Ħajjar lill-klijenti jibbukkjaw il-post tiegħek b'wifi stabbli tajjeb ħafna
Ħafna klijenti jeħtieġu internet tajjeb waqt il-vjaġġ tagħhom, l-iktar jekk ikunu jixtiequ jużawh għall-vidjows jew għax-xogħol mid-dar. Fuq Airbnb, il-klijenti jfittxu l-wifi iktar minn kważi kull kumdità oħra.*
Jekk iżżid wifi tajjeb ħafna mal-listing tiegħek, tgħin biex jintwera f'iktar riżultati tat-tiftix. Tista' tivverifika l-veloċità tal-konnessjoni tal-internet bil-prova tal-ħeffa tal-wifi.
Kif issib il-veloċità tal-wifi tiegħek
Jeħtieġlek tkun fil-propjetà tiegħek biex issib il-ħeffa tal-wifi. Ara li tkun qed tuża l-wifi u li tkun dħalt fil-kont tiegħek fuq l-app ta' Airbnb fuq tagħmir iOS jew Android.
Iftaħ it-tab Listings u agħżel il-listing li tixtieq. Agħfas fuq Kumditajiet u imxi ma' dal-passi:
- Agħfas fuq "żid" (+) biex iżżid il-wifi bħala kumdità jew agħfas fuq Ibdel jekk diġà żidt il-wifi.
- Agħfas fuq Ibda l-prova (jaf ikollok tagħti aċċess għan-netwerk tiegħek).
- Malli jkollok ir-riżultati, kemm tagħfas fuq Żidhom mal-listing biex turi d-dettalji tal-wifi fuq il-listing.
Wara li żżid id-dettalji tal-veloċità tal-wifi fuq il-listing, il-wifi se jintwera lill-klijenti bħala kumdità tal-post tiegħek. Jekk ir-riżultat ikun mill-inqas 50 Mbps, se nuru l-messaġġ "wifi tajjeb ħafna" fin-naħa ta' fuq nett tal-listing tiegħek.
Kif tinterpreta l-veloċità tal-wifi tiegħek
Il-veloċità tal-konnessjoni tal-internet titkejjel b'megabits fis-sekonda. Dawn ir-riżultati li taf tikseb.
- Iktar minn 50 Mbps: Wifi tajjeb ħafna. Il-klijenti jistgħu jużaw l-internet għall-vidjows 4K u jieħdu sehem f'telefonati bil-vidjow fuq iktar minn tagħmir wieħed.
- 25-49 Mbps: Wifi tajjeb. Il-klijenti jistgħu jużaw l-internet għall-vidjows 4K u jieħdu sehem f'telefonati bil-vidjow.
- 7-24 Mbps: Wifi stabbli. Il-klijenti jistgħu jużaw l-internet biex jaraw vidjows HD.
- 1-6 Mbps: Wifi bażiku. Il-klijenti jistgħu jiċċekkjaw il-messaġġi u jqallbu l-internet.
- L-ebda riżultat: Jew m'għandekx wifi jew ma tistax taqbad miegħu. Nissuġġerulek titfi u terġa' tixgħel ir-router jew tmur fi spazju ieħor tal-propjetà tiegħek.
Sir af iktar dwar kif tivverifika l-ħeffa tal-internet tal-listing tiegħek
*Skont id-dejta interna ta' Airbnb li kejlet l-iktar kumditajiet imfittxija mill-klijenti mill-1 ta' Jannar 2024 sal-31 ta' Diċembru 2024.
L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.