Kif toħloq programm li jispikka
Qabel jibbukkjaw l-esperjenza, il-klijenti jkunu jixtiequ jkunu jafu x'se jagħmlu matulha. Il-programm tal-esperjenza huwa aġenda qasira li tgħin lill-klijenti jifhmu jekk l-esperjenza tgħoddx għalihom.
Kif tgħin lill-klijenti jifhmu x'jistgħu jistennew li jsibu
Il-programm ideali juri lill-klijenti x'attivitajiet se jkun hemm matul l-esperjenza mill-bidu sal-aħħar. L-ewwel attività għandha tkun daħla għall-esperjenza u għandha tgħin lill-klijenti jħossuhom milqugħin. L-aħħar attività għandha tagħlaq l-esperjenza bil-kbir. Il-programm tal-esperjenza għandu jkun kemm jista' jkun ċar u fil-qosor.
Kif iżżid l-attivitajiet
Għandek iżżid mill-inqas attività waħda; aħna nissuġġerulek tibda bi 3.
Kull attività hija magħmula minn dawn li ġejjin.
- Isem: Spjega l-attività b'żewġ sa erba' kelmiet. Dejjem ibda b'verb.
- Deskrizzjoni: Ibdel l-isem f'sentenza. Għid lill-klijenti x'jistgħu jistennew li jagħmlu matul dil-attività tal-esperjenza.
- Ritratt: Agħżel ritratt ċar ta' kwalità li jaqbel mad-deskrizzjoni li tkun ktibt. Iffoka fuq persuna jew dettall wieħed u uża sfond b'lewn wieħed.
- Tul: Agħżel kemm-il minuta beħsiebek tqatta' fuq dil-attività.
Jekk se tagħti tifkira, rigal jew xi ħaġa oħra lill-klijenti biex jieħduha magħhom id-dar, semmiha bħala parti mill-aħħar attività. Tista' tibdel jew tirranġa l-attivitajiet wara xulxin kif tixtieq.
Il-hosts, ir-ritratti u d-dettalji tal-listings kollha għandhom ikollhom l-istandards u r-rekwżiti li nistennew għall-Esperjenzi ta' Airbnb.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.