X'inhuma l-Klabbs tal-Hosts?
Il-Klabbs tal-Hosts huma komunitajiet magħmula minn hosts b'listings f'żona partikolari li jiltaqgħu online u wiċċ imb wiċċ biex jistaqsu l-mistoqsijiet tagħhom, jaqsmu l-pariri, jifirħu lil xulxin għall-kisbiet li jagħmlu u jitħaddtu dwar l-esperjenzi tagħhom huma u jilqgħu n-nies.
X'se ssib
Barra dan kollu, il-Klabbs tal-Hosts huma gruppi fejn il-membri jgħinu lil xulxin—post fejn tista' titlob parir jew titkellem ma' hosts oħra bħalek.
Il-klabbs huma għall-hosts biss. Kull grupp jingħata l-għajnuna minn hosts voluntiera msejħa Mexxejja tal-Komunità. Dawn jibdew it-taħditiet u jorganizzaw il-laqgħat u l-opportunitajiet għall-volontarjat. Xi klabbs jorganizzaw il-laqgħat tagħhom wiċċ imb wiċċ filwaqt li oħrajn jorganizzaw kollox online.
Il-benefiċċji tas-sħubija
Skont id-dejta ta' Airbnb, il-membri tal-Klabbs tal-Hosts ħafna drabi jdaħħlu iktar flus minn hosts oħra u għandhom ċans ikbar li jsiruSuperhosts.*
L-għan ta' kull klabb huwa li joħloq spazju inklussiv u ta' għajnuna fejn il-hosts ikunu jistgħu:
- Ikabbru n-negozju tagħhom b'moħħhom mistrieħ
- Jistaqsu l-mistoqsijiet u jaqsmu l-pariri
- Iżommu ruħhom aġġornati bl-aħbarijiet u r-riżorsi ta' Airbnb
- Jifirħu għas-suċċessi u jsolvu l-problemi li jiltaqgħu magħhom
- Ikollhom opportunitajiet biex jiltaqgħu wiċċ imb wiċċ jew online
Kif tissieħeb
Kulma teħtieġ biex tingħaqad ma' Klabb tal-Hosts huwa kont ta' Airbnb b'listing attiv ta' post fejn toqgħod jew esperjenza.
Faċli biex tingħaqad:
- Idħol fil-kont ta' Airbnb tiegħek
- Sib Klabbs tal-Hosts lokali skont il-post u t-tip ta' listing tiegħek
- Agħfas fuq Ingħaqad mal-grupp u aqbel mal-linji gwida tal-komunità
Jekk m'hemm l-ebda klabb fiż-żona tiegħek, se nagħtuk l-għażla li tiġi avżat/a meta jitwaqqaf klabb fil-qrib.
*Skont id-dejta li Airbnb ġabret minn madwar id-dinja kollha dwar il-hosts tal-postijiet fejn toqgħod sa Ġunju tal-2025. Id-dħul mhux garantit u jiddependi fuq għadd ta' fatturi fosthom id-disponibbiltà, il-prezz u d-domanda għal-listings fiż-żona tiegħek.
L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.