Kif toħloq l-istrateġija tal-prezzijiet tiegħek

L-app ta' Airbnb tagħmilhielek eħfef tieħu ħsieb il-prezzijiet u d-disponibbiltà tiegħek. Dan kif tuża l-għodod tal-ospitalità biex jgħinuk tikseb iktar bookings u tilħaq l-għanijiet tad-dħul tiegħek.

Il-klijenti jfittxu Esperjenzi ta' Airbnb li joffru valur mill-aqwa. Biex tibqa' kompetittiv, agħmel drawwa li ta' sikwit tiċċekkja l-prezz li titlob u kemm-il darba torganizza l-Esperjenza.

Tista' tibdel is-settings tal-prezzijiet u d-disponibbiltà tiegħek direttament mill-kalendarju. Żomm dawn il-fatturi f'moħħok.

• Jum tal-ġimgħa: Nissuġġerulek titlob prezzijiet differenti skont il-jum tal-ġimgħa. Ngħidu aħna, tista' titlob prezz irħas fil-jiem li fihom ikun hemm inqas domanda biex tħajjar lin-nies jibbukkjaw.
• Ħin tal-ġurnata: Aħseb ftit dwar l-aħjar ħinijiet biex tħajjar iktar klijenti u żid id-disponibbiltà. Ngħidu aħna, il-lejlijiet ta' matul il-ġimgħa jaf ikunu ideali għan-nies tal-post li jaħdmu matul il-ġurnata u jixtiequ jevitaw it-tmiem il-ġimgħa li jkun iktar mimli.
• Skontijiet għall-gruppi: Tista' toffri prezzijiet irħas għal kull persuna biex tħajjar lill-gruppi kbar jibbukkjaw miegħek. Tista', ngħidu aħna, toffri skont ta' 10% għal gruppi ta' bejn 2 u 3 persuni, skont ta' 20% għal gruppi ta' bejn 4 u 5 persuni jew skont ta' 30% għal gruppi ta' iktar minn 6 persuni.
• Familji: Nissuġġerulek tħalli lit-tfal ta' inqas minn 12-il sena jieħdu sehem bla ħlas jew bi prezz irħas.
• Bookings tal-aħħar minuta: Jekk esperjenza tkun għadha ma ġietx ibbukkjata kollha, ipprova rranġa l-prezz biex timla l-postijiet li jifdal.
• Daqs tal-grupp: Tista' tibdel in-numru ta' postijiet disponibbli biex tevita li jkollok iktar bookings milli postijiet jekk toffri l-esperjenza tiegħek fuq pjattaforma oħra.

L-iktar żminijiet popolari jistgħu jgħinu lin-negozju tiegħek jikber. Ippjana għal żieda fid-domanda tal-parteċipanti grazzi għal dal-pariri dwar il-prezzijiet.

• Żid iktar mumenti: Offri l-esperjenza tiegħek iktar ta' sikwit meta t-temp, il-btajjel u l-avvenimenti kbar bħal kunċerti, festivals u kompetizzjonijiet sportivi jġibu iktar vjaġġaturi fiż-żona tiegħek.
• Aġġorna l-għadd tal-parteċipanti: Nissuġġerulek iżżid in-numru ta' postijiet u tibdel il-prezz biex tħajjar lill-parteċipanti tal-aħħar minuta. Tista' tagħmel dal-bidliet fit-tab Illum.

Iż-żminijiet l-iktar popolari huma wkoll opportunità tajba biex taġġorna l-listing tiegħek biex jispikka fir-riżultati tat-tiftix. Nissuġġerulek tibdel l-isem u d-deskrizzjoni tal-listing biex tenfasizza ż-żmien tas-sena jew iżżid xi ritratti ġodda.

Dawn huma xi modi kif tista' tgħin lil-listing tiegħek jispikka matul l-iktar żmien kwiet tas-sena.

• Offri skontijiet: Anke skontijiet żgħar jistgħu jgħinu l-listing tiegħek jintwera iktar fir-riżultati tat-tiftix. Nissuġġerulek toffri prezzijiet irħas bħal pereżempju skont għal min jibbukkja kmieni jew skont għall-gruppi kbar. Jekk l-iskont tiegħek ikun ta' iktar minn 10% tal-prezz totali, il-prezz imraħħas tiegħek se jintwera ħdejn il-prezz oriġinali, li se jintwera maqtugħ, fir-riżultati tat-tiftix u fuq il-paġna tal-listing tiegħek.*
• Ħalli ftit ħin għall-bookings tal-aħħar minuta: Tawwal l-aħħar ħin għall-bookings biex il-parteċipanti jkunu jistgħu jibbukkjaw dakinhar stess jew fil-jum ta' qabel. Nofs il-bookings kollha jsiru inqas minn ġimgħa qabel tibda l-esperjenza.** Il-parteċipanti bħal pereżempju r-residenti u l-viżitaturi bi pjanijiet flessibbli għandhom it-tendenza li jibbukkjaw aktar tard mis-soltu matul perjodi aktar kwieti.

*Irid ikun mill-inqas $3 USD jew l-istess valur bil-munita tal-post tiegħek, imnaqqas mill-prezz totali

**Skont id-dejta tal-bookings tal-esperjenzi bejn it-13 ta' Mejju 2025 u l-20 ta' Lulju 2025 fi 30 belt minn madwar id-dinja kollha

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jaf ivarjaw.

L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.