Kif tuża t-tweġibiet ta' malajr biex tiffranka l-ħin

L-organizzaturi tal-esperjenzi ħafna drabi jispiċċaw iwieġbu l-istess mistoqsijiet mingħand il-parteċipanti: X'inhuma d-dati disponibbli tiegħek għall-ġimgħa d-dieħla? Fejn se niltaqgħu? Kif nista' nippjana għal jekk tkun ix-xita?

Grazzi għat-tweġibiet ta' malajr mit-tab Messaġġi, tista' terġa' tuża t-tweġibiet tiegħek biex dejjem twieġeb malajr.

Tweġiba ta' malajr hija messaġġ qasir miktub minn qabel li tiġi ssejvjata bħala mudell fis-settings tal-messaġġi tiegħek.

L-ispazji riservati għad-dettalji, bħal isem il-klijent, jippersonalizzaw kull messaġġ billi jiġbdu l-informazzjoni mil-listing jew mill-booking tiegħek.

Oħloq it-tweġibiet ta' malajr tiegħek jew editja l-mudelli ta' Airbnb . Ngħidu aħna, jekk ikollok tikkomunika spiss ma' klijenti li jkunu qed jittardjaw, tista' tiffranka l-ħin billi toħloq tweġiba ta' malajr bit-tweġiba li s-soltu tiktbilhom.

Tista' tibgħat it-tweġibiet ta' malajr minnufih jew tagħżel li jintbagħtu awtomatikament iktar tard.

Biex tibgħat minnufih tweġiba ta' malajr lil klijent:

• Mur fit-tab tal-Messaġġi.
• Agħżel il-konverżazzjoni li tixtieq twieġeb għaliha.
• Agħfas fuq is-simbolu taż-żieda (+) minn Ikteb messaġġ.
• Agħżel Ibgħat tweġiba ta' malajr.
• Agħżel tweġiba ta' malajr li tidher fil-konverżazzjoni tiegħek.
• Editja l-messaġġ jew ibagħtu kif inhu.
• Agħfas il-vleġġa (↑) biex tibgħat il-messaġġ.

It-tab tal-Messaġġi toffri wkoll tweġibiet suġġeriti. Din il-karatteristika tuża l-IA biex tifhem l-mistoqsija tal-klijent tiegħek u tirrakkomanda waħda mit-tweġibiet ta' malajr tiegħek. It-tweġiba suġġerita tintwera fil-konverżazzjoni u tintwera lilek biss. Qabel tibgħat it-tweġiba ssuġġerita tista' tibdilha jew tikteb tweġiba oħra minflokha.

Biex tibgħat tweġiba ta' malajr awtomatikament lill-klijenti kollha:

• Mur fit-tab tal-Messaġġi.
• Agħfas fuq l-ikona tas-settings fin-naħa ta' fuq tal-iskrin tiegħek.
• Agħfas fuq Immaniġġa t-tweġibiet ta' malajr.
• Agħżel it-tweġiba ta' malajr li tixtieq tiskeda u agħfas fuq Li jmiss.
• Agħfas fuq Skeda għal dan il-ħin: u agħżel meta tixtieq li l-klijenti jirċievu l-messaġġ, bħal meta jikkonfermaw il-booking jew sagħtejn qabel tibda l-esperjenza.

Mal-konferma tal-booking għandek żewġ għażliet: Tista' tibgħat messaġġ dirett lil kull parteċipant li jibbukkja jew tibgħat messaġġ tal-grupp wara li l-ewwel parteċipant jibbukkja.

Meta tħejji messaġġ għall-grupp, il-parteċipanti li jibbukkjaw esperjenza għall-istess data u ħin se jiżdiedu awtomatikament mal-konverżazzjoni. Dawn se jkunu jistgħu jaqraw il-messaġġi kollha fil-konverżazzjoni biex ma jkollokx għalfejn tirrepeti dak li diġà ktibt.

Meta jkun wasal il-ħin li tintbagħat it-tweġiba ta' malajr skedata, se tirċievi tfakkira fil-konverżazzjoni tiegħek mal-klijent. Jekk il-messaġġ jagħti xi informazzjoni li diġà tajt, tista' tagħżel li tibdlu jew taqbżu.

Tweġiba ta' malajr ikollha l-ikbar impatt meta tkun qasira u titkellem fuq ħaġa waħda biss. Mit-tab Messaġġi se ssib mudelli miktuba minn qabel għal suġġetti komuni bħal dawn. Ipprova ibgħathom fl-iktar waqtiet importanti.

• Konferma tal-booking: Ibgħat messaġġ ta' merħba biex tintroduċi ruħek u staqsi lill-parteċipanti jekk għandhomx xi mistoqsijiet jew talbiet speċjali, bħal xi ħtiġijiet jew preferenzi tal-ikel.
• Tħejjija qabel l-esperjenza: Għin lill-parteċipanti jieħdu kemm jistgħu mill-esperjenza billi tgħinhom jifhmu x'għandhom jistennew—ngħidu aħna, ibgħatilhom it-tbassir tat-temp b'xi pariri dwar x'għandhom jilbsu jew iġibu magħhom biex ikunu komdi.
• Qabel l-esperjenza: Iktbilhom 24 siegħa qabel biex tfakkar lill-parteċipanti dwar il-ħin tal-bidu u l-post fejn se tiltaqgħu u agħtihom istruzzjonijiet ċari ta' kif jaslu hemm.
• Wara l-esperjenza: Aqsam xi suġġerimenti dwar il-post fejn tinsab u nissuġġerulek titlob lill-parteċipanti jiktbulek review pubblika u jgħidulek x'dehrilhom mis-servizz li tajthom.

Jekk iżżid xi ritratti jew filmati mat-tweġibiet ta' malajr tiegħek, dawn jistgħu jgħinuk tintroduċi ruħek, turi l-post fejn se tiltaqa' mal-parteċipanti jew taqsam xi mumenti importanti tal-esperjenza. Ngħidu aħna, jekk ħadt xi ritratti tal-parteċipanti waqt l-attività, ehmeż ftit minnhom mat-tweġiba ta' malajr "wara l-esperjenza" qabel tibgħatha.

Tista' tehmeż il-fajls mal-messaġġi xħin trid wara li jiġu kkonfermati l-bookings. Ibgħat ritratti fil-formati PNG jew JPG (sa 50 megabyte) u vidjows fil-formati MP4 jew MOV (sa 100 megabyte u 60 sekonda).

L-esperjenza tal-utent jaf tvarja skont il-post fejn jinsab. L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.