Airbnb u l-Hosts tal-post jgħinu komunità ġewwa Pariġi
Għal Emmanuel, Host li ilu jilqa' n-nies ġewwa Pariġi għal iktar minn 10 snin, importanti ħafna li jkollu ftit ħin fejn jiltaqa' man-nies. "Inħobb niltaqa' man-nies, l-iktar dawk li jeħtieġu l-għajnuna jew li jħossuhom waħidhom," jgħidilna. "Importanti li nagħtu ftit ħin biex inferrħu lil ħaddieħor. L-istess bħal meta nilqgħu n-nies fuq Airbnb u nagħtuhom merħba f'darna."
Dik waħda mill-ħafna raġunijiet għaliex Emmanuel jagħti l-ħin tiegħu biex jgħin lis-Soċjetà ta' San Vinċenz de Paul, għaqda mwaqqfa ġewwa Pariġi ta' 190 sena li tgħin lin-nies li jeħtieġu l-għajnuna, fosthom lil dawk li m'għandhomx post fejn joqogħdu. Ta' kull ġimgħa l-għaqda torganizza laqgħat biex tlaqqa' n-nies flimkien fejn isiru attivitajiet bħal lezzjonijiet prattiċi tal-ħjata jew kolazzjon qalb in-natura.
Bħala membru tal-Klabb tal-Hosts ta' Pariġi, Emmanuel innomina lis-Soċjetà ta' San Vinċenz de Paul għal għotja mill-Fond tal-Komunità ta' Airbnb. Kull sena l-Klabbs tal-Hosts jingħataw l-opportunità li jgħinu lill-komunità tagħhom grazzi għall-Fond tal-Komunità. Emmanuel jemmen li l-valuri tal-għaqda mingħajr skop ta' qligħ huma l-istess bħal ta' Airbnb u għalhekk kienet in-nominazzjoni ideali. "Il-komunità ta' Airbnb hija waħda speċjali għax temmen fl-għaqda bejn in-nies," jgħidilna.
Kif il-Klabbs tal-Hosts qed jgħinu lill-komunitajiet tagħhom
Grazzi għan-nominazzjoni tal-Klabb tal-Hosts ta' Pariġi, is-Soċjetà ta' San Vinċenz de Paul ingħatat għotja ta' $50,000 USD mill-Fond tal-Komunità ta' Airbnb. Din l-għotja se tintuża biex f'Pariġi jinħolqu iktar postijiet ta' kenn għan-nisa u biex jittellgħu iktar laqgħat għall-komunità bħal, ngħidu aħna, kolazzjon qalb in-natura.
Fl-2023 iktar minn 50 Klabb tal-Hosts innominaw għaqdiet mingħajr skop ta' qligħ minn madwar id-dinja biex jingħataw għotjiet mill-Fond tal-Komunità ta' Airbnb. Issa qed naċċettaw in-nominazzjonijiet għad-donazzjonijiet tal-2024 mill-Fond tal-Komunità. Kellem lill-Klabb tal-Hosts tiegħek għal iktar dettalji.
Information contained in this article may have changed since publication.