok jista' jibgħat ritratt ta' menù kampjun.

Tista' tehmeż il-fajls mal-messaġġi xħin trid wara li jiġu kkonfermati l-bookings. Ibgħat ritratti fil-formati PNG jew JPG (sa 50MB) u vidjows fil-formati MP4 jew MOV (sa 100MB u 60 sekonda).

L-esperjenza tal-utent jaf tvarja skont il-post fejn tinsab. L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.