Airbnb u l-Hosts jagħtu setgħa ikbar lin-nisa u liż-żgħażagħ ġewwa l-Kolombja
Punti ewlenin
Kull sena l-Klabbs tal-Hosts jinnominaw għaqdiet mingħajr skop ta' qligħ li jemmnu li għandhom jingħataw għotja mill-Fond tal-Komunità ta' Airbnb.
Sa tmiem l-2030, Airbnb se tqassam $100 miljun USD lil għaqdiet minn madwar id-dinja kollha.
Issa qed naċċettaw in-nominazzjonijiet għall-Fond tal-Komunità tal-2024.
"Din jisimha Super Empanada u titqabad kontra l-ġuħ u l-faqar," tgħid Yuli, Host u l-fundatriċi tal-Fondazzjoni True Heroes ġewwa Bogota, il-Kolombja, hi u terfa' waħda mill-pupi maħduma bl-idejn li hija s-simbolu tal-għaqda li waqqfet.
Il-pupa liebsa kostum lewn safrani ta' supereroj, mantell aħmar u maskra tal-għajnejn lewn kaħlani. Imma l-vera supereroj hija Yuli. Il-fondazzjoni li waqqfet tagħti xogħol ta' ħajjata lin-nies biex tgħinhom idaħħlu xi ħaġa tal-flus żejda u jgħinu lill-familji tagħhom.
Il-Fondazzjoni True Heroes torganizza lezzjonijiet prattiċi fejn in-nisa jitgħallmu jaħdmu l-pupi li mbagħad jistgħu jbigħu bl-għajnuna tal-għaqda mingħajr skop ta' qligħ li waqqfet. Mill-2012 'l hawn huma ħafna l-ommijiet li ħadu sehem f'dawn il-lezzjonijiet prattiċi. Il-fondazzjoni toffri post sigur fejn l-ommijiet u wliedhom jistgħu jitolbu l-għajnuna għas-saħħa tal-moħħ, isibu post li jilqagħhom u jesprimu rwieħhom bl-arti u l-kreattività.
Kif il-Klabbs tal-Hosts qed jgħinu lill-komunitajiet tagħhom
Yuli, membru tal-Klabb tal-Hosts ta' Bogota, innomina lill-fondazzjoni għal għotja mingħand il-Fond tal-Komunità ta' Airbnb. Kull sena l-Klabbs tal-Hosts jingħataw l-opportunità li jgħinu lill-komunità tagħhom grazzi għall-Fond tal-Komunità. Grazzi għan-nominazzjoni, il-Fondazzjoni True Horoes kisbet għotja ta' $10,000 USD.
Id-donazzjoni se tgħin lill-għaqda mingħajr skop ta' qligħ tixtri iktar magni tal-ħjata, iddaħħal jaħdem magħha psikologu għal xi sigħat fil-ġimgħa u tkabbar l-ispazju tagħha. Għal sitt xhur se tkun qed iżżid id-dħul ta' mill-inqas erba' familji wkoll.
"Grazzi għall-għotja ta' Airbnb, l-għaqda tagħna se tibda l-2024 bi proġetti interessanti u opportunitajiet aqwa," tgħid Yuli. "Napprezzaw ħafna li kumpanija kbira bħala Airbnb tgħinna."
Fl-2023 iktar minn 50 Klabb tal-Hosts innominaw għaqdiet mingħajr skop ta' qligħ minn madwar id-dinja biex jingħataw għotjiet mill-Fond tal-Komunità ta' Airbnb. Issa qed naċċettaw in-nominazzjonijiet għad-donazzjonijiet tal-2024 mill-Fond tal-Komunità. Kellem lill-Klabb tal-Hosts tiegħek għal iktar dettalji.
Ingħaqad ma' Klabb tal-Hosts lokali biex tgħin tagħti xi ħaġa lura
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.
Punti ewlenin
Kull sena l-Klabbs tal-Hosts jinnominaw għaqdiet mingħajr skop ta' qligħ li jemmnu li għandhom jingħataw għotja mill-Fond tal-Komunità ta' Airbnb.
Sa tmiem l-2030, Airbnb se tqassam $100 miljun USD lil għaqdiet minn madwar id-dinja kollha.
Issa qed naċċettaw in-nominazzjonijiet għall-Fond tal-Komunità tal-2024.