Kif se titħallas għall-Hosting
Punti ewlenin
Meta żżid metodu tal-ħlas tkun qed tgħin tiżgura li l-fondi tiegħek jaslulek
Biex taħdem il-ħlas li għandek tirċievi, qis ir-rata ta' kull lejl u t-tariffi, it-taxxi u l-ispejjeż miżjuda
- Skopri iktar grazzi għall-gwida kompluta tagħna dwar kif toħloq listing li jirnexxi
Il-Hosts il-ġodda spiss jistaqsu, "Kif se nitħallas?" Airbnb tagħmilha faċli biex tirċievi l-pagamenti tiegħek, dawk li nirreferu għalihom bħala ħlasijiet, fi ftit passi biss.
Kif se titħallas
L-għażla ta' kif tirċievi l-flus li ddaħħal meta tilqa' n-nies hija biss f'idejk. Fost il-metodi tal-ħlas hemm Ħlas Malajr, trasferiment fil-kont tal-bank, PayPal, il-karti tad-debitu Payoneer u Western Union. L-għażliet ivarjaw skont il-post fejn tinsab.
Biex tħejji kollox, agħżel metodu tal-ħlas mit-taqsima Pagamenti u ħlasijiet tal-kont tiegħek. Il-metodu tal-ħlas li tagħżel se jintuża għall-ħlasijiet kollha tal-ġejjieni sakemm tagħżel li tibdlu.
Se nitolbuk ukoll tibagħtilna d-dettalji tiegħek bħala kontribwent tat-taxxa biex inkunu nistgħu noħorġulek id-dokumenti tat-taxxa t-tajba. Ma tafx eżatt jekk dil-ħaġa tgħoddx għalik? Sir af iktar dwar il-formoli tat-taxxa mibgħuta lilek minn Airbnb.
Se nivverifikaw il-metodu tal-ħlas tiegħek biex niżguraw li l-fondi tiegħek jaslu għandek. Sakemm ma tagħżilx Ħlas Malajr—li jiġi vverifikat minnufih—il-proċess ta' verifika jista' jieħu bejn jumejn u 10 ijiem.
Kemm se titħallas
Biex taħdem il-ħlas li għandek tirċievi, immultiplika l-prezz ta' kull lejl tiegħek bin-numru ta' ljieli tal-booking imbagħad żid għal darba t-tariffi l-oħra li għażilt li tiġbor (bħal pereżempju t-tariffa għat-tindif tiegħek). Dan huwa s-sottototal tal-booking tiegħek.
Mis-sottototal tal-booking naqqas it-taxxi u t-tariffi li għandek tħallas. Għalkemm it-taxxi jvarjaw skont il-post ta' fejn toqgħod, il-biċċa l-kbira tal-Hosts iħallsu tariffa tas-servizz ta' 3%.
Jekk il-ħlas tiegħek huwa inqas jew jasallek iktar tard milli stennejt, dan jaf ikun minħabba l-iskontijiet li offrejt jew għax il-booking ġie mibdul jew ikkanċellat (u għalhekk il-klijent tiegħek tħallas flusu kollha jew parti minnhom lura). Għalkemm il-biċċa l-kbira tal-metodi tal-ħlas m'għandhom l-ebda tariffa marbuta magħhom, uħud minnhom jafu jiġbru xi tariffa għal kull tranżazzjoni.Meta se titħallas
Il-flus li ddaħħal meta tilqa' n-nies jintbagħtulek madwar 24 siegħa wara li l-klijent tiegħek ikun mistenni jagħmel iċ-checkin. Id-data eżatta ta' meta jaslu l-flus fil-kont tiegħek tiddependi fuq il-metodu tal-ħlas li għażilt.
Dawn huma l-metodi tal-ħlas (jafu ma jkunux disponibbli kullimkien) u kemm bejn wieħed u ieħor idumu ma jaslulek il-ħlasijiet:
- Ħlas Malajr: Mhux iktar minn nofs siegħa
- Payoneer: Mhux iktar minn 24 siegħa
- PayPal: jum tax-xogħol
- Western Union: jum tax-xogħol (jaf idum ftit iktar skont il-pajjiż/reġjun)
- Trasferiment bankarju: bejn 3 u 5 ijiem tax-xogħol
- Trasferiment internazzjonali: bejn 3 u 7 ijiem tax-xogħol
Meta tilqa' n-nies għal żjara itwal (28 lejl jew iktar), Airbnb se tibgħatlek il-flus darba kull xahar, bl-ewwel pagament li jintbagħat madwar 24 siegħa wara li l-klijent tiegħek jasal fil-post. Meta trid tista' tiċċekkja l-istatus tal-ħlasijiet tiegħek mill-Istorja tat-Tranżazzjonijiet.
Punti ewlenin
Meta żżid metodu tal-ħlas tkun qed tgħin tiżgura li l-fondi tiegħek jaslulek
Biex taħdem il-ħlas li għandek tirċievi, qis ir-rata ta' kull lejl u t-tariffi, it-taxxi u l-ispejjeż miżjuda
- Skopri iktar grazzi għall-gwida kompluta tagħna dwar kif toħloq listing li jirnexxi