Kif tħajjar lill-ewwel klijenti jibbukkjaw miegħek

Issa li l-Esperjenza ta' Airbnb tiegħek ġiet ippubblikata, tista' tiffoka fuq kif tħajjar lill-parteċipanti jibbukkjawha. Jekk iżżid id-disponibbiltà, titlob prezz kompetittiv u tikseb l-ewwel reviews ta' 5 stilel, l-esperjenza tiegħek tista' tibda tikseb iktar bookings.

Il-listing tiegħek mhux se jintwera fuq Airbnb qabel iżżid id-disponibbiltà. Aġġorna l-kalendarju tiegħek minn issa biex il-parteċipanti jkunu jistgħu jibbukkjaw. Qis it-tul tal-esperjenza, id-disponibbiltà tiegħek u l-għanijiet kummerċjali biex tifhem kemm tixtieq toffri l-esperjenza ta' sikwit. Jekk għandek co-host, iddeċiedu meta kull wieħed minnkom se jorganizza l-esperjenza.

Biex iżżid id-disponibbiltà, agħżel jum li matulu tixtieq toffri l-esperjenza u agħfas fuq Organizza mument għall-esperjenza. Agħżel il-ħin, ix-xorta tal-booking, il-prezz, id-daqs tal-grupp u d-dettalji l-oħra. Tista' timblokka xi ħin qabel u wara mument biex tħejji għall-esperjenza u tnaddaf kollox wara li tintemm.

Ipprova dal-pariri biex tgħin lil-listing tiegħek jispikka.

• Offri iktar disponibbiltà: Iktar ma toffri dati u ħinijiet, iktar hemm ċans li tikseb bookings. L-organizzaturi li jirnexxu, ħafna drabi joffru esperjenza 10 darbiet jew aktar fix-xahar, inkluż mill-inqas jum wieħed matul tmiem il-ġimgħa.
• Ippjana bil-quddiem: Ħafna organizzaturi jżidu d-disponibbiltà sa 3 xhur bil-quddiem biex iżidu ċ-ċans li jiksbu l-bookings. Tista' tiftaħ il-mumenti għall-esperjenza li tmexxi kuljum sa 60 jum bil-quddiem u għall-esperjenza li tmexxi darba fil-ġimgħa sa 52 ġimgħa bil-quddiem.
• Issinkronizza l-kalendarji tiegħek: Issinkronizza l-kalendarji tan-negozju ta' Airbnb u ta' Google biex iżżomm kont ta' kollox minn post wieħed u tevita li bi żball ikollok booking doppju. Ngħidu aħna, meta xi ħadd jibbukkja lejl f'wieħed mill-kalendarji, dak il-lejl jiġi mblukkat awtomatikament fil-kalendarju l-ieħor.
• Sib l-opportunitajiet: Wara li tibda torganizza, ara liema jkunu l-iktar u l-inqas żminijiet popolari u nissuġġerulek tibdel id-disponibbiltà u l-prezz tal-esperjenza tiegħek skont dik l-informazzjoni. Iktar ma toffri disponibbiltà issa, iktar hemm ċans li tkun tista' tilqa' n-nies meta d-domanda tkun għolja.

Jekk titlob prezz kompetittiv, l-esperjenza tiegħek tista' tikseb l-ewwel bookings u tibda tikseb iktar bookings maż-żmien. Hemm 4 fatturi ewlenin li għandek iżżomm f'moħħok.

• Spejjeż tal-operat: Ara li l-prezz tiegħek ikopri l-ispejjeż tal-esperjenza.
• Dħul: Kultant prezz irħas għal kull parteċipant jaf iwassal għal iktar parteċipanti u għalhekk dħul ikbar. Pereżempju:
  • 4 parteċipanti li jħallsu €75 kull wieħed = €300
  • 8 parteċipanti li jħallsu €60 kull wieħed = €480
• L-esperjenzi li jixbhu lil tiegħek: Fittex attivitajiet li jixbhu lil tiegħek fuq Airbnb u pjattaformi oħra biex tqabbel il-prezzijiet u tifhem xi prezz jista' jkun kompetittiv. Il-medda tal-prezzijiet medja għal Esperjenza ta' Airbnb madwar id-dinja hija ta' bejn $65 USD u $81 USD.*
• Prezz totali: Il-prezz li titlob għandu jiġbor fih it-tariffi u t-tips kollha.

Skont huwa mod ieħor kif tgħin lil-listing tiegħek jispikka. Fis-settings tal-prezzijiet tiegħek se ssib 3 skontijiet li tista' tuża.

• Għal żmien limitat: Ħajjar l-ewwel klijenti u l-ewwel reviews billi toffri skont ta' bejn 5% u 50% għal 90 jum.
• Għal min jibbukkja kmieni: Raħħas il-prezz b'20% jekk il-klijenti jibbukkjaw iktar minn ġimagħtejn bil-quddiem. Dil-offerta tħajjar lill-vjaġġaturi li jippjanaw minn kmieni u tgħinek timla l-kalendarju tal-listing tiegħek.
• Għal gruppi kbar: Tista' toħloq prezzijiet irħas għal kull persuna biex tħajjar lill-gruppi kbar jibbukkjaw miegħek. Tista', ngħidu aħna, toffri skont ta' 10% għal gruppi ta' bejn 2 u 3 persuni, skont ta' 20% għal gruppi ta' bejn 4 u 5 persuni u skont ta' 30% għal gruppi ta' iktar minn 6 persuni. Il-biċċa l-kbira tal-parteċipanti jibbukkjaw esperjenza ma' mill-inqas persuna oħra.*

Jekk l-iskont tiegħek ikun iktar minn 10% tal-prezz totali, il-parteċipanti se jaraw il-prezz imraħħas ħdejn il-prezz oriġinali maqtugħ fir-riżultati tat-tiftix u fuq il-listing tiegħek.** Jekk iżżid iktar minn skont wieħed, il-klijenti se jirċievu l-iktar skont li jraħħsilhom il-prezz. Ma jistgħux jużaw iktar minn skont wieħed għall-istess booking.

Jaf tkun tixtieq toffri l-esperjenza tiegħek lil parteċipant jew grupp partikolari bi prezz personalizzat. Pereżempju, tista' taqsam l-esperjenza tiegħek mal-familja u l-ħbieb bi prezz irħas jew bla ħlas biex b'hekk tikseb l-ewwel reviews ta' 5 stilel.

Biex toħloq mument privat, agħżel data u ħin fil-kalendarju tiegħek, agħfas fuq Editja u agħżel li l-esperjenza tkun privata. Ikkopja l-link personalizzata u aqsamha ma' parteċipant jew grupp partikolari. Il-parteċipanti li jingħaqdu mal-booking biss jistgħu jiktbu review.

*Skont id-dejta tal-bookings tal-Esperjenzi ta' Airbnb bejn it-13 ta' Mejju 2025 u l-20 ta' Lulju 2025 fi 30 belt minn madwar id-dinja kollha

**Irid ikun mill-inqas $3 USD jew l-istess valur bil-munita tal-post tiegħek, imnaqqas mill-prezz totali

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jaf ivarjaw.

L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.