X'nistennew mingħandek biex tkun host tal-Esperjenzi ta' Airbnb

L-Esperjenzi ta' Airbnb huma attivitajiet immexxija min-nies tal-post li jafu l-belt tagħhom sewwa ħafna. Niċċekkjaw l-esperjenzi għall-kwalità u l-hosts, il-co-hosts u l-listings jeħtieġ ikollhom l-istandards u r-rekwiżiti li nistennew minnhom.

Dan huwa dak li se nitolbu minnek bħala host jew co-host.

• Verifika tal-identità: Ivverifika l-identità tiegħek u, fejn jeħtieġlek tagħmel hekk, għaddi mill-ispezzjoni tal-kondotta u proċessi ta' verifika oħra.
• Liċenzja u ċertifikati: Ara li jkollok il-liċenzji, l-assigurazzjoni u ċ-ċertifikati kollha meħtieġa għall-attività tiegħek. Agħti prova tagħhom meta nitolbuhielek.
• Għarfien: Ara li jkollok taħriġ formali jew esperjenza siewja, jiġifieri mill-inqas 5 snin ta' xogħol prattiku fil-qasam tiegħek, artikli fuq il-midja jew xhieda oħra dwar il-ħiliet tiegħek, storja tal-familja jew għarfien li għadda minn ġenerazzjoni għall-oħra.
• Attività: Orbot l-esperjenza ma' dak li l-belt hija magħrufa għalih u mal-kultura, mal-ikel jew man-nies tal-post. Ħeġġeġ lill-klijenti jieħdu sehem u jsiru jafu lilek u lill-parteċipanti l-oħra.
• Post: Agħżel post sigur, nadif, komdu u mgħammar b'dak kollu meħtieġ għall-esperjenza.

• Negozji li jorganizzaw esperjenzi: Ivverifika l-identità tal-ħaddiema tiegħek u fejn jeħtieġlek tagħmel hekk, wettaq spezzjonijiet tal-kondotta kriminali tagħhom. Ara li kull min jorganizza l-bookings ikollu l-assigurazzjoni, il-liċenzji, it-taħriġ, l-għarfien u l-edukazzjoni xierqa.

• Isem: Iffoka fuq l-attività ewlenija. Ibda l-isem tal-esperjenza b'verb li juri dak li l-klijenti se jagħmlu matul l-esperjenza bħal "skopri" jew "duq".
• Deskrizzjoni: Żid ma' isem l-esperjenza d-dettalji li juru għaliex klijent għandu jibbukkja l-esperjenza, min int u x'jagħmel il-post li għażilt biex tmexxi l-esperjenza speċjali.
• Ritratti: Ibgħat mill-inqas 5 ritratti bil-kulur ta' kwalità. Tella' kemm teħtieġ ritratti biex il-klijenti jifhmu sew x'għandhom jistennew. Inkludi ritratt uniku għal kull ħaġa fl-itinerarju tiegħek.
• Programm: Semmi l-punti tal-programm mill-bidu sal-aħħar biex il-klijenti jifhmu jekk l-esperjenza tgħoddx għalihom jew le. Żid mill-inqas 3 affarijiet u ttratta esperjenza waħda biss f'kull itinerarju.

Se nirrevedu kull verżjoni tal-esperjenzi li żżid jew bidla li tagħmel f'listings approvati. Jekk tippubblika attivitajiet simili fuq pjattaformi oħra, nissuġġerulek li l-ħinijiet tal-Esperjenza ta' Airbnb tħallihom apposta għall-klijenti ta' Airbnb biss.

• Bookings: Tikkanċellax il-bookings tal-klijenti għalxejn jew għal raġunijiet li stajt tevitahom.
• Messaġġi: Wieġeb lill-klijenti malajr qabel ikun mistenni jibda l-booking tagħhom.
• Sigurtà: Agħżel post sigur u agħti lill-klijenti t-taħriġ u t-tagħmir meħtieġ biex tnaqqas ir-riskju li jkorru. Aħseb minn qabel biex tkun taf x'għandek tagħmel f'każ ta' emerġenza.
• Ratings: Ara li żżomm rating bl-istilel għoli mingħand il-klijenti.
• Listing: Ara li l-listing ikun preċiż, fosthom il-post fejn se tiltaqgħu, il-ħinijiet tal-bidu u tat-tmiem, jekk hux se jkun hemm co-hosts u x'teħtieġ mill-klijenti bħall-età meħtieġa u l-livell ta' strapazz għall-attivitajiet.

Il-proċess ta' verifika mhux xi ħaġa ta' darba. Airbnb tirrevedi l-kummenti tal-klijenti, il-kanċellazzjonijiet mill-host u r-rapporti li jidħlu lit-tim tas-servizz tal-klijenti dwar is-sigurtà u l-kwalità tal-esperjenza. Jekk l-istandards u r-rekwiżiti tagħna ma jkunux qed jitħarsu, jaf nagħtu twissijiet u nissospendu jew inneħħu l-listings jew il-kontijiet tal-hosts.

Minbarra dak li semmejna hawn fuq, jeħtieġlek timxi wkoll mar-Regoli tas-Servizz u mar-Regoli Bażi għall-Hosts u s-Sigurtà għal-Ospitalità tagħna.

Aqra l-istandards u r-rekwiżiti tal-Esperjenzi ta' Airbnb kollha.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.