Airbnb u l-Hosts jaħdmu favur il-kura tas-saħħa u t-tagħlim
Punti ewlenin
Kull sena l-Klabbs tal-Hosts jinnominaw għaqdiet mingħajr skop ta' qligħ li jemmnu li għandhom jingħataw għotja mill-Fond tal-Komunità ta' Airbnb.
Sa tmiem l-2030, Airbnb se tqassam $100 miljun USD lil għaqdiet minn madwar id-dinja kollha.
Issa qed naċċettaw in-nominazzjonijiet tal-2024 għall-Fond tal-Komunità.
Fl-2014 Hojin u martu għamlu deċiżjoni importanti: Ħallew ix-xogħol li kellhom ma' kumpanija tal-manifattura tal-elettronika ġewwa Seoul u bdew iduru d-dinja. Fi żmien sena daru 30 pajjiż minn madwar ħames kontinenti u f'kull post li marru, għażlu li joqogħdu f'postijiet ibbukkjati fuq Airbnb.
Wara l-laqgħat dħulin li ngħata mill-Hosts, Hojin ħass li xtaq joħloq l-istess esperjenza għal vjaġġaturi oħra u sar Host ta' Airbnb. Hu u martu llum għandhom tliet listings ġewwa Seoul u ilhom jilqgħu n-nies għal iktar minn seba' snin.
"Aħna nemmnu li l-vjaġġi jgħinu lin-nies jikbru u jgħinuhom biex ikollhom effett pożittiv fuq il-komunitajiet fejn jgħixu," jgħid Hojin.
Imma Hojin ma jiqafx biss fuq l-ospitalità. Bħala Mexxej tal-Komunità tal-Klabb tal-Hosts ta' Seoul, Hojin innomina lilGood Neighbors International biex tingħata għotja mill-Fond tal-Komunità ta' Airbnb. Kull sena l-membri tal-klabbs jingħataw l-opportunità li jgħinu lill-komunità tagħhom grazzi għall-Fond tal-Komunità.
L-għaqda mingħajr skop ta' qligħ għall-iżvilupp u l-għajnuna internazzjonali bbażata f’Seoul tilħaq 42 pajjiż, inkluż l-operat f'52 fergħa ta’ servizzi ta’ assistenza soċjali għat-tfal fil-Korea t’Isfel. L-għan tagħhom huwa li jtemmu l-faqar, jipproteġu d-drittijiet tat-tfal, u jappoġġaw komunitajiet indipendenti u inklussivi.
Kif il-Klabbs tal-Hosts qed jgħinu lill-komunitajiet tagħhom
Grazzi għan-nominazzjoni tal-Klabb tal-Hosts ta' Seoul, Good Neighbors International ingħatat għotja ta' $75,000 USD mill-Fond tal-Komunità ta' Airbnb. L-għotja se tgħin fil-ħidma tal-għaqda biex ittejjeb it-tagħlim, l-aċċess għall-kura tas-saħħa u l-ilma nadif għax-xorb madwar id-dinja.
Il-membri tal-klabb fehmu wkoll l-importanza tal-ħidma tal-għaqda fost il-komunità tal-Korea t'Isfel, fosthom li tagħti l-prodotti għall-period liż-żgħażagħ, u hemm il-ħsieb li jaħdmu mal-għaqda bħala voluntieri.
Fl-2023 iktar minn 50 Klabb tal-Hosts innominaw għaqdiet mingħajr skop ta' qligħ minn madwar id-dinja biex jingħataw għotjiet mill-Fond tal-Komunità ta' Airbnb. Issa qed naċċettaw in-nominazzjonijiet għad-donazzjonijiet tal-2024 mill-Fond tal-Komunità. Kellem lill-Klabb tal-Hosts tiegħek għal iktar dettalji.
Ingħaqad ma' Klabb tal-Hosts lokali biex tgħin tagħti xi ħaġa lura
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.
Punti ewlenin
Kull sena l-Klabbs tal-Hosts jinnominaw għaqdiet mingħajr skop ta' qligħ li jemmnu li għandhom jingħataw għotja mill-Fond tal-Komunità ta' Airbnb.
Sa tmiem l-2030, Airbnb se tqassam $100 miljun USD lil għaqdiet minn madwar id-dinja kollha.
Issa qed naċċettaw in-nominazzjonijiet tal-2024 għall-Fond tal-Komunità.